ନର୍ଲା (ନିପ୍ର) ଗତ ତ୍ରିସ୍ତରୀୟ ପଞ୍ଚାୟତ ନିର୍ବାଚନରେ ନର୍ଲା ଜିଲ୍ଲା ପରିଷଦର ୩ ଗୋଟି ଆସନରେ ବିଜେପିର ଏକ ତରଫା ବିଜୟ ହୋଇଥିଲା।ଏଥର କିନ୍ତୁ ଫଳାଫଳ ଓଲଟା ହେଉଛି। ନର୍ଲା ଜିଲ୍ଲା ପରିଷଦ ଜୋନ ୧ରେ ଜିଲ୍ଲା ପରିଷଦ ସଦସ୍ୟା ଭାବେ ବିଜେଡ଼ି ପ୍ରାର୍ଥୀନୀ ନମ୍ରତା ସାହୁ ମୋଟ ୯୫୯୪ ଖଣ୍ଡ ଭୋଟ ପାଇ ବିଜୟୀ ହୋଇଛନ୍ତି। ତାଙ୍କର ନିକଟତମ ପ୍ରତିଦ୍ବନ୍ଦୀ ବିଜେପି ପ୍ରାର୍ଥୀନୀ ସଞ୍ଜୁ ସାହୁ ୭୦୯୯ ଖଣ୍ଡ ଭୋଟ ପାଇଥିବା ବେଳେ ବିଜେଡି ପ୍ରାର୍ଥୀନୀଙ୍କ ଠାରୁ ପରାସ୍ତ ହୋଇଛନ୍ତି। ସେହିପରି ନର୍ଲା ଜୋନ ୨ରେ ବିଜେଡ଼ି ଜିଲ୍ଲା ପରିଷଦ ପ୍ରାର୍ଥୀ ହରିଶଙ୍କର ମାଝୀ ୧୨୩୪୨ ଖଣ୍ଡ ଭୋଟ ପାଇ ବିଜୟୀ ହୋଇଛନ୍ତି। ଏହି ଜୋନରେ କଂଗ୍ରେସ ପ୍ରାର୍ଥୀ ରୋଷନ କୁମାର ମାଝୀ ୭୨୪୦ ଖଣ୍ଡ ଭୋଟ ପାଇ ଦ୍ବିତୀୟ ସ୍ଥାନରେ ଓ ବିଜେପି ପ୍ରାର୍ଥୀନୀ ରିନା ଭୋଇ ୬୫୦୮ ଖଣ୍ଡ ଭୋଟ ପାଇ ତୃତୀୟ ସ୍ଥାନରେ ରହିଛନ୍ତି। ଏଠାରେ ୮୦୦ ଖଣ୍ଡ ଭୋଟ ନାକଚ ହୋଇଥିବା ମଧ୍ୟ ଜଣାଯାଏ।
ପ୍ରଦୀପ କୁମାର ଗଉଡ ନର୍ଲା ମସୀହା ପ୍ରତିନିଧି।
