ମ.ରାମପୁର,୨୭/୨(ମସୀହା): ଓଡିଶା ରାଜ୍ୟ ରେ ଥିବା ପଛୁଆ, ନିଷ୍ପେସିତ, ଅବହେଳିତ ତଥା ସାଧାରଣ ଲୋକଙ୍କ ଜୀବନରେ ଉନ୍ନତି ତଥା ସାମାଜିକ ଓ ଅର୍ଥନୈତିକ ପରିବର୍ତ୍ତନ ଆଣିବା ଦିଗରେ ଦୀର୍ଘ ତିନି ଦଶନ୍ଧି ଧରି ନିଷ୍ଠାପର ଭାବେ କର୍ତ୍ତବ୍ୟ ରତ ମହାଶକ୍ତି ଫାଉଣ୍ଡେସନ ପ୍ରତିଷ୍ଠାତା ଯୁଗଳ କିଶୋର ପଟ୍ଟନାୟକଙ୍କୁ “ମ୍ୟାନ୍ ଅଫ୍ ମିଶନ୍” ପୁରସ୍କାର ରେ ସମ୍ମାନିତ କରାଯାଇ ଅଛି I
ଭୁବନେଶ୍ୱର ସ୍ଥିତ ସ୍ୱସ୍ତି ଗ୍ରାଣ୍ଟ ହୋଟେଲ ରେ ଇଣ୍ଡସ୍ ଭେଲି ନିଉସ୍ ଓ ଓଡ଼ିଶା ସାମାଜିକ ଓ ଅର୍ଥନୈତିକ କେନ୍ଦ୍ର ଦ୍ବାରା ଆୟୋଜିତ ଓଡ଼ିଶା ଭାଇବ୍ରାଣ୍ଟ ଓଡିଶା କାନକ୍ଳେଭ – ୨୦୨୩” କାର୍ଯ୍ୟକ୍ରମ ଠାରେ, ଓଡ଼ିଶାର ପୂର୍ବତନ ଅର୍ଥମନ୍ତ୍ରୀ ପ୍ରଫୁଲ୍ଲ ଚନ୍ଦ୍ର ଘଡେଇ ଙ୍କ ସହ, ଓଡ଼ିଶା ସରକାରଙ୍କ ମାନ୍ୟବର ଏମ୍ ଏସ୍ ଏମ୍ ଇ ଏବଂ ଶକ୍ତି ମନ୍ତ୍ରୀ ପ୍ରତାପ କେଶରୀ ଦେବ ଓ ଅନ୍ୟ ମାନ୍ୟଗଣ୍ୟ ବ୍ୟକ୍ତି ଶ୍ରୀ ପଟ୍ଟନାୟକଙ୍କୁ ଏହି ପୁରସ୍କାର ରେ ସମ୍ମାନିତ କରିଛନ୍ତି I
କଳାହାଣ୍ଡି ଜିଲ୍ଲା ର ଲାଞ୍ଜିଗଡ ଓ ମଦନପୁର ରାମପୁର ଅଞ୍ଚଳ ର ଦୁର୍ଗମ ଅଞ୍ଚଳ ରୁ ନିଜର କାର୍ଯ୍ୟ ଆରମ୍ଭ କରି ଆଜି ଓଡ଼ିଶା ର ୧୫ ଗୋଟି ଜିଲ୍ଲା ରେ ଗରିବ ଲୋକଙ୍କ ଜୀବନ ଜୀବିକା ର ଚିରନ୍ତନ ବିକାଶ ଦିଗରେ ମହାଶକ୍ତି ଫାଉଣ୍ଡେସନ ମାଧ୍ୟମରେ କାର୍ଯ୍ୟରତ ତାଙ୍କର ଏହି ଅଭିଯାନ ଅନ୍ୟମାନଙ୍କ ନିମନ୍ତେ ପ୍ରେରଣା ଯୋଗାଇବ । ଏହି ସଫଳତା ପାଇଁ ଶ୍ରୀ ପଟ୍ଟନାୟକ ଙ୍କୁ ସ୍ଥାନୀୟ ଜନସାଧାରଣ ଶୁଭେଛା ଓ ଅଭିନନ୍ଦନ ଜଣାଇଛନ୍ତି ।
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
