ରେଡକ୍ରସର ଯୁବ ସ୍ବାଗତ ଉତ୍ସବ ଉଦଯାପିତ
କଳାହାଣ୍ଡିର କେସିଙ୍ଗା ବ୍ଳକ ଅନ୍ତର୍ଗତ କଶୃପଡା ଉଚ୍ଚ ମାଧ୍ୟମିକ ବିଦ୍ୟାଳୟରେ ଯୁବ ରେଡକ୍ରସ ଆନୁକୁଲ୍ୟରେ ନବାଗତ ସ୍ବେଛାସେବୀମାନଙ୍କ ସ୍ବାଗତ ଉତ୍ସବ ମହାସମାରୋହରେ ଉଦଯାପିତ ହୋଇଯାଇଛି। ଏହି ଉତ୍ସବରେ ମୁଖ୍ୟ ଅତିଥି ଅଧ୍ୟକ୍ଷ ରମେଶ ଚନ୍ଦ୍ର ନାଏକ ଯୋଗଦାନ ଉତ୍ସବକୁ ଉଦଘାଟନ କରିଥିବା 
ବେଳେ ଅଧ୍ୟାପକ ଗୋପାଳ ଚନ୍ଦ୍ର ପ୍ରଧାନ ମୁଖ୍ୟବକ୍ତା ଭାବରେ ଯୋଗଦାନ କରି ନବାଗତ ସ୍ବେଛାସେବୀଙ୍କୁ ମାର୍ଗଦର୍ଶନ କରିଥିଲେ। ରେଡକ୍ରସର ଯୁବ ପରାମର୍ଶଦାତା ଅଧ୍ୟାପକ ଡକ୍ଟର ଅଜିତ କୁମାର ବେହେରା ଉତ୍ସବକୁ ପରିଚାଳନା କରି ରେଡକ୍ରସର ଇତିହାସ, କ୍ରମବିକାଶ, ଚିହ୍ନ, କାର୍ଯ୍ୟ ଏବଂ ଭୂମିକା ସମ୍ପର୍କରେ ବିଶଦଭାବେ ଆଲୋଚନା କରିଥିଲେ। ଉତ୍ସବରେ ମୋନାଲିସା କର ଅତିଥି ପରିଚୟ ଦେଇଥିବା ବେଳେ ଟୁନି ନାଏକ ଧନ୍ୟବାଦ ଅର୍ପଣ କରିଥିଲେ।
ମସିହା ନିୟୂଜ୍ ସର୍ଭିସ୍
