ଜଣାଣ

  ମାନଗୋବିନ୍ଦ ସ୍ବାଇଁ

ଜୀବନ ସାଗର ଆତ୍ମା ମୋ ନଉକା

    ପ୍ରଭୁ ମୋ ଶେଷ ନାବିକ

କୂଳରେ ପହଁଚି ଭରସା ଦେବକି

     ଜୀବନ ସ୍ଥିତି ସଉକ।

ଅଥଳ ସାଗରେ ଭାସିମୁ ଯାଉଛି

     ସୂତା ଖିଅ ମୋର ଆଶା

ଭରସା କରିଛି ତୁମେ ମହାପ୍ରଭୁ

     ବଞ୍ଚିବା ହେଉ ଭରସା।

ତୁମେ ଦେବ ମତ ଯିବି ସେହି ପଥ

       ଆଜ୍ଞା କରି ମୁ ପାଳନ

ତୁମ ନାମ ଧରି ଭକ୍ତି ମୋ ଅନ୍ତର

      ଗାଏ ଭଜନ ଜଣାଣ।

ତୁମେ ନିରାକାର ଅଦୃଶ୍ୟ ମୂରତୀ

      ଅନୁଭବ ମୋର ଶକ୍ତି

ଜପ ତପ କରି ଦିବସ ସରିବ

     ଶେଷରେ ଦିଅ ମୁକତି।

ସଂସାର ଝଡ଼ରେ ଦୁଃଖ କଷ୍ଟ ଆସେ

     ସହିବା ମୋ ସବୁକିଛି

ଧର୍ଯ୍ୟ ବଢ଼ା ପ୍ରଭୁ ତୁମରି ଆଶିଷ

     ସେବାକୁ ନେଉଛି ବାଛି।

ଗୋଜାବନ୍ଧ ମହାକାଳପଡ଼ା

କେନ୍ଦ୍ରାପଡ଼ା