କୋକସରା,୧୯/୦୮ // କଳାହାଣ୍ଡି ଜିଲ୍ଲା କୋକସରା ଥାନା ଟେମରା ପଞ୍ଚାୟତ ଅନ୍ତର୍ଗତ ସିର୍ଲିଗୁଡା ନିକଟସ୍ଥ କେନାଲ ଦେଇ ଯାଇଥିବା ଜମିହୁଡ଼ାରୁ ଶୁକ୍ରବାର ମଧ୍ୟାହ୍ନରେ ଜଣେ ଯୁବକଙ୍କ ଶବ ପଡି ରହିଥବା ନେଇ ସ୍ଥାନୀୟ କିଛି ଗ୍ରାମବାସୀ ଦେଖିବା ପରେ କୋକସରା ପୋଲିସକୁ ଖବର ଦେଇଥିଲେ। କୋକସରା ପୋଲିସ ଘଟଣାସ୍ଥଳରେ ପହଞ୍ଚି ମୃତ ଯୁବକର ଶବ ଜବତ କରି ବ୍ୟବଚ୍ଛେଦ ପାଇଁ କୋକସରା ଡାକ୍ତରଖାନାକୁ ପଠାଇଥିବା ବେଳେ ସନ୍ଧ୍ୟା ହେବାରୁ ଶନିବାର ଶବ ବ୍ୟବଚ୍ଛେଦ ହେବାନେଇ ପୋଲିସ ପକ୍ଷରୁ ସୂଚନା ମିଳିଛି। ମୃତ ଯୁବକ ସିର୍ଲିଗୁଡା ଗ୍ରାମର ଗିରିଧାରି ମାଝୀଙ୍କ ପୁଅ ଦୟାଳୁ ମାଝି (୨୮) ବୋଳି ଜଣାପଡିଛି। ତେବେ ଯୁବକ ଜଣକ ନିଜ ଶଶୁର ଘର ପିପଳପଡାକୁ ଯାଇଥିବା ବେଳେ ଶୁକ୍ରବାର ଯୁବକଙ୍କ ମୃତ ଦେହ ନିଜ ଚାଷଜମିରୁ ଉଦ୍ଧାର ହୋଇଛି।ଯୁବକଙ୍କ ମୃତଦେହ ନିକଟରୁ କୀଟନାଶକ ଔଷଧ ପଡିଥିବା ଦେଖିବାକୁ ମିଳିଛି। ତେବେ ଏନେଇ କୋକସରା ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଜାରି ରଖିବା ସହ ଶବ ବ୍ୟବଚ୍ଛେଦ ରିପୋର୍ଟ ଆସିବା ପରେ ମୃତ୍ୟୁର କାରଣ ସ୍ପଷ୍ଟ ହେବା ନେଇ ସୂଚନା ଦେଇଛନ୍ତି।
previous post
next post