ଅଦ୍ୟ ତା 31.03.2023 ରିଖ ଦିବା 10.30 ଘଣ୍ଟିକା ସମୟରେ ପୋଷଣ ପାଖଡା ଉତ୍ସବ ପାଳନ ଅବସରରେ ବାଜିଚୌକ ଛକଠାରୁ ମିନି ଷ୍ଟାଡିୟମ ପର୍ଯ୍ୟନ୍ତ ମହିଳା ସ୍ଵୟଂ ସହାୟକ ଗୋଷ୍ଠୀର 100ଜଣ ମହିଳା ସଭ୍ୟାଙ୍କୁ ନେଇ ପଦଯାତ୍ରା ଓ 100 ଜଣ ସ୍କୁଲ ଛାତ୍ରଛାତ୍ରୀମାନଙ୍କୁ ନେଇ ସାଇକେଲ ରାଲି ଆୟୋଜନ କରାଯାଇଥିଲା । ଶ୍ରୀଯୁକ୍ତ ରମେଶ ଚନ୍ଦ୍ର ସେଠୀ, ଓ.ପ୍ର.ସେ (ଏସ୍), ଅତିରିକ୍ତ ଜିଲ୍ଲାପାଳ (ସାଧାରଣ) ପତକା ଉତ୍ତୋଳନ କରି ଉକ୍ତ ପଦଯାତ୍ରା ଓ ସାଇକେଲ ରାଲିକୁ ଶୁଭାରମ୍ଭ କରିଥିଲେ । ଉକ୍ତ ରାଲିରେ ଶ୍ରୀମତୀ ପୂର୍ଣ୍ଣମାସି ସାହୁ, ଜିଲ୍ଲା ସମାଜ କଲ୍ୟାଣ ଅଧିକାରୀ, ଶିଶୁ ବିକାଶ ପ୍ରକଳ୍ପ ଅଧିକାରୀ, ସଦର, ଡିପିସି (ମମତା), ଡିସି, (ଆକ୍ସନ ଏଡ୍ ଓ ୟୁନିସେଫ୍), ସୁପରଭାଇଜରମାନେ ଉପସ୍ଥିତ ରହି ସମସ୍ତଙ୍କୁ ଉତ୍ସାହିତ କରିଥିଲେ ।
ପଦଯାତ୍ରା ଓ ସାଇକେଲ ରାଲି ମାଧ୍ୟମରେ ମାଣ୍ଡିଆରୁ ତିଆରି ବିଭିନ୍ନ ପ୍ରକାର ଜିନିଷର ବ୍ୟବହାର ଓ ତାର ଉପାଦେୟତା ବିଷୟରେ ଲୋକମାନଙ୍କୁ ସଚେତନ କରିବା ଉପରେ ଅତିରିକ୍ତ ଜିଲ୍ଲାପାଳ (ସାଧାରଣ) ଗୁରୁତ୍ୱାରୋପ କରିଥିଲେ ।
ଶୁଭମ ପାଣି ଙ୍କ ରିପୋର୍ଟ
