ଜନଜାଗରଣ ମଞ୍ଚର ମାସିକ ବୈଠକ ଅନୁଷ୍ଠିତ
ଖଇରା,୦୪/୬/୨୫ – ବାଲେଶ୍ବର ଜିଲ୍ଲା ଖଇରା ସ୍ଥିତ ଜନଜାଗରଣ ମଞ୍ଚର ମାସିକ ବୈଠକ ମଞ୍ଚ କାର୍ଯ୍ଯାଳୟ ପରିସରରେ ଅନୁଷ୍ଠିତ ହୋଇଯାଇଛି । ବୈଠକରେ ସଭାପତିତ୍ବ କରିଥିଲେ ମଞ୍ଚର କାର୍ଯ୍ୟକାରୀ ସଭାପତି ରଶ୍ମିତା ମହାପାତ୍ର । ବୈଠକ ଆରମ୍ଭ ପୂର୍ବରୁ ମଞ୍ଚର ସଭ୍ୟ ପ୍ରଭାତ ଜେନା ଓ ଗୋବିନ୍ଦ ସାମଲଙ୍କ ଅମର ଆତ୍ମାର ସଦଗତି କାମନା ନିମନ୍ତେ ନୀରବ ପ୍ରାର୍ଥନା ପରେ ପଣ୍ଡିତ କୃଷ୍ଣ ଚନ୍ଦ୍ର ପତ୍ରୀ ସମସ୍ତଙ୍କୁ ଅମୃତବାଣୀ ଶୁଣାଇଥିଲେ । ସମ୍ପାଦକ ନିରଞ୍ଜନ ବେହେରା ପୂର୍ବ ବୈଠକର ବିବରଣୀ ପାଠ କରିଥିଲେ । ପରେ ପରେ ଖଇରା ଅଞ୍ଚଳର ବିଭିନ୍ନ ସମସ୍ୟା ଓ ତା’ର ପ୍ରତିକାର ସହିତ ବଜାରରେ ଦୀର୍ଘ ଦିନ ଧରି ଦାବି ହୋଇ ଆସୁଥିବା ଯାତ୍ରୀ ବିଶ୍ରାମଗାର ନିର୍ମାଣ ସମ୍ବନ୍ଧରେ ଆଲୋଚନା ହୋଇଥିଲା । ପ୍ରକାଶ ଥାଉକି ଅଞ୍ଚଳର ପ୍ରତ୍ୟେକ ସମସ୍ୟା ସହିତ ମଞ୍ଚ ଜଡ଼ିତ ଓ ତା’ର ସମାଧାନ କ୍ଷେତ୍ରରେ ମଧ୍ୟ ମଞ୍ଚ ସମ୍ମୁଖରେ ଦଣ୍ଡାୟମାନ । ସକ୍ରିୟ ଭାବେ ମଞ୍ଚ କାର୍ଯ୍ୟ କରୁଥିବାରୁ ଅଞ୍ଚଳର ଅନେକ ସମସ୍ୟା ସମାଧାନ ହୋଇପାରୁଛି ।ଏଥିପାଇଁ ମଞ୍ଚର ସୁନାମ ଅଞ୍ଚଳ ବାସୀଙ୍କ ମୁଖନିସୃତ ବାଣୀ । ବୈଠକରେ ମେମ୍ବର ମାନଙ୍କ ଆଗ୍ରହ ପୂର୍ଣ୍ଣ ଯୋଗଦାନ ଆଗକୁ ବଢ଼ିବା ପାଇଁ ପ୍ରେରଣା ଯୋଗାଉଛି ବୋଲି ସମସ୍ତେ ଉପଲବ୍ଧି କରିଥିଲେ ।ଏଥିରେ ରାମକୃଷ୍ଣ ଦାସମହାପାତ୍ର, ଚିନ୍ତାମଣି ସାହାଣୀ, ଦେବେନ୍ଦ୍ର କୁମାର ରାଉତ, ଚିନ୍ମୟୀ ଜେନା, ନରେନ୍ଦ୍ର ପ୍ରସାଦ ବେହେରା ଓ କମଳଲୋଚନ ଜେନା ପ୍ରମୁଖ ଯୋଗ ଦେଇ ବୈଠକକୁ ସାଫଲ୍ୟ ମଣ୍ଡିତ କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
