ତେନ୍ତୁଳିଖୁଣ୍ଟି -୦୯/୦୫/୨୩ – ନବରଙ୍ଗପୁର ଜିଲ୍ଲା ତେନ୍ତୁଳିଖୁଣ୍ଟି ବ୍ଲକ ଓ ନନ୍ଦାହାଣ୍ଡି ବ୍ଲକ ରେ ଘର ଘର କୁ ପାଣି ଯୋଗାଇ ଦେବା ଓ କୋଷାଗୁମୁଡ଼ା ବ୍ଲକ ତଥା ପାପଡାହାଣ୍ଡି ବ୍ଲକ ରେ ଘର ଘର କୁ ଜଳ ଯୋଗାଇ ଦେବାକୁ ଦୁଇଟି ମେଗା ଜଳ ଯୋଗାଣ ପ୍ରକଳ୍ପ ଚାଲିଛି। ଉଭୟ ପ୍ରକଳ୍ପ ର ଜଳ ର ମୁଖ୍ୟ ଉତ୍ସ ଇନ୍ଦ୍ରାବତୀ ଜଳ ଭଣ୍ଡାର । ଏଥିପାଇଁ ଜଳ ଭଣ୍ଡାର ରୁ ଉଭୟ ପ୍ରକଳ୍ପ ପାଇଁ ପାଇପ ବିଛା ଯାଉଛି । ଜଳଭଣ୍ଡାର ରୁ ଦେଓପାଲି ,ବାରଙ୍ଗ ପଦର ,ଖାତିଗୁଡା ,ଲମତା ଗୁଡା ,କଂହେଇମୁଣ୍ଡା ତେନ୍ତୁଳିଖୁଣ୍ଟି ଦେଇ ବିଭିନ୍ନ ସାଇଜ ର ପାଇପ ବିଛାଉଛି ଦୁଇଟି କମ୍ପାନୀ ଜେଏମ ସି ଓ ଜେ ଭି ପି ଆର କମ୍ପାନୀ। ଉଭୟ କମ୍ପାନୀ ର ପାଇପ ବିଛା କାର୍ଯ୍ୟ ପାଇଁ ରାସ୍ତା ଘାଟ ଖୋଳି ଯାତାୟତ ବ୍ୟବସ୍ଥା କୁ ବିପର୍ଯ୍ୟସ୍ତ କରି 
ଦେଇଛି। କେଉଁଠି ରାସ୍ତା ରେ ଗର୍ତ୍ତ ସୃଷ୍ଟି ହେଲାଣି ତ କେଉଁଠି ଗର୍ତ୍ତ କଲଭର୍ଟ ରେ। ଏଭଳି ସ୍ଥିତି ହେଲାଣି ଯେ ବହୁବାର ରାସ୍ତା ରେ ପି ଡି ଏସ ମାଲ ବୋଝେଇ ଟ୍ରକ ଦବୀ ଲାଣି ତ କେଉଁଠି ଟ୍ରାକ୍ଟର ଦବୀ ଲାଣି। ରାସ୍ତା ଖୋଦେଇ କରି ପାଇପ ବିଛାଇବା ବେଳେ ବହୁ ସଙ୍ଗଠନ ଠିକ ରୂପେ ମାଟି ପୋତି ରାସ୍ତା କଂକ୍ରିଟ ବା ପିଚୁ କରିବାକୁ ଜିଲ୍ଲାପାଳ ଙ୍କୁ ଦାବୀ ଜଣାଇ ଥିଲେ। ସମ୍ପୃକ୍ତ କମ୍ପାନୀ ର କର୍ତ୍ତୃପକ୍ଷ ରାସ୍ତା ମରାମତି ର ପ୍ରତିଶୃତି ଦେଇଥିଲେ। କାଁ ଭାଁ କିଛି ରାସ୍ତା ର ମରାମତି କରି ନିଜ କର୍ତ୍ତବ୍ୟ ସାରିଦେଇଛି କମ୍ପାନୀ ଦ୍ବୟ। ଆଜି ସକାଳେ ବାଲି ବୋଝେଇ ଟ୍ରାକ୍ଟର ଦବୀ ରାସ୍ତା ଜାମ ହୋଇ ଯାଇଥିଲା। ଇନ୍ଦ୍ରାବତୀ ର ବଜାର କମିଟି ଠୁ ଆରମ୍ଭ କରି ସବୁ ଗ୍ରାମବାସୀ ଯେଉଁଠି ରାସ୍ତା ପାଇପ ବିଛାଇବା ନାମରେ ନଷ୍ଟ ହୋଇଛି ମରାମତି କରି ଯାତାୟତ ଉପଯୋଗୀ କରିବାକୁ ଦାବି କରିଛନ୍ତି।
ଗୋବର୍ଦ୍ଧନ ସାହୁ ,ତେନ୍ତୁଳିଖୁଣ୍ଟି
