ତେନ୍ତୁଳିଖୁଣ୍ଟି ୦୨/୦୫/୨୩ -ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ର ତେନ୍ତୁଳିଖୁଣ୍ଟି ସ୍ଥିତ ଉଚ୍ଚ ପ୍ରାଥମିକ ବିଦ୍ୟାଳୟ କୁ ବ୍ଲକ ସ୍ତରୀୟ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଆଦର୍ଶ ବିଦ୍ୟାଳୟ ଭାବେ ପ୍ରସ୍ତୁତ କରି ଆଜି ଉଦଘାଟନ କରିଥିଲେ ସରପଞ୍ଚ ଟଭା ନାୟକ। ଆକର୍ଷଣୀୟ ପରିବେଶ ରେ ସରଳ ସୁନ୍ଦର ଭାବେ ଛାତ୍ରଛାତ୍ରୀ ଙ୍କ ଶିକ୍ଷାର ମୂଳଦୁଆ ଗଢିବା ପାଇଁ ସଂଖ୍ୟା ଜ୍ଞାନ ଓ ଭାଷା ଜ୍ଞାନ ଜରୁରୀ। ଏଥିପାଇଁ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ପ୍ରକଳ୍ପ କରି ଶିକ୍ଷକ ଶିକ୍ଷୟତ୍ରୀ ଙ୍କୁ ବିଦ୍ୟାଳୟ ଓ ଗଣ ଶିକ୍ଷା ବିଭାଗ ତାଲିମ ଦେଇଛି।ଏହି କ୍ରମ ରେ ପ୍ରଥମରୁ ତୃତୀୟ ଶ୍ରେଣୀ ପିଲାଙ୍କୁ ପାଠ ପଢା ଆରମ୍ଭ କରାଯାଇଛି। ତେନ୍ତୁଳିଖୁଣ୍ଟି ବ୍ଲକ ର ଏହି ବିଦ୍ୟାଳୟ କୁ ଆଦର୍ଶ ବିଦ୍ୟାଳୟ ଭାବେ ଗଢିବା ପାଇଁ ସମସ୍ତ ସରଞ୍ଜାମ ଆଜି ବି ଇ ଓ ସୌମେନ୍ଦ୍ର ଭୌମିକ ପ୍ରଧାନ ଶିକ୍ଷକ ହେମନ୍ତ ମାଝୀ ଙ୍କୁପ୍ରଦାନ କରିଛନ୍ତି। ଏହି କାର୍ଯ୍ୟକ୍ରମ ରେ ଏ ବି ଇ ଓ ମୋହନ ମଧୁ ସୁଦନ ବାଘ ,ରମେଶ ଟାକ୍ରୀ ,ଗୋରା ଚାନ୍ଦ ତ୍ରିପାଠୀ , ସମିତି ସଭ୍ୟା ମଧୁସ୍ମିତା ପାଣିଗ୍ରାହୀ, ସି ଆର ସି ସି କିଶୋର ଚନ୍ଦ୍ର ନାୟକ ଏସ ଏମ ସି ସଭାପତି ଜଗଦୀଶ ଭଞ୍ଜ , ସଭ୍ୟ ବିନୟ ସୁନା ଶିକ୍ଷକ ଆନନ୍ଦ ନେପାକ ସମଦିନି ଖୋସଲା ଗାୟତ୍ରୀ ନାୟକ ଉପସ୍ଥିତ ଥିଲେ। ବ୍ଲକ ର ସମସ୍ତ ବିଦ୍ୟାଳୟ ରେ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଆଦର୍ଶ ବିଦ୍ୟାଳୟ କରିବା ପ୍ରୟାସ କରିବାକୁ ଆହ୍ୱାନ ଦେଇଥିଲେ ସୌମେନ୍ଦ୍ର ଭୌମିକ।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
