ଡାବୁଗାଁରେ ବଡଦିନ ପାଳିତ
ଡାବୁଗାଁ,୨୫/୧୨(ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ଅଞ୍ଚଳରେ ଥିବା ବିଭିନ୍ନ ଚର୍ଚ୍ଚରେ ଖ୍ରୀଷ୍ଟିୟାନ ସମ୍ପ୍ରଦାୟର ଲୋକ ମାନେ ପ୍ରଭୁ ଯୀଶୁ ଙ୍କ ଜନ୍ମ ଦିନ ମହାଆଡମ୍ବରରେ ସୋମବାର ବଡଦିନ ପାଳିତ 
ହୋଇଯାଇଛି | ଏହି ଅବସରରେ ସ୍ଥାନୀୟ ଚର୍ଚ୍ଚରେ ରବିବାର ସନ୍ଧ୍ୟାରୁ ପ୍ରାର୍ଥନା ସଭା ଆୟୋଜନ କରାଯାଇ ଆଜି ପର୍ଯ୍ୟନ୍ତ ଚାଲିଥିଲା | ଚର୍ଚ୍ଚର ପ୍ରାଚୀନ ପ୍ରଦୀପ ଗରଡା ଯୀଶୁଖ୍ରୀଷ୍ଟଙ୍କ ବାଣୀ ଏବଂ ବାଇବେଲର ନୀତିବାଣୀ ପଠନ କରି ଆଲୋଚନା କରିଥିଲେ | ଏଥିରେ ସ୍ଥାନୀୟ ଚର୍ଚ୍ଚର ସଭାପତି ପ୍ରତାପ କୁମାର ନାୟକ, ଉପସଭାପତି ସୁମିତ କୁମାର ନାଗ, ସମ୍ପାଦକ କେଶରୀ ନାୟକ, ଦୀପକ ନାୟକ, କୋଷାଧ୍ୟକ୍ଷ ଗୋପାଳ ବାହାଦୁର, ଜ୍ୟୋତିମହିନୀ ଭତ୍ରା, ଜଗଦୀଶ ଭତ୍ରା, କଇନକିଶୋର ଖୋସଲା, ଦୀପକ ନାୟକ, ବୁଲୁ ଗରଡା ଓ ବୁଲୁ ଗରଡା ପ୍ରମୁଖ ବିଧିବଦ୍ଧ ଭାବେ କାର୍ଯ୍ୟକ୍ରମ ପରିଚାଳନା କରିଥିଲେ | ଏଥିରେ ଖ୍ରୀଷ୍ଟୀୟ ବିଶ୍ଵାସୀ ମାନେ ଉପସ୍ଥିତ ରହି ବଡଦିନ ପାଳନ କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
