କାମାକ୍ଷାନଗର -(ମନିସ )22/3/23 // ଢେଙ୍କାନାଳ ଜିଲ୍ଲା କାମାକ୍ଷାନଗର ଥାନା ପଥରଖମ୍ବ ଦେଇ ଯାଇଥିବା ନୂତନ ଟ୍ରେନ ଲାଇନରୁ ଜଣେ ମହିଳାଙ୍କ କ୍ଷତ ବିକ୍ଷତ ମୃତ ଦେହ ଠାବ ହୋଇଛି |ମୃତ ମହିଳା ଜଣକ ହେଉଛନ୍ତି ପଥରଖମ୍ବ ଗ୍ରାମର ବନିତା ବିଶ୍ୱାଳ |ସୂଚନା ମୁତାବକ ବନିତା ଆଜି ସକାଳେ ଭୋର ମୁକ୍ତାପଶି ମେଡିକାଲ ଯିବା ପାଇଁ ଘରୁ ବାହରିକି ଆସିଥିଲେ |ତେବେ କିଛି ସମୟ ପରେ ଟ୍ରେନ ଲାଇନରେ ଜଣେ ମହିଳାଙ୍କ କ୍ଷତବିକ୍ଷତ ମୃତ ଦେହ ପଡିଥିବାର, ସ୍ଥାନୀୟ ଲୋକ ଦେଖିବା ପରେ ପୋଲିସ କୁ ଖବର ଦେଇଥିଲେ |ଖବର ପାଇ ପରିବାର ଲୋକ ଘଟଣା ସ୍ଥଳରେ ପହଂଚି ମୃତ ଦେହ ଚିହ୍ନଟ କରିଥିବା ବେଳେ, ବର୍ତ୍ତମାନ ସୁଦ୍ଧା ଜିଆରପି ପୋଲିସ ଘଟଣା ସ୍ଥଳରେ ପହଂଚି ନାହିଁ |ତେବେ ଏହି ନୂତନ ଟ୍ରେନ ଲାଇନଟି ବୁଢାପଙ୍କ ରୁ ଡ଼ୁବୁରୀ ସଂଯୋଗ ହୋଇଥିବା ବେଳେ, କିଛି ଦିନ ପୂର୍ବରୁ ମାଲବାହି ଟ୍ରେନଯାତାୟତ କରୁଛି |ତେବେ ଟ୍ରେନ ଦୁର୍ଘଟଣାରେ ବନିତାଙ୍କ ମୃତ୍ୟୁ ହୋଇଥିବା ସଂନ୍ଦେହ କରାଯାଉଥିବା ବେଳେ ଅଂଚଳରେ ଏହା ପ୍ରଥମ ଟ୍ରେନ ଦୁର୍ଘଟଣା ହୋଇଥିବା କହିଛନ୍ତି ସ୍ଥାନୀୟ ସରପଞ୍ଚ |ସେପଟେ ଏହା ହତ୍ୟା ନା ଆତ୍ମହତ୍ୟା ତାହା, ଜିଆରପି ପୋଲିସର ତଦନ୍ତ ପରେ ହିଁ ସ୍ପଷ୍ଟ ହେବ |
କାମାକ୍ଷାନଗରରୁ ପ୍ରହ୍ଲାଦ ମୁଦୁଲିଙ୍କ ରିପୋର୍ଟ
