ଢ଼େଙ୍କାନାଳ : “ଢେଙ୍କାନାଳ ଥିଙ୍କର୍ସ ଫୋରମ” ତରଫରୁ ସହରରେ ସମସ୍ତ ବାଣିଜ୍ୟିକ ପ୍ରତିଷ୍ଠାନ ର ନାମ ଫଳକ ଓଡ଼ିଆ ଭାଷାରେ ଲେଖିବାକୁ ଏପ୍ରିଲ ପହିଲାରୁ ଏକ ଅଭିଯାନ ଆରମ୍ଭ କରାଯାଇଛି । ତତ୍ ସହିତ ଓଡ଼ିଆ ଭାଷା ସୁରକ୍ଷା ପାଇଁ ବ୍ୟବସାୟୀ ମାନଙ୍କୁ “ପ୍ରଶଂସା ପତ୍ର” ପ୍ରଦାନ କରାଯାଉଅଛି । ଏଠାରେ ସୂଚନା ଯୋଗ୍ୟ ଯେ ଏପରି କାର୍ଯ୍ୟକ୍ରମ ରାଜ୍ୟରେ ସର୍ଵପ୍ରଥମ । ଆଜିର ଏହି ମହନୀୟ ଅଭିଯାନ ର ୨୩ ତମ ଦିବସରେ ସାହିତ୍ୟିକ ଶ୍ରୀ ସୁଶୀଲ କୁମାର ନନ୍ଦଙ୍କ ନେତୃତ୍ୱରେ ସଭାପତି ଶ୍ରୀ ସୋମେନ୍ଦୁ ଶତପଥୀ, ସମ୍ପାଦକ ଶ୍ରୀ ପ୍ରକାଶ ଚନ୍ଦ୍ର ରାଉତ, ପ୍ରସାର ପ୍ରମୁଖ ଶ୍ରୀ ଭୋଜରାଜ ସାହୁ, ସାଙ୍ଗଠନିକ ସମ୍ପାଦକ ଶ୍ରୀ ବିଶ୍ୱଜିତ ବରାଳ, ଶ୍ରୀ ବିନୋଦ କୁମାର ମଲ୍ଲିକ, ଅବିନାଶ ପଟ୍ଟନାୟକ ନିଜ ନିଜ ର ଶ୍ରମ ଓ ସମୟ ଦାନ କରିଥିଲେ। ତତ୍ ସହିତ ସମସ୍ତେେ “ଓଡ଼ିଆ ଭାଷାର ଜୟ ହେଉ , ଓଡ଼ିଆର ପ୍ରାଣ ଜାଗ୍ରତ ହେଉ , ଓଡ଼ିଆ ବଞ୍ଚିଲେ ଓଡ଼ିଶା ବଞ୍ଚିବ” ବୋଲି ଯୁଗଧର୍ମୀ ସ୍ଳୋଗାନ ଦେଇଥିଲେ ।
ଢ଼େଙ୍କାନାଳ ରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍