କଳାହାଣ୍ଡି ଜିଲ୍ଲାର ପର୍ଯ୍ୟଟନ ସ୍ଥଳୀ କରକ ଜଳପ୍ରପାତ କୁ ମିଳିଲା ପର୍ଯ୍ୟଟନ ବିଭାଗ ପକ୍ଷରୁ ଅନୁଦାନ
କଳାହାଣ୍ଡି ଜିଲ୍ଲା ହେଉଛି ପ୍ରକୃତି ର ବରଦାନ ରେ ଭରା ଜଙ୍ଗଲ ଓ ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଅନନ୍ୟ ମାଟି। ଜିଲ୍ଲାର କୋକସରା ବ୍ଲକ ରେ ରହିଛି ଅନେକ ପର୍ଯ୍ୟଟନ ସ୍ଥଳୀ, ହେଲେ ପର୍ଯ୍ୟଟକ ଓ ରାଜ୍ୟ ପର୍ଯ୍ୟଟନ ବିଭାଗ ର ଦୃଷ୍ଟି ଆଢୁଆଳରେ ଅନେକ ପ୍ରାକୃତିକ ସୌନ୍ଦର୍ଯ୍ୟ ରେ ପରିପୂର୍ଣ୍ଣ ସ୍ଥାନ ଅବହେଳିତ ଓ ପର୍ଯ୍ୟଟକ ଙ୍କ ଦୃଷ୍ଟି ଆଢୁଆଳରେ ରହିଯାଇଛି। ତନ୍ମଧ୍ୟରୁ ଆମପାଣି ପଞ୍ଚାୟତ ସାହାଜଖୋଲ ସଂରକ୍ଷିତ ଜଙ୍ଗଲ ମଧ୍ୟରେ ରହିଛି କରକ ଜଳପ୍ରପାତ। ପ୍ରାକୃତିକ ସୌନ୍ଦର୍ଯ୍ୟରେ ଭରପୁର ଏହି ଜଳ ପ୍ରପାତ କୁ ଲୋକ ଲୋଚନକୁ ଆଣିବା ଉଦ୍ଦେଶ୍ୟରେ ପୁର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂଦେଓ ଓ ଧର୍ମଗଡ଼ ବିଧାୟକ ମୋୖଷଧି ବାଗ ଙ୍କୁ ଅନେକ ସମୟରେ ଗଣମାଧ୍ୟମ ଓ ସ୍ଥାନୀୟ ଜନ ପ୍ରତିନିଧିମାନେ କରକ ଜଳପ୍ରପାତ ର ସୌନ୍ଦର୍ଯ୍ୟ କରଣ ଓ ଉନ୍ନୟନ ପାଇଁ ଦାବି କରି ଆସୁଥିଲେ। ଏହାକୁ ନେଇ ଦୁଇ ନେତା ରାଜ୍ୟ ସରକାର ଓ ପର୍ଯ୍ୟଟନ ବିଭାଗ ର ଦୃଷ୍ଟି ଆକର୍ଷଣ କରିଥିଲେ। ଗତ ମଇ ୨୦ ତାରିଖରେ କଳାହାଣ୍ଡି ଜିଲ୍ଲା ଗସ୍ତ ସମୟରେ ୫ ଟି ସଚିବ ଭି. କାର୍ତ୍ତିକେୟ ପାଣ୍ଡିୟାନ ଆମପାଣି ଠାରେ ଆୟୋଜିତ ଏକ ସାଧାରଣ ସଭାରେ ଆମପାଣି ର ପ୍ରସିଦ୍ଧ ବୁଢ଼ାରଜା ମନ୍ଦିର ଓ କରକ ଜଳପ୍ରପାତ ର ସୌନ୍ଦର୍ଯ୍ୟ କରଣ ପାଇଁ ପ୍ରତିଶ୍ରୁତି ଦେଇଥିଲେ। ୫ଟି ସଚିବ ଭି କେ ପାଣ୍ଡିୟାନ ନିଜେ ଦେଇଥିବା ପ୍ରତିଶୃତି ରକ୍ଷା କରି କରକ ଜଳପ୍ରପାତର ଭିତ୍ତିଭୂମି ର ବିକାଶ ସହ ଏକ ସୁନ୍ଦର ପର୍ଯ୍ୟଟନ ସ୍ଥଳୀ ପାଇଁ ଓଡ଼ିଶାର ପର୍ଯ୍ୟଟନ ବିଭାଗ ପକ୍ଷରୁ ୧୮ ଲକ୍ଷ ଟଙ୍କାର ଅନୁଦାନ ପ୍ରଥମ ପର୍ଯ୍ୟାୟର ଦେଇଛନ୍ତି। ଦର୍ଶନୀୟ ସ୍ଥାନକୁ ଯାଉଥିବା ରାସ୍ତାରେ ପୋଲ ନିର୍ମାଣ ପାଇଁ ପଶ୍ଚିମ ଓଡ଼ିଶା ବିକାଶ ପରିଷଦ ତରଫରୁ ୫ ଲକ୍ଷ ଟଙ୍କା ଦିଆଯାଇଥିବା ଜଣା ଯାଇଛି।
ଆଗକୁ ଏହି କରକ ଜଳପ୍ରପାତ ର ସୌନ୍ଦର୍ଯ୍ୟ କରଣ ଓ ଭିତ୍ତିଭୂମି ର ବିକାଶ ହେବ ଓ ରାଜ୍ୟ ତଥା ରାଜ୍ୟ ବାହାର ର ପର୍ଯ୍ୟଟକ ଙ୍କୁ ଏହି ପ୍ରାକୃତିକ ସୌନ୍ଦର୍ଯ୍ୟ ରେ ଭରା କରକ ଜଳପ୍ରପାତ କୁଳୁକୁଳୁ ମୁଖରିତ ଝରଣା ଓ ଜଙ୍ଗଲ ର ସୁନ୍ଦର ସୁବୁଜିମା ପରିବେଶ ମଧ୍ୟରେ ବାନ୍ଧି ରଖିବ। କରକ ଜଳପ୍ରପାତ ପାଇଁ ରାଜ୍ୟ ସରକାରଙ୍କ ପକ୍ଷରୁ ଭିତ୍ତିଭୂମି ବିକାଶ ପାଇଁ ଉଦ୍ୟମ ଆରମ୍ଭ କରିଥିବାରୁ ସ୍ଥାନୀୟ ଧର୍ମଗଡ଼ ବିଧାୟକ ମୋୖଷଧି ବାଗ, ରାଜ୍ୟ ବିଜେଡି ସଭାପତି ପୁଷ୍ପେନ୍ଦ୍ର ସିଂଦେଓ , ବ୍ଲକ ଅଧ୍ୟକ୍ଷା ରିତା ଅଗ୍ରୱାଲ,ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ, ଆମପାଣି ଜୋନ ଜିଲ୍ଲା ପରିଷଦ ସଭ୍ୟ ହେମନ୍ତ ମାଝୀ, ସରପଞ୍ଚ ରୁକ୍ମଣୀ ବାଣୁଆ ସମେତ ଅଞ୍ଚଳ ର ଜନ ସାଧାରଣ ରାଜ୍ୟ ସରକାରଙ୍କୁ କୃତଜ୍ଞତା ଜଣାଇଛନ୍ତି।
ବିଦ୍ୟାଧର ସାହୁଙ୍କ ରିପୋର୍ଟ…..
