ରୁପ୍ରା, (ମ.ନି.ସ) : ନର୍ଲା ବ୍ଲକ ଅଧିନ ଚପଟଖଣ୍ଡା ସ୍ଥିତ ଓଡିଶା ଆଦର୍ଶ ବିଦ୍ୟାଳୟ ଠାରେ ଗୁରୁବାର ଦିନ ଶିକ୍ଷକ ଓ ଅଭିଭାବକ ମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ଚଳିତ ବାର୍ଷିକ ପରୀକ୍ଷାର ଫଳାଫଳକୁ ନେଇ ଶିକ୍ଷକ ଓ ଅଭିଭାବକ ମାନଙ୍କ ମଧ୍ୟରେ ଆଲୋଚନା ହୋଇଥିଲା । 
ବୈଠକ ପ୍ରାରମ୍ଭରେ ଉକ୍ତ ବିଦ୍ୟାଳୟର ଶିକ୍ଷୟିତ୍ରୀ ଆର୍ଯ୍ୟ କୁମାରୀ ପ୍ରାଚିପ୍ରଭା ସ୍ୱାଗତ ଭାଷଣ ଦେଇ କାର୍ଯ୍ୟକ୍ରମ ପରିଚାଳନା କରିଥିଲେ । ପରେ ଶିକ୍ଷକ ଲୋକେଶ ପଧାନ ଅନୁଷ୍ଠିତ ହୋଇଥିବା ଛାତ୍ରଛାତ୍ରୀଙ୍କ ବାର୍ଷିକ ପରୀକ୍ଷାର ଫଳାଫଳ ବୈଠକରେ ଘୋଷଣା କରିଥିଲେ । ବିଦ୍ୟାଳୟର ଶିକ୍ଷୟିତ୍ରୀ ବନ୍ଦନା ସ୍ୱାଇଁ ନୂତନ ଶିକ୍ଷାବର୍ଷର ଶୈକ୍ଷିକ ଯୋଜନା ବାବଦରେ ଅଭିଭାବକ ମାନଙ୍କୁ ଅବଗତ କରାଇଥିଲେ । 
ବିଦ୍ୟାଳୟର ଭାରପ୍ରାପ୍ତ ଅଧ୍ୟକ୍ଷ ଜୟନ୍ତ ଖମାରୀ ଓଡିଶା ସରକାରଙ୍କ ଦ୍ୱାରା ପରିଚାଳିତ 5T କାର୍ଯ୍ୟକ୍ରମ ବାବଦରେ ଅଭିଭାବକ ମାନଙ୍କୁ ସଂକ୍ଷିପ୍ତରେ ବୁଝାଇଥିଲେ । ବିଦ୍ୟାଳୟର ଶିକ୍ଷକ ଅନନ୍ତ ପଟେଲ ଛାତ୍ରଛାତ୍ରୀଙ୍କ ପାଠପଢାରେ କିପରି ଉନ୍ନତି ହୋଇପାରିବ ସେବାବଦରେ ଅଭିଭାବକ ମାନଙ୍କ ସହ ଆଲୋଚନା କରିଥିଲେ । ଛାତ୍ରଛାତ୍ରୀ ମାନଙ୍କ ବାର୍ଷିକ ପ୍ରଗତି ପତ୍ର ଶ୍ରେଣୀ ଶିକ୍ଷକ ଓ ଶିକ୍ଷୟିତ୍ରୀଙ୍କ ଜରିଆରେ ଅଭିଭାବକ ମାନଙ୍କୁ ପ୍ରଦାନ କରାଯାଇଥିଲା । ଶେଷରେ ଶିକ୍ଷକ ବିଜୟ ମେହେର ଉପସ୍ଥିତ ଥିବା ସମସ୍ତଙ୍କୁ ଧନ୍ୟବାଦ୍ ଜଣାଇଥିଲେ । ରୁପ୍ରା ରୁ ପ୍ରଦୀପ ସେନାପତି ଙ୍କ ରିପୋର୍ଟ ।
