କାମାକ୍ଷାନଗର( ମସିହା )୨୭/୦୧ // ଛଳ ଛଳ ଆଖିରେ କୋହ ଭରା କଣ୍ଠରେ ଏମିତି କେତେ କଥା କହି ଦେଉଛି ଝିଅ ଜୀନା l ଚାରି ଆଡେ ସତେ ଯେମିତି ତା ପାଇଁ ଦୁନିଆ ଅନ୍ଧାର ହିଁ ଅନ୍ଧାର,ପାଠ ପଢିବା ପାଇଁ ବହୁତ ଇଚ୍ଛା ହେଲେ ଭାଗ୍ୟର ବିଡମ୍ବନା ଜନ୍ମରୁ ଭିନ୍ନକ୍ଷମ l ତା ସାଙ୍ଗକୁ ପୁଣି ଜନ୍ମରୁ ଅନ୍ଧ l ଦେଖି ପାରନ୍ତିନି ଜୀନା l
ଏଭଳି ଏକ କରୁଣ ଦୃଶ୍ୟ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ପରଜଙ୍ଗ ବ୍ଲକ ଅନ୍ତର୍ଗତ ବସୁଲେଇ ଗ୍ରାମ ପଞ୍ଚାୟତ ର ଅରୁଣ ନାଏକ ଙ୍କ ଝିଅ ଜୀନା ନାଏକଙ୍କ ର l ଅରୁଣ ଜଣେ ଦିନ ମଜୁରୀଆ l ମୂଲ ଲାଗିଲେ ୬ ପ୍ରାଣୀ ଙ୍କ ପେଟକୁ ଦାନା ଯାଏ l ଅରୁଣ ନାଏକ ଙ୍କ ୩ ଝିଅ ଓ ଗୋଟିଏ ପୁଅ ଆଉ ସ୍ତ୍ରୀ କୁ ନେଇ ତାଙ୍କର ସୁଖ ଦୁଃଖର ସଂସାର lସାନ ଝିଅ ଜୀନା ଷଷ୍ଠ ଶ୍ରେଣୀରେ ପଢେ ତା ପାଇଁ ଆଶାବାଡି ହେଉଛି ମା ଦୁଖୀ ନାଏକ l 
ସବୁଦିନ ସ୍କୁଲ କୁ ଛାଡି ନିଅନ୍ତି ଆଉ ସ୍କୁଲ ରୁ ପୁଣି ଘରକୁ ଆଣନ୍ତି l ସରକାର ଭିନ୍ନ କ୍ଷମ ମାନଙ୍କ ପାଇଁ କେତେ ଯୋଜନା କରୁଛନ୍ତି, ହେଲେ ଆମେ କିଛି ସୁବିଧା ପାଇ ପାରୁନାହୁଁ, ନା ହୋଇ ପାରୁଛି ଜୀନା ର ରାସନ କାର୍ଡ ମିଳୁଥିବା ଚାଉଳ ,ନା ମିଳି ପାରୁଛି ଭିନ୍ନକ୍ଷମ ଭତ୍ତା, ନା ମିଳି ପାରୁଛି ଆବାସ ଯୋଜନାରେ ଘର ଖଣ୍ଡିଏ l 
ଯଦି ଝିଅ ର ଭିନ୍ନ କ୍ଷମ ଭତ୍ତା ଓ ରାସନ କାର୍ଡ ରେ ଚାଉଳ ଏବଂ ଘର ଖଣ୍ଡେ ମିଳି ପାରନ୍ତା ଆମେ ପରିବାର ଚଳିଯାଆନ୍ତା ଓ ଝିଅ ଜୀନା ପାଠ ପଢି ପାରନ୍ତା ବୋଲି ଜୀନା ର ମା ପ୍ରଶାସନ ଙ୍କୁ ଅଳି କରିଛନ୍ତି l ଖାଲି ଦେଖିବାକୁ ବାକି ରହିଲା କେବେ ପ୍ରଶାସନ ଶୁଣୁଛନ୍ତି ଜୀନାଙ୍କ ଦୟନୀୟ କଥା???
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
