ମ.ରାମପୁର,୦୧/୩ (ମସୀହା): କଳାହାଣ୍ଡି ଜିଲ୍ଲା ମ,ରାମପୁର ବ୍ଲକ ଅନ୍ତର୍ଗତ ମାଣିକେରା ପଞ୍ଚାୟତର ବାଞ୍ଜାମୁଣ୍ଡା ଠାରେ ଆଜି ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟି ଯାଇଛି l ଗତକାଲି ରାତିରେ ସେମାନେ ରିଶିଡା ଭାଲୁମୁଣ୍ଡା ଗାଁରୁ ବାହା ଭୋଜି ଖାଇ ଆଜି ସକାଳେ ଜଣେ ସଂପର୍କୀୟ ମୋହାନଗିରି କତୋବାହାଲି ଗ୍ରାମର ମଙ୍ଗଳୁ ବାରିହାଙ୍କ ବାଇକରେ ( ନମ୍ବର ଓଡି ୦୩ବି ୫୭୩୬) ଫେରୁଥିବା ବେଳେ ପ୍ରାୟ ୧୦ ଘଣ୍ଟା ସମୟରେ ତାଙ୍କୁ 
ମୋହନଗୀରି ପଟୁ ଆସୁଥିବା ଇକୋ ଗାଡ଼ି(ଓଡ଼ି୦୮କ୍ୟୁ ୮୯୯୬) ବଂଝାମୁଣ୍ଡା ନିକଟରେ ସାମ୍ନା ପଟୁ ଜୋରରେ ଧକ୍କା ଦେଇଥିଲା l ଘଟଣାସ୍ଥଳ ରେ ହିଁ ଛୁଟା ବରିହା (୫୫) ମୃତ୍ୟୁ ବରଣ କରିଥିବାବେଳେ ଅନ୍ୟ ଜଣେ ଆରୋହୀ ଆନଦ ବରିହା (୪୫) ଙ୍କ ଗୋଡ଼ ଭାଙ୍ଗି ଗୁରୁତର ଆହତ ହୋଇଛନ୍ତି l ବାଇକ୍ ଚାଲକ ସାମାନ୍ୟ ଆହତ ହୋଇଛନ୍ତି l
ମୃତ ବ୍ୟକ୍ତି ଓ ଗୁରୁତର ଆହତ ବ୍ୟକ୍ତି ବଲାଙ୍ଗିର ଜିଲ୍ଲା କୁଦୋପାଲି ଗ୍ରାମର ବୋଲି ଜଣାପଡ଼ିଛି l ସେମାନେ ମୋହନଗିରି ଆସି ନିଜ ସମ୍ପର୍କୀୟଙ୍କୁ ଭେଟ ସାକ୍ଷାତ କରି ନିଜ ଗାଁ କୁ ଫେରିବାର ଥିଲା l ଇକୋ ଗାଡ଼ିଟି ଶ୍ରୀପାଲି ତାଳପଡ଼ା ର ହୋଇଥିବା ବେଳେ ଡ୍ରାଇଭର ନରୋତ୍ତମ ପ୍ରଚୁର ପରିମାଣରେ ମଦ ପିଇ ଦୁର୍ଘଟଣା କରିଥିବା କିଛି ପ୍ରତ୍ୟକ୍ଷଦର୍ଶୀ ପ୍ରକାଶ କରିଛନ୍ତି l ଦୁର୍ଘଟଣା ଘଟେଇ ଗାଡ଼ି ଚାଲକ ଫେରାର ମାରୁଥିବା ବେଳେ ଗ୍ରାମବାସୀ ତାକୁ ଧରିଥିଲେ l 
ଦୁଃଖ ର ବିଷୟ ଯେ ୧୦୮ ଆମ୍ବୁଲାନ୍ସ କୁ ଫୋନ କରିବାରୁ ୧୦ କିଲୋମଟର ମୋହନଗିରି ରୁ ଆମ୍ବୁଲାନ୍ସ ଆସିବା ପାଇଁ ଗୋଟିଏ ଘଣ୍ଟା ସମୟ ଲାଗିଥିଲା । ଏପଟେ ଆହତ ବ୍ୟକ୍ତି କଷ୍ଟରେ ଛଟପଟ ହେଇ ପଡିଥିଲେ l ଗୁରୁତର ଅବସ୍ଥାରେ ଥିବା ଦୁଇଜଣ ଆହତଙ୍କୁ ମ,ରାମପୁର ଡାକ୍ତରଖାନା କୁ ଚିକିତ୍ସା ପାଇଁ ଅଣା ଯାଇଥିଲା। ମ.ରାମପୁର ଥାନା ଅଧିକାରୀ ସଚିନ୍ଦ୍ର ପ୍ରଧାନ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।
ମ.ରାମପୁର ରୁ ପରମାନନ୍ଦ ବିଶି ଙ୍କ ରିପୋର୍ଟ
