ରାଉରକେଲା / ସ୍ବନାମଧନ୍ୟ ସିନେ ଅଭିନେତା, ପଦ୍ମଶ୍ରୀ ପ୍ରଶାନ୍ତ ନନ୍ଦଙ୍କ ୭୭ ତମ ଜୟନ୍ତୀ ଅବସରରେ ନିଆରା ସଙ୍ଗୀତ ସନ୍ଧ୍ୟା ‘ ଚିର ସବୁଜ ପ୍ରଶାନ୍ତ’ ଆସନ୍ତା ମଇ ଦୁଇ ତାରିଖ ସନ୍ଧ୍ୟା ୬ ଟାରେ ସିଭିକ ସେଣ୍ଟର ଠାରେ ଆୟୋଜିତ ହେବାକୁ ଯାଉଛି l ସ୍ଥାନୀୟ ସହର ସେବା ସମିତି ଆନୁକୂଲ୍ୟରେ ରାଉରକେଲାର ମ୍ୟୁଜିକ ଥେରାପି ଓ ଭୁବନେଶ୍ୱରର ଇନ୍ଦ୍ରଧନୁ ଦ୍ୱାରା ପ୍ରଦର୍ଶିତ ହେବାକୁ ଥିବା ଏହି ସଙ୍ଗୀତ ସନ୍ଧ୍ୟା କାର୍ଯ୍ୟକ୍ରମ ପ୍ରଶାନ୍ତ ନନ୍ଦଙ୍କ ଉପସ୍ଥିତିରେ ହେବ ଏବଂ ଏହି ଅବସରରେ ରାଉରକେଲା ଇସ୍ପାତ କାରଖାନାର ଡିଆଇସି ଅତନୁ ଭୌମିକ ମୁଖ୍ୟଅତିଥି ଭାବେ ଯୋଗଦେବେ l ଶ୍ରୀ ନନ୍ଦଙ୍କ ଜନ୍ମଦିନ ସକାଶେ ଉତ୍ସର୍ଗୀକୃତ ଏହି କାର୍ଯ୍ୟକ୍ରମରେ ଏହି ବରିଷ୍ଠ ସିନେତାରକାଙ୍କ ଅଭିନୀତ, ନିର୍ଦ୍ଦେଶିତ ସିନେମା ଗୁଡ଼ିକର ମନଛୁଆଁ ସଙ୍ଗୀତ ଗୁଡ଼ିକ ପରିବେଶିତ ହେବ l କାର୍ଯ୍ୟକ୍ରମକୁ ଉପଭୋଗ କରିବାକୁ ବହୁସଂଖ୍ୟାରେ ଯୋଗଦେବାକୁ ସହର ସେବା ସମିତିର ଆବାହକ ଶୈଳେନ୍ଦ୍ର ମହାନ୍ତି ନିବେଦନ କରିଛନ୍ତି l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ
