ଡାବୁଗାଁ, ୫/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବନ ବିଭାଗ ଦ୍ଵାରା ଗୁରୁବାର ବିଳମ୍ବିତ ରାତ୍ରିରେ କାଠ ଜବତ କରିବା ସହ ୨ ଜଣ ଙ୍କୁ ଗିରଫ କରିଛି | ସୂଚନାଯୋଗ୍ୟ:- ଡାବୁଗାଁ ବନାଞ୍ଚଳ ଅଧିକାରୀ ସେତୁରଞ୍ଜନୀ ଗମାଙ୍ଗ ଙ୍କ ନିର୍ଦ୍ଦେଶ କ୍ରମେ ଡାବୁଗାଁ ବନ କର୍ମଚାରୀ ମାନେ ଗୁରୁବାର ରାତ୍ରିରେ ପେଟ୍ରୋଲିଂ କରୁଥିବା ସମୟରେ ଡାବୁଗାଁ – ଉମରକୋଟ ମୁଖ୍ୟ ରାସ୍ତା ରେ କୋଇଲାରି ସଂରକ୍ଷିତ ଜଙ୍ଗଲ ମଧ୍ୟରୁ ୩ ଟି ସାଇଜ ଶାଳ କାଠ ଏକ ମୋଟରସାଇକେଲ ନଂ ଓଡି ୨୪ ଇ ୪୩୬୯ ଗାଡିରେ ବାନ୍ଧି ବଡନି ଗ୍ରାମର ୨ ଜଣ ଯୁବକ ଯାଉଥିବା ସମୟରେ ଝାଲିଆଗୁଡା ଛକ ନିକଟରେ ବନ ବିଭାଗ କର୍ମଚାରୀ ମାନେ ତାଙ୍କୁ ଅଟକାଇ ଯାଞ୍ଚ କରିଥିଲେ | ସେମାନେ ଉକ୍ତ କାଠର କୌଣସି କାଗଜପତ୍ର ଦେଖାଇ ପାରିନଥିଲେ | ଫଳରେ ବନ ବିଭାଗ ଉକ୍ତ ମୋଟରସାଇକେଲ, ୩ ଟି ସାଇଜ ଶାଳ କାଠ ଓ ୨ ଟି ମୋବାଇଲ ଜବତ କରିବା ସହ ୨ ଯୁବକ ଙ୍କୁ ଗିରଫ କରିଥିଲେ | ଗିରଫ ଯୁବକ ମାନେ ହେଲେ ଝରିଗାଁ ବ୍ଲକ ଅଧୀନ ବଡନି ଗ୍ରାମର ରଘୁ କଲାର (୨୩) ଓ ସମାରୁ କଲାର (୨୯) | ଶୁକ୍ରବାର ୨ ଆସାମୀ ଙ୍କୁ କୋର୍ଟ ଚାଲାଣ କରାଯାଇଛି | ଜବତ ହୋଇଥିବା କାଠ ର ଆନୁମାନିକ ସରକାରୀ ମୂଲ୍ୟ ୧୦ ହଜାର ଟଙ୍କା ହେବ ବୋଲି ସୂଚନା ମିଳିଛି | ଏନେଇ ଡାବୁଗାଁ ବନାଞ୍ଚଳ କାର୍ଯ୍ୟ|ଳୟ କେସ ନଂ ୧୮/ ୨୦୨୩-୨୪ ରେ ଏକ ମାମଲା ରୁଜୁ କରାଯାଇଛି |ଏହି ଚଢାଉରେ ଡାବୁଗାଁ ବନପାଳ ମଧୁସୂଦନ ପାତ୍ର, ବନରକ୍ଷୀ କାର୍ତ୍ତିକ ମାଝି, ଉମାଶଙ୍କର ମିଶ୍ର, ରିତାରାଣୀ ବିଶ୍ଵାସରାୟ ଓ ପାରା ଫରେଷ୍ଟ୍ରୀ ଷ୍ଟାଫ ମାନେ ସାମିଲ ଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
