ଜୁନାଗଡ଼,୨୨/୩(ମ ନି ସ) ସ୍ଥାନୀୟ ଲୋକ ସଙ୍ଗଠନ “ନାଗରିକ ବିକାଶ ସଂଗଠନ” କଳାହାଣ୍ଡି ତରଫରୁ ବିଭିନ୍ନ ଦଫାନେଇ ଏକ ଶୋଭାଯାତ୍ରା କରାଯାଇ ମୁକ୍ଷ୍ୟମନ୍ତ୍ରୀ ଙ୍କ ଉଦ୍ଧେଶ୍ୟରେ ସ୍ଥାନୀୟ ବିଡ଼ିଓ ଙ୍କୁ ଦାବିପତ୍ର ଦିଆଯାଇଥିଲା। ଜିଲ୍ଲାରେ ଦୀର୍ଘ ୭ ବର୍ଷ ଧରି ମୋଟ ୧୨ ବ୍ଳକର ୩୨୭୩୬ ପରିବାର ସହ ସେମାନଙ୍କର ହକ୍ ଏବଂ ସାମ୍ବିଧାନିକ ଅଧିକାର ଆଧାରିତ ସଚେତନତା – କାର୍ଯ୍ୟକ୍ରମମାନ ଏକ ବ୍ୟାପକ ଲକ୍ଷ୍ୟ ନେଇ ୨୦୧୭ ମସିହାରୁ ଏହି ସଂଗଠନ କାର୍ଯ୍ୟ କରି ଆସୁଅଛୁ । ବିଶେଷକରି ଅନୁସୁଚିତ ଜାତି , ଜନଜାତି , ପଛୁଆବର୍ଗମାନଙ୍କ ପାଇଁ ଅଧିକାର ଆଧାରିତ କାର୍ଯ୍ୟକ୍ରମ ଯଥା କାମ କରିବାର ଅଧିକାର , ଖାଦ୍ୟ ଅଧିକାର , ସ୍ଵଚ୍ଛ ପାନୀୟ ଜଳର ଅଧିକାର , ସାସ୍ଥ୍ୟ ଅଧିକାର ଆଦି କାର୍ଯ୍ୟକ୍ରମମାନ ରହିଛି। ସମ୍ପ୍ରତି ଜଳବାୟୁ ପରିବର୍ତନ , ବର୍ଦ୍ଧିତ ଗ୍ରୀଷ୍ମ ପ୍ରବାହ ଏବଂ ବିକାଶମୁଖୀ ପରିବେଶରେ ସମାଜର ପଛ ଧାଡ଼ିରେ ଥିବା ଜନସାଧରଣଙ୍କର ସର୍ବନିମ୍ନ ଆବଶ୍ୟକତା ସଳ୍ପ ପାନୀୟ ଜଳ ଏବଂ ପୁଷ୍ଟି ଯୁକ୍ତ ଖାଦ୍ୟ ନିହାତି ଆବଶ୍ୟକ ଥିବାବେଳେ ଯଥେଷ୍ଟ ପାଣି ଓ ଖାଦ୍ୟ ପାଇବାରୁ ବଂଚିତ ହେଉଛନ୍ତି , ଯାହାକି ସେମାନଙ୍କର ବଂଚିବାର ଅଧିକାର ଧାରା ୨୧ ପ୍ରତିଦିନ ଉଲଙ୍ଘନ ହେଉଅଛି ଏଥି ନେଇ ସଂଗଠନ ତରଫରୁ ସରକାର ଶୀଘ୍ର ଦାବୀ ସମୂହ ପୁରଣ କରନ୍ତୁ ବୋଲି ଦର୍ଶାଇଥିଲେ।
ସମ୍ଭାବ୍ୟ ଗ୍ରୀଷ୍ମ ପ୍ରବାହ ପରିସ୍ଥିତି ରେ ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗ ( ଆର୍.ଡବ୍ଲୁ.ଏସ୍.ଏସ୍ . ) ଜରିଆରେ ତୁରନ୍ତ ଅଚଳ ଖୁବ ନଳକୂଅ , ଷ୍ଟାଣ୍ଡ ପୋଷ୍ଟ ଗୁଡ଼ିକୁ ତୁରନ୍ତ ମରାମତି କରାଇ କାର୍ଯ୍ୟକ୍ଷମ କରଯାଉ। ଜଳ କଷ୍ଟ ଅଂଚଳ ଚିହ୍ନଟ କରି ତୁରନ୍ତ ଟ୍ୟାଙ୍କର ମାଧ୍ୟମରେ ପାନୀୟ ଜଳ ପ୍ରଦାନ କରାଯାଉ , ପ୍ରଦୂଷଣରୁ ମୁକ୍ତି ପାଇବା ପାଇଁ ପାଣିକୁ ବିଶୋଧନ କରନ୍ତୁ ,ରାଜ୍ୟର ମେଗା ପାଇପ୍ ଜଳ ଯୋଜନା “ ବସୁଧା ”ଏହାର କାର୍ଯ୍ୟାନ୍ବୟନକୁ ତ୍ବରାନ୍ବିତ କରନ୍ତୁ , ସୋଲାର ଚାଳିତ ଅଚଳ ଜଳ ସ୍ରୋତ ଗୁଡ଼ିକୁ ତୁରନ୍ତ ମରାମତି ଓ ତାଲିମ ପ୍ରାପ୍ତ ମେକାନିକ ସହ ସୋଲାର ସମ୍ପର୍କିତ ପାଟ୍ସ ଉପଲବ୍ଧ କରାଯାଉ , କିଶୋରୀ ବାଳିକାମାନଙ୍କୁ ତୁରନ୍ତ ଏବଂ ନିୟମିତ ପୁଷ୍ଟିଯୁକ୍ତ ଖାଦ୍ୟ ଓ ସ୍ୱାସ୍ଥ୍ୟ ପରୀକ୍ଷ କରାଯାଉ , ସ୍କୁଲ ଛାଡିଥିବା କିଶୋରୀମାନଙ୍କ ପାଇଁ ପୁନଃ ଶିକ୍ଷାଗ୍ରହଣର ବ୍ୟବସ୍ଥା କରାଯାଉ , ସମସ୍ତ ଅଙ୍ଗନୱାଡ଼ି କେନ୍ଦ୍ରରେ ବାଳିକା , ଗର୍ଭବତୀ ମହିଳା , ପ୍ରସୂତି ମହିଳା ଆଦିଙ୍କ ପାଇଁ ପୃଥକ୍ ଶୌଚାଳୟ ,ରୋଷେଇ ଗୃହ ଓ ଗୋଦାମ ଗୃହ ନିର୍ମାଣ କରାଯାଉ , ସମସ୍ତ ଅଙ୍ଗନୱାଡ଼ି କେନ୍ଦ୍ରରେ ସ୍ୱଚ୍ଛ ପାନୀୟ ଜଳ ଯୋଗାଇ ଦିଆଯାଉ ପ୍ରଭୁତି ଦାବୀ ରହିଥିଲା।
ଜୁନାଗଡ଼ ରୁ ନରେନ୍ଦ୍ର ଖିତି ଙ୍କ ରିପୋର୍ଟ
