ଭବାନୀପାଟଣା ତା: 01/09/2023 :- ରାଜ୍ୟ ସରକାରଙ୍କ ବିଭିନ୍ନ ଲୋକାଭିମୁଖୀ ଯୋଜନାକୁ ପାରମ୍ପରିକ କୋକକଳା ମାଧ୍ୟମରେ ଗାଁ ଗାଁ ରେ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ଓ କଳାକାରମାନଙ୍କୁ ନିଜସ୍ଵ କଳାର ପ୍ରଦର୍ଶନ କରିବା ପାଇଁ ଏକ ସୁଯୋଗ ସୃଷ୍ଟି କରିଛନ୍ତି ରାଜ୍ୟ ସରକାର । ଜିଲ୍ଲାର ବ୍ଲକ କଳା ସଂସ୍କୃତି ସଂଘମାନଙ୍କୁ ଆଜି 01/09/2023 ଓ ଆସନ୍ତା କାଲି 02/09/2023 ଦୁଇଦିନ ଧରି ତାଲିମ ପ୍ରଦାନ କରାଯାଉଛି । ଏହି 
ଅବସରରେ ଆଜି ସ୍ଥାନୀୟ ଇ .ଟି. ସି ତାଲିମକେନ୍ଦ୍ରରେ ଆୟୋଜିତ ତାଲିମ ଶିବିରରେ ଅତିରିକ୍ତ ଜିଲ୍ଲାପାଳ ଶ୍ରୀ ତନ୍ମୟ କୁମାର ଦରୱାନ ମୁଖ୍ୟ ଅତିଥି ରୂପେ ଯୋଗଦେଇ ସମସ୍ତ ସାଧନ ସଭ୍ୟମାନଙ୍କୁ ଯୋଜନାର ସଫଳ ପ୍ରଚାର ପାଇଁ ତଥା ନିଜସ୍ଵ କଳା ପ୍ରଦର୍ଶନ ପାଇଁ କହିଥିଲେ । ମୁଖ୍ୟ ଅତିଥି ପ୍ରଦୀପ ପ୍ରଜ୍ଜ୍ଵଳନ କରି ପ୍ରଥମ ଦିନ ପ୍ରଶିକ୍ଷଣ ଶିବିରର ଶୁଭାରମ୍ଭ କରିଥିଲେ । ଅତିଥିମାନଙ୍କ ମଧ୍ୟରେ ଜିଲ୍ଲା ସଂସ୍କୃତି ଅଧିକାରୀ ଅର୍ପିତା ବେହେରା , ଡି . ଆଇ . ପି . ଆର . ଓ . ମନୋଜ ବେହେରା , ଜିଲ୍ଲା କଳା ସଂସ୍କୃତି ସଂଘ ଉପସଭାପତି କରୁଣାକର ଦାସ , ବ୍ଲକ କଳା ସଂସ୍କୃତି ସଂଘ ଉପସଭାପତି ( ଗୋଲାମୁଣ୍ଡା ) ପ୍ରଦୀପ ମିଶ୍ର ପ୍ରମୁଖ ମଞ୍ଚାସୀନ ଥିଲେ ଓ ନିଜର ବକ୍ତବ୍ୟ ପ୍ରଦାନ କରିଥିଲେ । ପ୍ରଥମେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ସ୍ଵାଗତ ଭାଷଣ ଦେଇ ତାଲିମ ଶିବିରର ଉଦ୍ଦେଶ୍ୟ ଜ୍ଞାପନ କରିଥିଲେ । ବିଶିଷ୍ଟ ଚିତ୍ରଶିଳ୍ପୀ ତଥା ଓଡିଶା ସଙ୍ଗୀତ ନାଟକ ଏକାଡେମୀ ପୁରସ୍କୃତ ଶ୍ରୀ ପ୍ରଭାସ ଚନ୍ଦ୍ର ମିଶ୍ର ଓ ବିଶିଷ୍ଟ ଲୋକକଳା ଗୁରୁ ଶ୍ରୀ ଭୀମସେନ ସାହୁ କଳାକାରମାନଙ୍କୁ ଦିଗଦର୍ଶନ ଦେଇଥିଲେ । ବିଷୟ ବିଶେଷଜ୍ଞଭାବେ “ ମିଶନ ଶକ୍ତି ” ଉପରେ ଡି ପି ସି ମିଶନ ଶକ୍ତି ଅମିତ ପାଢୀ , “ ମମତା ଯୋଜନା “ ଉପରେ ଏ ଡି ଏସ ଡବ୍ଲୁ ଓ ଦୁଲାଲ ସେନାପତି , “ମୋ ସ୍କୁଲ” ଉପରେ ଜିଲ୍ଲା ‘ ମୋ ସ୍କୁଲ ’ ସଂଯୋଜକ ସୁକାନ୍ତ ସାହୁ , “ ଆଦର୍ଶ ବିଦ୍ୟାଳୟ ” ଉପରେ ବିଜ୍ଞାନ ସୁପରଭାଇଜର ଦୁସମନ୍ତ ପାଢୀ , “ କ୍ରୀଡା ଓ ହକି ” ଉପରେ ଡି . ଏସ . ଓ ରମେଶ ପାଢୀ , “ ମଧୁବାବୁ ପେନସନ ” ଉପରେ ଏସ . ଏସ . ଏସ . ଓ ଚନ୍ଦନ କୁମାର ବାରିକ କଳାକାରମାନଙ୍କୁ ବିଶେଷ ରୂପେ ବୁଝାଇଥିଲେ । ଡି.ଆଇ.ପି.ଆର.ଓ , ଡି.ଏସ.ଓ , ଜେଡ.କେ.ଏସ.ଏସ , ବି.କେ.ଏସ.ଏସ ଉପସଭାପତି ଏହି ସୂଚନା , ଶିକ୍ଷା ଓ ଯୋଗାଯୋଗ ବିଶେଷ କାର୍ଯ୍ୟକ୍ରମର ଯୋଜନା , ମନିଟରିଂ , ଡକୁମେଣ୍ଟାରୀ , ବିଲିଙ୍ଗ , ମାଇକ୍ରୋପ୍ଲାନିଂ ଉପରେ ବିଶେଷଭାବେ ସାଧନସଭ୍ୟ ମାନଙ୍କୁ ଅବଗତ କରିଥିଲେ । ଏହି ଶିବିରରେ ବି . କେ . ଏସ . ଏସ ର ସାଧନ ସଭ୍ୟମାନେ ପ୍ରଶିକ୍ଷଣ ନେଇ ନିଜ ସଂଘର ଅନ୍ୟ ସଭ୍ୟମାନଙ୍କୁ ତାଲିମ ଦେବେ । ଆସନ୍ତା 15 ରୁ 30 ପର୍ଯ୍ୟନ୍ତ 16 ଦିନ ଧରି ତାଲିମପ୍ରାପ୍ତ କଳାକାରମାନେ ଗାଁ ଗାଁ ରେ ଲୋକଙ୍କୁ ଲୋକ କଳା ମାଧ୍ୟମରେ ସଚେତନ କରିବେ । ଶିବିର ପରିଚାଳନା କରିଥିଲେ ବ୍ଲକ୍ କଳା ସଂସ୍କୃତି ସଂଘ ଉପ ସଭାପତି ( ଗୋଲାମୁଣ୍ଡା) ପ୍ରଦୀପ ମିଶ୍ର ଓ ଶେଷରେ ଡି ସି ଓ ଅର୍ପିତା ବେହେରା ଧନ୍ୟବାଦ୍ ଦେଇଥିଲେ।
ମସିହା ନିୟୁଜ୍ ସର୍ଭିସ୍
