ଡାବୁଗାଁ, ୩୧/୫ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଧିନ ଜିଲା ଅନୁସୁଚିତ ଜନଜାତି ଓ ଜାତି ଉନ୍ନୟନ ବିଭାଗ ଦ୍ୱାରା ପରିଚାଳିତ ସରକାରୀ ବାଳିକା ଉଚ୍ଚ ମାଧ୍ୟମିକ ବିଦ୍ୟାଳୟରେ ଚଳିତ ବର୍ଷ +୨ ବିଜ୍ଞାନ ରେ ବିଦ୍ୟାଳୟ ରୁ ୧୦୭ ଜଣ ଛାତ୍ରୀ ଙ୍କ ମଧ୍ୟରୁ ୧୦୫ ଛାତ୍ରୀ ପାସ କରିଛନ୍ତି | ଏଥିରେ ୧୨ ଜଣ ପ୍ରଥମ, ୨ୟ ଶ୍ରେଣୀରେ ୩୦ ଜଣ ଓ ୩ୟ ଶ୍ରେଣୀରେ ୬୩ ଜଣ ଛାତ୍ରୀ କୃତକାର୍ଯ୍ୟ ହୋଇଛନ୍ତି । ବିଦ୍ୟାଳୟରେ ୯୮.୧୩ ପ୍ରତିଶତ ପରିକ୍ଷା ଫଳ ହୋଇ ଥିବାରୁ ଅଧ୍ୟକ୍ଷା କିରଣମାଳା ତିର୍କୀ ସନ୍ତୋଷ ବ୍ୟକ୍ତ କରିବା ସହିତ ସମସ୍ତ ଶିକ୍ଷୟତ୍ରୀ ଶିକ୍ଷକ ମାନଙ୍କୁ ଛାତ୍ରୀ ମାନେ ଧନ୍ୟବାଦ ଦେଇଛନ୍ତି । ପରିକ୍ଷା ଫଳ ପ୍ରକାଶ ପରେ ଅଧକ୍ଷ, ସମସ୍ତ ଶିକ୍ଷୟତ୍ରୀଶିକ୍ଷକ, ଅଭିଭାବକ ଓ ଛାତ୍ରୀ ମାନଙ୍କୁ ଶୁଭେଚ୍ଛା 
ଜଣାଇଛନ୍ତି । ଜିଲା ମଙ୍ଗଳ ଅଧିକାରୀ ପାଲକା ରବୀନ୍ଦ୍ର ଉକ୍ତ ପରିକ୍ଷା ଫଳରେ ସନ୍ତୋଷ ବ୍ୟକ୍ତ କରି ଛାତ୍ରୀ ମାନଙ୍କୁ ଶୁଭେଚ୍ଛା ଜଣାଇବା ସହ ଉଚ୍ଚତ୍ତର ଶିକ୍ଷା ରେ ସଫଳ ହେବା ନେଇ ଆଶୀର୍ବାଦ ପ୍ରଦାନ କରିଛନ୍ତି । ସମସ୍ତ ଛାତ୍ରୀ ମାନେ ଉକ୍ତ ବିଦ୍ୟାଳୟ ର ଅଧ୍ୟକ୍ଷା, ଶିକ୍ଷୟତ୍ରୀ ଶିକ୍ଷକ, ପରିଚାଳନା କମିଟି ଓ ସମସ୍ତ କର୍ମକର୍ତ୍ତା ମାନଙ୍କୁ ଧନ୍ୟବାଦ ଦେବା ସହିତ ଉକ୍ତ ବିଦ୍ୟାଳୟ ପରିବେଶ କୁ ମଧ୍ୟ ଧନ୍ୟବାଦ ପ୍ରଦାନ କରିଥିଲେ | ଏହି ବିଦ୍ୟାଳୟର ଛାତ୍ରୀ ମୀନା ମେହେରା ୪୪୮ ନମ୍ବର ବା ୭୪.୬୭ ପ୍ରତିଶତ ନମ୍ବର ରଖି ବିଦ୍ୟାଳୟରେ ପ୍ରଥମ ହୋଇଛନ୍ତି |
ଡାବୁଗାଁରୁ ପ୍ରଜ୍ଞା ରଞ୍ଜନ ପରିଡ଼ାଙ୍କ ରିପୋର୍ଟ
