ପ୍ରଶାନ୍ତଙ୍କ ଗସ୍ତ ମହିଳାଙ୍କ ମନରେ ଆତ୍ମ ବିଶ୍ୱାସ ବଢ଼ାଇଛି
ରାଉରକେଲା,/-ରଘୁନାଥପାଲ୍ଲୀ ନିର୍ବାଚନ ମଣ୍ଡଳୀର ପ୍ରାକ୍ତନ ବିଧାୟକ ପ୍ରାର୍ଥୀ ପ୍ରଶାନ୍ତ ସେଠୀ ବାରମ୍ବାର ବିଭିନ୍ନ ଆଦିବାସୀ ବହୁଳ ବସ୍ତି ଅଂଚଳ ଗସ୍ତ କରି ସେମାନଙ୍କ ସମସ୍ୟା ସମାଧାନ ଦିଗରେ ପ୍ରଯତ୍ନ ଜାରି ରଖିଥିବାରୁ ମହିଳାଙ୍କ ମନରେ ଆତ୍ମ ବିଶ୍ୱାସ ବୃଦ୍ଧି ପାଇଛି l ବିଶେଷ କରି ସରକାରଙ୍କ ବହୁବିଧ ଯୋଜନା ସମ୍ପର୍କରେ ଅବଗତ ନଥିବା ମହିଳା ଏବଂ ବସ୍ତି ବାସିନ୍ଦାଙ୍କ ମନରେ ଉତ୍ସାହ 
ପରିଲକ୍ଷିତ ହୋଇଛି l ବିଭିନ୍ନ ଯୋଜନାରୁ ଏମାନେ କିଭଳି ଉପକୃତ ହୋଇ ପାରିବେ ସେନେଇ ପ୍ରଶାନ୍ତ ସ୍ୱତନ୍ତ୍ର ଭାବେ ଜନନୀ ସମ୍ପର୍କ ଅଭିଯାନ ଚଳାଇ ରଖି ମା, ଭଉଣୀଙ୍କୁ ବୁଝାଇବାକୁ ଚେଷ୍ଟା ଜାରି ରଖିଛନ୍ତି l ଫଳରେ ଅନେକ ମହିଳାଙ୍କ ମଧ୍ୟରେ ରହିଥିବା ଅବିଶ୍ୱାସ ଦୂର ହୋଇ ପାରୁଛି l ଯୋଗ୍ୟ ହିତାଧିକାରୀଙ୍କୁ କେଉଁ ଉପାୟରେ ସରକାରୀ ଯୋଜନାରେ ସାମିଲ କରାଯାଇ ପାରିବ ସେନେଇ ପଦକ୍ଷେପ ନେଉଛନ୍ତି ପ୍ରଶାନ୍ତ l ବସ୍ତିର ବୃଦ୍ଧ, ବୃଦ୍ଧା, ଭିନ୍ନକ୍ଷମ କିଭଳି ଭତ୍ତା ପାଇବେ ସେନେଇ ମଧ୍ୟ ଏହି ଅଭିଯାନ ମାଧ୍ୟମରେ ପ୍ରୟାସ ଜାରି ରହିଛି l ଏହା ବ୍ୟତୀତ ସ୍ଥାନୀୟ ବାସିନ୍ଦାଙ୍କ ପାରିବାରିକ, ସାମାଜିକ ଓ ସାଂସ୍କୃତିକ ଜୀବନ ସହ ଯୋଡି ହୋଇ ସାମଗ୍ରିକ ସମୃଦ୍ଧି ଦିଗରେ ଯଥା ସମ୍ଭବ ପଦକ୍ଷେପ ନେଉଛି ପ୍ରଶାନ୍ତଙ୍କ ପରିଚାଳିତ ସାମାଜିକ ସଂଗଠନ l ସଚେତନତା ବଳରେ ଆମେ ସରକାରଙ୍କ ବିଭିନ୍ନ ଯୋଜନାରୁ କିଭଳି ଉପକୃତ ହୋଇ ପାରିବା ସେନେଇ ଟାଙ୍ଗରପଲ୍ଲୀ ଅଂଚଳର ଘରକୁ ଘର ବୁଲି ଆଜି ବୁଝାଇଛନ୍ତି ପ୍ରଶାନ୍ତ l ବସ୍ତିର ବେକାର ଯୁବକ, ମହିଳା ଆତ୍ମ ନିଯୁକ୍ତି ମାଧ୍ୟମରେ କିଭଳି ନିଜ ଜୀବନଧାରଣର ମାନ ଉନ୍ନତ କରି ପାରିବେ ସେନେଇ ମଧ୍ୟ ବୁଝାଉଛନ୍ତି ତାଙ୍କ ଅନୁଗାମୀ l ଜିଲ୍ଲା ପ୍ରଶାସନର ସହଯୋଗ ସରକାରଙ୍କ ଶୁଭ ଦୃଷ୍ଟି ରହିଲେ ନିର୍ବାଚନ ମଣ୍ଡଳୀର ସର୍ବବିଧ ବିକାଶ ସମ୍ଭବ ବୋଲି ବସ୍ତି ବାସିନ୍ଦାଙ୍କ ସହ ଆଲୋଚନା କାଳରେ ମତ ପ୍ରକାଶ କରିଥିଲେ ଯୁବ ନେତା ପ୍ରଶାନ୍ତ ସେଠୀ l
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
