ରାଉରକେଲା/ ରାଉରକେଲା ବନ ମଣ୍ଡଳ ଓ଼ ୱାଇଏମ୍ଏଫଆଇ ପକ୍ଷରୁ ଆଜି ସ୍ଥାନୀୟ ସରକାରୀ ନୋଡାଲ ଉଚ୍ଚ ବିଦ୍ୟାଳୟ, ସେକ୍ଟର – ୬ ପରିସରରେ ବିଶ୍ୱ ବନ୍ୟପ୍ରାଣୀ ଦିବସ ପାଳିତ ହୋଇଯାଇଛି l ଏଥିରେ ରାଉରକେଲା ଆଞ୍ଚଳିକ ମୁଖ୍ୟ ବନ ସଂରକ୍ଷକ ଡ଼ ]ଅରୁଣ କୁମାର ମିଶ୍ର ( ଆ ଇଏଫଏସ ) ମୁଖ୍ୟ ଅତିଥି ଭାବେ ଯୋଗ ଦେଇଥିଲେ l ପାୱାର ପଏଣ୍ଟ ପ୍ରେଜେନଟେସନ ମାଧ୍ୟମରେ ସେ ବିଭିନ୍ନ ବନ୍ୟପ୍ରାଣୀ, ପଶୁ ପକ୍ଷୀ ଙ୍କ ସମ୍ପର୍କ ରେ ଆଲୋକ ପlତ କରିଥିଲେ l ଦିନକୁ ଦିନ ଅନେକ ପଶୁ ପକ୍ଷୀଙ୍କ ବଂଶ ଲୋପ ପାଉଥିବାରୁ ବିଭିନ୍ନ ବିରଳ ପ୍ରଜାତି ମାନଙ୍କର ସଂରକ୍ଷଣ ଉପରେ ସେ ଗୁରୁତ୍ୱାରୋପ କରିଥିଲେ l ଜନସଚେତନତା ଦ୍ୱାରା ହିଁ ପଶୁ ପକ୍ଷୀଙ୍କ ଶିକାର ଓ଼ କାରବାର କୁ ନିୟନ୍ତ୍ରଣ କରାଯାଇପାରିବ ବୋଲି ଡ଼ଃ ମିଶ୍ର କହିଥିଲେ l
ୱାଇଏମ୍ଏଫଆଇ ର ସାଧାରଣ ସମ୍ପାଦକ ବିବେକାନନ୍ଦ ଦାସ ଅତିଥି ମାନଙ୍କ ପରିଚୟ ପ୍ରଦାନ ସହ ଏହି ଦିବସ ପାଳନର ତlତ୍ପର୍ଯ୍ୟ ସମ୍ପର୍କ ରେ ଆଲୋକପାତ କରିଥିଲେ l ପାନପୋଷ ଫରେଷ୍ଟ ରେଞ୍ଜର ଜ୍ଞାନେନ୍ଦ୍ର ଲିମା ସମ୍ମାନିତ ଅତିଥି ଭାବେ ଉପସ୍ଥିତ ଥିଲେ । ସ୍କୁଲର ପ୍ରଧାନଶିକ୍ଷୟିତ୍ରୀ ସୁସ୍ମିତା ମହାପାତ୍ର ଏଥିରେ ଅଧ୍ୟକ୍ଷତା କରିବା ସହ ସ୍ୱାଗତ ଭାଷଣ ପ୍ରଦାନ କରିଥିଲେ l ଶିବିରରେ ଫରେଷ୍ଟର ରତନ କୁମାର ମହାନ୍ତି ଙ୍କ ସମେତ ବହୁ ଶିକ୍ଷକ ଶିକ୍ଷୟିତ୍ରୀ ଛାତ୍ର ଛାତ୍ରୀ ଯୋଗ ଦେଇଥିଲେ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
