ଚଉଦତମ ଚାରଭାଟି ପଞ୍ଚାୟତ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଉଦଘାଟିତ
ଜୁନାଗଡ଼ ୧୨/୧୦ (ମ ନି ସ) ଜୁନାଗଡ଼ ବ୍ଲକ ଅନ୍ତର୍ଗତ ବ୍ରାହ୍ମଣୀଗୁଡା ମନାରୀ ଖେଳପଡ଼ିଆ ଠାରେ ୧୪ତମ ପଞ୍ଚାୟତ ସ୍ତରୀୟ ଫୁଟବଲ ଟୁର୍ଣ୍ଣାମେଣ୍ଟ ଆରମ୍ଭ ହୋଇଛି।ମାଁ ଲଙ୍କେଶ୍ୱରୀ ଫୁଟବଳ ଏସୋସେସନ ଦ୍ୱାରା ଆୟୋଜିତ ପ୍ରଥମ ଦିନ ମ୍ୟାଚରେ ମୁଖ୍ୟ ଅତିଥି ଭାବେ ସାମ୍ବାଦିକ ତଥା ସମାଜସେବୀ ବିଭୁ ପ୍ରସାଦ ପାଢୀ ଯୋଗ ଦେଇଥିଲେ । ମ୍ୟାଚ୍ ର ପ୍ରଥମ ଦିନରେ ପ୍ରଥମେ ମାଟିଗାଁ ଓ ଧର୍ମଗଡ ମଧ୍ୟରେ ଅନୁଷ୍ଠିତ ହୋଇଥିଲା। ପ୍ରଥମ ମ୍ୟାଚରେ ଧର୍ମଗଡ ୬-୧ ରେ ମାଟିଗାଁ ଠାରୁ ବିଜୟ ଲାଭ କରିଥିଲେ।ଦ୍ଵିତୀୟ ମ୍ୟାଚରେ ମଣ୍ଡଳ ଓ ଭବାନୀପାଟଣା ମଧ୍ୟରେ ଖେଳ ହୋଇଥିଲା। ଏହି ମ୍ୟାଚରେ ଟ୍ରାଇବ୍ରେକର ଦ୍ୱାରା ଭବାନୀପାଟଣା୧-୦ ବିଜୟୀ ହୋଇଥିଲା। ଖେଳ ପରିଚାଳକ ଭାବେ ସୁଶାନ୍ତ ପଧାନ, ସୁଧାକର ମାଝୀ, ରିଙ୍କୁ ପୁଝାରୀ ଦାଇତ୍ୱ ନେଇଥିବା ବେଳେ, ବସନ୍ତ ବେହେରା, ନିଲାଞ୍ଚଳ ନାଏକ, ନିମାଇ ଚରଣ ଦଳପତି ଜନ୍ମେଜୟ ପାତ୍ର ଏବଂ ଲଙ୍କେଶ୍ୱରୀ ଫୁଟବଳ ଏସୋସେସନର ସଦସ୍ୟ ମାନେ ମୁଖ୍ୟ ସହଯୋଗ କରିଥିଲେ।