କୋକସରା,୨୭/୦୨ କଳାହାଣ୍ଡି ଜିଲ୍ଲା କୋକସରା ବ୍ଲକ ଡ଼ହଗାଁ ପଞ୍ଚାୟତ ଡ଼ହଗାଁ ସରକାରୀ ହାଇସ୍କୁଲରେ ନିର୍ମାଣ ହୋଇଥିବା ଆଦିବାସୀ ଜନଜାତି ଛାତ୍ରଛାତ୍ରୀଙ୍କ ପାଇଁ ହଷ୍ଟେଲରେ ପାନୀୟ ଜଳ ସମସ୍ୟା ରହିଥିବା କାରଣରୁ ହଷ୍ଟେଲ କାର୍ଯ୍ୟକ୍ଷମ କରିବା ପାଇଁ ଅସୁବିଧା ହେଉଥିଲା । ଏନେଇ ସ୍କୁଲ କର୍ତ୍ତୃପକ୍ଷ କୋକସରା ବ୍ଲକ ଅଧ୍ୟକ୍ଷ୍ୟାଙ୍କ ନିକଟରେ ଅଭିଯୋଗ କରିଥିଲେ । ହଷ୍ଟେଲ ନିର୍ମାଣ ହୋଇ ୪ ବର୍ଷରୁ ଉର୍ଦ୍ଧ ହୋଇଥିଲେ ମଧ୍ୟ ପାନୀୟ ଜଳ ଓ ବିଦ୍ୟୁତ ସମସ୍ୟାକୁ ନେଇ ହଷ୍ଟେଲ କାର୍ଯ୍ୟକ୍ଷମ କରିବାରେ ଅସୁବିଧା ହେଉଥିବା ଦର୍ଶାଇ ଥଲେ ସ୍କୁଲ କର୍ତ୍ତୃପକ୍ଷ। 
ଏହି ଘଟଣାକୁ ଗମ୍ଭୀରତା ସହ ନେଇ ବ୍ଲକ ଅଧ୍ୟକ୍ଷ୍ୟା ରିତା ଅଗ୍ରୱାଲ ଓ ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ ଜିଲ୍ଲା ପରିଷଦ ବୈଠକରେ ଦାବି କରିଥିଲେ । ଜନ ପ୍ରତିନିଧିଙ୍କ ଅଭିଯୋଗ ପରେ ଜିଲ୍ଲା ପ୍ରଶାସନର ନିର୍ଦେଶ କ୍ରମେ ରବିବାର ଡ଼ହଗାଁ ହାଇସ୍କୁଲରେ ଗଭୀର ନଳକୂପ ଖନନ କାର୍ଯ୍ୟ ଆରମ୍ଭ ହୋଇଛି। ବ୍ଲକ ଉପାଧ୍ୟକ୍ଷଙ୍କ ପ୍ରୟାସ ଯୋଗୁଁ ନଳକୂପ ଖନନ କାର୍ଯ୍ୟ ସମ୍ପାଦନ ହୋଇଥିବା କାରଣରୁ ସ୍କୁଲ କର୍ତ୍ତୃପକ୍ଷ ଓ ଗ୍ରାମବାସୀ ଧନ୍ୟବାଦ ଜଣାଇଛନ୍ତି।
ମସିହା ନିଉଜ ସର୍ଭିସ୍
