ମାନବିକତା ଦେଖାଇଲେ ଔପଦା ବିଡିଓ
ବାଲେଶ୍ଵର,୧୪/୯/୨୩ – ବାଲେଶ୍ୱର ଜିଲ୍ଲା ଔପଦା ବ୍ଲକ ବିଡ଼ିଓ ଅଭିଷେକ ଦାସ ଯେବେଠାରୁ ଔପଦା ବ୍ଲକରେ ଯୋଗ ଦେଲେଣି ସେବେଠାରୁ ଉକ୍ତ ବ୍ଲକର ଜନସାଧାରଣ ମାନଙ୍କୁ ସିଧା ସଳଖ ସାକ୍ଷାତ କରି ସେମାନଙ୍କର ସମସ୍ଯା ବୁଝି ସମାଧାନ କରିବାରେ ସକ୍ଷମ ହେଉଛନ୍ତି । ଯେଉଁଥିପାଇଁ ଲୋକ ମାନଙ୍କର ପ୍ରଂଶସାର ପାତ୍ର ସାଜିଛନ୍ତି । ତେଣୁ ନିକଟରେ ପଞ୍ଚଲିଙ୍ଗେଶ୍ୱର ଗ୍ରସ୍ତରେ ଯାଇଥିବାବେଳେ ଶ୍ୟାମସୁନ୍ଦରପୁର ପଞ୍ଚାୟତ ଦ୍ୱାରିକା ଗ୍ରାମର ଦିବ୍ୟାଙ୍ଗ ଜ୍ଯୋତ୍ସ୍ନାରାଣୀ ବାରିକ ପିଲାଟି ଦିନରୁ ଦିବ୍ୟାଙ୍ଗ, ତେଣୁ ସରକାର ଙ୍କର ଯୋଜନା ତାଙ୍କ ପାଖରେ ପହଞ୍ଚି ପାରୁନଥିଲା ଔପଦା ବିଡ଼ିଓ ଓ ଚେୟାରମ୍ୟାନ ପହଞ୍ଚି ଦିବ୍ୟାଙ୍ଗ ପରିବାର ବର୍ଗଙ୍କୁ ସାକ୍ଷାତ କରି ସମସ୍ଯା ପଚାରି ବୁଝି ତୁରନ୍ତ ସହାୟତା ପ୍ରଦାନ କରାଯିବ ବୋଲି କହିଥିଲେ । ତେଣୁ ବିଡ଼ିଓଙ୍କର ଅଚାନକ ଏହିପରି ଗ୍ରସ୍ତ ପାଇଁ ସାଧାରଣରେ ଖୁବ୍ ଚର୍ଚ୍ଚା ସହିତ ପ୍ରଂଶସା କରିଥିଲେ ଲୋକମାନେ । ବିଡିଓ ଓ ଚେୟାରମ୍ୟାନଙ୍କ ସହିତ ଶ୍ୟାମସୁନ୍ଦରପୁର ବିଜେଡି ସଭାପତି କପିଳ ସାମଲ, ୱାର୍ଡ ମେମ୍ବର ବାବୁଲି ବାରିକ ଓ ଶ୍ରୀନିବାସ ବାରିକ ପ୍ରମୁଖ ଅଂଚଳବାସି ଉପସ୍ଥିତ ଥିଲେ ଯାହା ସ୍ଥାନୀୟ ଅଞ୍ଚଳରୁ ଖବର ସଂଗ୍ରହରୁ ଜଣାଯାଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
