କର୍ଲାମୁଣ୍ଡା: କର୍ଲାମୁଣ୍ଡା ବ୍ଲକ ଅନ୍ତର୍ଗତ ତେରେସିଂହା ଗ୍ରାମର ମାଁ ମାଣିକେଶ୍ଵରୀ ଯୁବକଳା ସାଂସ୍କୃତିକ ଅନୁଷ୍ଠାନ ପକ୍ଷରୁ ଚାଲିଥିବା ସଂପୂର୍ଣ୍ଣ ମହାଭାରତ ଗୀତିନାଟ୍ୟର ସପ୍ତମ ରଜନୀରେ ଦ୍ରୌପଦୀ ବସ୍ତ୍ରାହରଣ ଓ ଗୁପ୍ତ ବନବାସ ନାଟକ ମଞ୍ଚସ୍ଥ ହୋଇଥିଲା l ମଞ୍ଚସ୍ଥ ବସ୍ତ୍ରାହରଣ ନାଟକରେ ଦୁଃଶାସନ ଭୂମିକାରେ ଋଷଭ ମାଝୀ, ଦୁର୍ଯ୍ୟୋଧନ- ଅଜିତ୍ ରଣା, ଦ୍ରୌପଦୀ- ଅଶୋକ ବାରିକ, ଶକୁନି- ଚିନ୍ତାମଣି ପରାଭୋଈ, ଭାନୁମତୀ- ଅଚ୍ୟୁତ ରଣା ଅଭିନୟ 
କରିଥିବା ବେଳେ ଗୁପ୍ତ ବନବାସ ନାଟକରେ ବିରାଟ ଭୂମିକାରେ କ୍ଷେତ୍ରମଣି ରଣା, ସୁଦେଷ୍ଣା- ରୋହିତ ରଣା, ଦୂତ- ଗଜୀନ୍ଦ୍ର ରଣା, ମଲ୍ଲ- ଅଚ୍ୟୁତ ରଣା, ଶବର- ଈଶ୍ୱର ବାଗ, ଉତ୍ତରାବାଲି- ମୁନ୍ନା ପରାଭୋଇ ପ୍ରମୁଖ ଅଭିନୟ କରିଥିଲେ l ଏଥିରେ ଦେବେନ୍ଦ୍ର ରଣା ପୁରାଣପଣ୍ଡା ଦାୟିତ୍ୱରେ ଥିବାବେଳ ଅନୁଷ୍ଠାନ ସଭାପତି ବିଶ୍ବମ୍ବର ଭୋଇ ଓ ସମ୍ପାଦକ ରୋହିତ ରଣାଙ୍କ ତତ୍ତ୍ଵାବଧାନରେ ଅନୁଷ୍ଠିତ ନାଟକରେ କମିଟି ସଦସ୍ୟ ମାନେ ସହଯୋଗ କରିଥିଲେ l
କର୍ଲାମୁଣ୍ଡାରୁ ସୁଶାନ୍ତ ରଣାଙ୍କ ରିପୋର୍ଟ, ମସୀହା
