ଧନସରା କ୍ରିକେଟ ଟୁର୍ଣ୍ଣାମେଣ୍ଟ, କପୁରମାଲ ଦଲ ଚାମ୍ପିୟାନ
କୋକସରା,୩୧/୧ // କଳାହାଣ୍ଡି ଜିଲ୍ଲା କୋକସରା ବ୍ଲକ କାଶିବାହାଲ ପଞ୍ଚାୟତ ଧନସରା ଗ୍ରାମରେ ଆୟୋଜିତ କ୍ରିକେଟ ଟୁର୍ଣ୍ଣାମେଣ୍ଟର ଫାଇନାଲ ଖେଳ କପୁରମାଲ ଓ 
ଧନସରା ଦଳ ମଧ୍ୟରେ ଅନୁଷ୍ଠିତ ହୋଇଥିଲା। ଉଦଯାପନି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କୋକସରା ବ୍ଲକ ଉପାଧ୍ୟକ୍ଷ ରାଜୀବ ଅଗ୍ରୱାଲ, ସମ୍ମାନିତ ଅତିଥି ଭାବେ ସ୍ଥାନୀୟ ସମାଜସେବୀ ରୁଦ୍ର ପ୍ରସାଦ ନାଏକ, ସମିତି ସଭ୍ୟ ଗଜାନନ ନିଆଲ, ମାର୍କଣ୍ଡ ବେମାଲ, ଜଗତ ରାମ ସତନାମୀ, କୁରୁକ୍ଷେତ୍ର ବେହେରା, ଅର୍ଜୁନ ଶବର, ତନୁକ ଲାଲ ନାଗ ଉପସ୍ଥିତ ରହି ଉଭୟ ଦଳର ଖେଳାଳିଙ୍କ ସହ 
ପରିଚୟ ପର୍ବରେ ସାମିଲ ହୋଇଥିଲେ। ଫାଇନାଲ ସଂଘର୍ଷ ପୁର୍ଣ୍ଣ ମ୍ୟାଚରେ ଧନସରା ଟିମକୁ ୫୦ ରନରେ ହରାଇ କପୁରମାଲ ଟିମ ଚାମ୍ପିୟାନ ଟ୍ରଫି ଦାବେଦାର ହୋଇଛି। ବିଜେତା ଓ ଉପ ବିଜେତା ଟିମକୁ ଉପସ୍ଥିତ ଅତିଥିମାନେ ଟ୍ରଫି ସହ ପୁରସ୍କାର ପ୍ରଦାନ କରିଥିଲେ। ଧନସରା ଗ୍ରାମର ୟଙ୍ଗ ଷ୍ଟାର ଯୁବକ ସଙ୍ଘର ସ୍ବେଛାସେବୀ ମାନେ କ୍ରିକେଟ ମ୍ୟାଚ ପରିଚାଳନାରେ ସହଯୋଗ କରିଥିଲେ।
ମସିହା ନିୟୂଜ ସର୍ଭିସ୍
