ଧର୍ମଗଡ଼ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ‘ଯୁବ ଓଡିଶା ନବୀନ ଓଡିଶା’ ଅନ୍ତର୍ଗତ ବାଲ୍ୟ ବିବାହ ନିରାକରଣ’ ସଚେତନତା କାର୍ଯ୍ୟକ୍ରମ
ଧର୍ମଗଡ଼ : ଧର୍ମଗଡ଼ ମହିଳା ଉଚ୍ଚ ମାଧ୍ୟ ମିକ ବିଦ୍ୟାଳୟ, ଧର୍ମଗଡ଼ ଆନୁକୂଲ୍ୟରେ ଯୁବ ଓଡିଶା ନବୀନ ଓଡିଶା ଅନ୍ତର୍ଗତ ସମାଜିକ କାର୍ଯ୍ୟକ୍ରମ ପରିପେକ୍ଷି ରେ ‘ବାଲ୍ୟ ବିବାହ ନିରାକରଣ ‘ ଉପରେ ଏକ ସଚେତନ କାର୍ଯ୍ୟକ୍ରମ 
ଆଜି ବିଦ୍ୟାଳୟ ପରିସରରେ ଅନୁଷ୍ଠିତ ହୋଇ ଯାଇଅଛି l ବିଦ୍ୟାଳୟ ଅଧ୍ୟକ୍ଷା, ଶ୍ରୀମତୀ ପ୍ରିୟମ୍ବଦା ଚାନ୍ଦଙ୍କ ସଭାପତିତ୍ବ ରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଯୋଗଦେଇ ଶ୍ରୀ ଶୈଳେନ୍ଦୁ ଶେଖର ମହାପାତ୍ର, ଜିଲ୍ଲା ଶିଶୁ ସୁରକ୍ଷା ଅଧିକାରୀ,ଭବାନୀପାଟଣା ବାଲ୍ୟ ବିବାହ ନିରାକରଣ ର ବିଭିନ୍ନ ଦିଗ ଉପରେ ପୁଙ୍ଖାନୁପୁଙ୍ଖ ଅଲୋକପାତ ପୂର୍ବକ ବିଭିନ୍ନ ଦୃଶ୍ୟ ଓ ଶ୍ରାବ୍ୟ ଉପକରଣ ମାଧ୍ୟମରେ ଚିତ୍ତାକର୍ଷକ ଉପସ୍ଥାପନା କରି ଛାତ୍ରୀ ମାନଙ୍କୁ ବାଲ୍ୟ ବିବାହ ବିରୋଧରେ ସ୍ୱର ଉତ୍ତଳୋନ କରିବାପାଇଁ ଉତ୍ସାହିତ କରିଥିଲେ l ଏହା ପରେ ଶ୍ରୀ ମହାପାତ୍ରଙ୍କ ତତ୍ତ୍ଵାବଧାନରେ ଛାତ୍ରୀ ମାନେ ନିକଟସ୍ଥ କେବିଡି ଗ୍ରାମକୁ ଯାଇ ବାଳିକା ଓ ମହିଳା ମାନଙ୍କ ସମ୍ମିଳିତ ବୈଠକରେ ବାଲ୍ୟ ବିବାହ ନିରାକରଣ ଓ ବାଳିକା ଶିକ୍ଷା ଉପରେ ଆଲୋଚନା କରିଥିଲେ।ଶେଷରେ ଅଧ୍ୟାପିକା ଶ୍ରୀମତୀ ମମତା ତ୍ରିପାଠୀ ଓ ଶ୍ରୀମତୀ ସବିତା 
ପାଇକରାୟଙ୍କ ନେତୃତ୍ୱରେ ଛାତ୍ରୀମାନେ ଏକ ଶୋଭାଯାତ୍ରାରେ ଗ୍ରାମ ପରିକ୍ରମା କରିଥିଲେ l କାର୍ଯକ୍ରମଟିକୁ ଅଧ୍ୟାପକ ଶ୍ରୀ ସଂଜୀବ କୁମାର ମୁଣ୍ଡ ସଂଯୋଜନା କରିଥିବାବେଳେ ଅଧ୍ୟାପକ ବଙ୍କିମ ମୁଣ୍ଡ ସ୍ୱାଗତ ଅଭିଭାଷଣ ତଥା ଧନ୍ୟବାଦ ପ୍ରଦାନ କରିଥିଲେ l
ବିଦ୍ୟାଧର ସାହୁଙ୍କ ରିପୋର୍ଟ…..
