ପ୍ରବନ୍ଧ ପ୍ରତିଯୋଗିତାର ଫଳାଫଳ ପ୍ରକାଶ
ବାଲେଶ୍ଵର,୧୭/୦୨/୨୪- ବର୍ତ୍ତମାନ ସାରସ୍ୱତ ସାହିତ୍ୟ ଜଗତରେ ସାଧକ/ସାଧିକା ମାନଙ୍କ ସଂଖ୍ଯା ଯଥେଷ୍ଟ ପରିମାଣରେ ବଢ଼ିବାରେ ଲାଗିଛି । ଜଣେ କବି ସମାଜରେ ଘଟୁଥିବା ଘଟଣାବଳୀକୁ ତା’ର ଲେଖନୀ ମୁନରେ ସ୍ଥାନିତ କରି ପ୍ରଶଂସା ସାଉଁଟିବାରେ ଯେଉଁ ଆନନ୍ଦ ଅନୁଭବ କରେ ତାହା କେଉଁଥିରୁ ପ୍ରାୟ ପାଏନାହିଁ ବୋଲି ମୋର ଅନୁମାନ । ସାହିତ୍ୟ କେବଳ ନିଜକୁ ଆନନ୍ଦ ଦେଇନଥାଏ ଅନ୍ୟ ମାନଙ୍କୁ ଆନନ୍ଦ ଦେବାରେ ମଧ୍ଯ ସହାୟକ ହୋଇଥାଏ । ଲେଖା ମାଧ୍ୟମରେ ଅଚିହ୍ନା ଅପରିଚିତ ବ୍ଯକ୍ତିଙ୍କ ନିକଟରେ ପରିଚୟ ସୃଷ୍ଟି ହୋଇଥାଏ । ଜଣେ ସାଧକ/ସାଧିକାଙ୍କ ଲେଖା ଯଦି କୌଣସି ଠାରେ ସ୍ଥାନ ଅଧିକାର କରେ କିମ୍ବା ଲାଇକ୍ କମେଟ୍ ମିଳେ ସେଇଠି ସ୍ରଷ୍ଟା ନିଜକୁ ଗର୍ବ ଅନୁଭବ କରିଥାଏ । କବିତା, ଗଳ୍ପ କିମ୍ବା ପ୍ରବନ୍ଧ ସବୁଥିରେ ସ୍ରଷ୍ଟାକୁ ଆନନ୍ଦ ମିଳିଥାଏ । ହେଲେ ନିଜର ସ୍ବରଚିତ ସୃଷ୍ଟିକୁ ବିକଶିତ କରିବା ପାଇଁ ଏକ ମାଧ୍ୟମ ଆବଶ୍ୟକ ହୋଇଥାଏ । ସେଭଳି ଏକ ମାଧ୍ୟମର ସ୍ଥାନ ଅଳଙ୍କୃତ କରିଛି ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା, ବାଲେଶ୍ଵର । ଏହା ଏକ ଶିକ୍ଷା, ସୃଷ୍ଟି ଓ ବିକାଶର ଅନୁଷ୍ଠାନ । ପ୍ରତିଯୋଗିତା ମାଧ୍ୟମରେ କିଛି ନା କିଛି ଶିକ୍ଷା ଦିଆଯାଇଥାଏ । ପ୍ରତି ରବିବାରରେ ବିଭିନ୍ନ ପ୍ରକାର ପ୍ରତିଯୋଗିତା ଅନୁଷ୍ଠିତ ହୋଇଥାଏ ନୂତନ ଓ ପୁରାତନ ସାହିତ୍ୟ ସାଧକ/ସାଧିକା ମାନଙ୍କୁ ନେଇ । ଅନୁଷ୍ଠାନର ମୂଳ ଲକ୍ଷ୍ୟ ସମାଜ ପାଇଁ କିଛି ନୂତନ ସାହିତ୍ୟ ଶ୍ରଷ୍ଟା ସୃଷ୍ଟି କରିବା । ଏବଂ ସେମାନଙ୍କ ପ୍ରତିଭା ବୃଦ୍ଧି କରିବାରେ ସହାୟକ ହେବା । ଅନେକ ସମୟରେ ଅନୁଷ୍ଠାନ ସହିତ ଯୋଡି ହୋଇଥିବା ବନ୍ଧୁ ମାନଙ୍କ ଗଦ୍ଯ କିମ୍ବା ପଦ୍ଯ ଲେଖା ଗୁଡିକୁ ପତ୍ର ପତ୍ରିକାରେ ସ୍ଥାନ ଦେବାପାଇଁ ଚେଷ୍ଟା କରିଥାଏ । ଏହି ପରିପ୍ରେକ୍ଷୀରେ ଗତ ତା ୧୧/୦୨/୨୪ ରିଖରେ ପ୍ରବନ୍ଧ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଯାହାର ପ୍ରସଙ୍ଗ ଥିଲା ” ଚାରିଧାମ ” । ଏଥିରେ (୧) ଛବିରାଣୀ ପତି, ଜଗତସିଂହପୁର (୨) ନର୍ମଦା ନାୟକ, ରାଉରକେଲା, ସୁନ୍ଦରଗଡ (୩) ବୀଣାପାଣି ଦେବୀ, ବାଣପୁର,ଖୋର୍ଦ୍ଧା (୪) ବିନୋଦିନୀ ନାୟକ, ଛତ୍ରପୁର, ଗଞ୍ଜାମ (୫) ପ୍ରିୟଙ୍କା ପ୍ରିୟଦର୍ଶିନୀ ସ୍ବାଇଁ, କେନ୍ଦ୍ରାପଡା (୬) ସମାପ୍ତି ବେହେରା, ମୟୂରଭଞ୍ଜ (୭) ଯମୁନା ମହାପାତ୍ର, ସୁବର୍ଣ୍ଣପୁର (୮) ମନୋରମା ମହାନ୍ତି, ଜଗତସିଂହପୁର (୯) ସୁଜାତା ପଣ୍ଡା, ଗଞ୍ଜାମ (୧୦) ତାନଶ୍ରୀ ପାଣିଗ୍ରାହୀ, ବାଲେଶ୍ଵର ପ୍ରମୁଖ ଅଂଶ ଗ୍ରହଣ କରିଥିଲେ ।
ଏମାନେ ଜଣେ ଜଣେ ଉତ୍ତମ ସାରସ୍ୱତ ସାଧିକା । ସାରସ୍ୱତ ଜଗତରେ ବହୁ ପରିଚିତ ଓ ସୃଷ୍ଟି ମଧ୍ୟ ସୁନ୍ଦର । ସମସ୍ତଙ୍କ ଲେଖା ଗୁଡିକୁ ତନ୍ନ ତନ୍ନ କରି ସମୀକ୍ଷା କରିଥିଲେ ଅନୁଷ୍ଠାନର ସଭାପତି ସୁ ସାହିତ୍ୟିକ ନାରାୟଣ ଚନ୍ଦ୍ର ସେନାପତି । ତାଙ୍କ ସମୀକ୍ଷାରୁ ଛବିରାଣୀ ପତି ପ୍ରଥମ, ତାନଶ୍ରୀ ପାଣିଗ୍ରାହୀ ଦ୍ବିତୀୟ ଓ ପ୍ରିୟଙ୍କା ପ୍ରିୟଦର୍ଶିନୀ ସ୍ବାଇଁଙ୍କୁ ତୃତୀୟ ସ୍ଥାନ ମିଳିଛି । ତେଣୁ ଏ ଫଳାଫଳରେ କେହି ବିମୁଖ ନହୋଇ ଅନବରତ ଲେଖା ଜାରି ରଖନ୍ତୁ ଦିନେ ନା ଦିନେ ଭଗବାନ ଆପଣଙ୍କୁ ଉପଯୁକ୍ତ ସ୍ଥାନ ଦେବାରେ ଅବହେଳା କରିବେ ନାହିଁ । ଅନୁଷ୍ଠାନର ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମସ୍ତ ସ୍ରଷ୍ଟାଙ୍କୁ ଅଜଶ୍ର ଅଭିନନ୍ଦନ ଓ ଶୁଭେଚ୍ଛା ଜଣାଇଛନ୍ତି । ପ୍ରକୃତରେ ଗଦ୍ଯ ସାହିତ୍ୟର ଉନ୍ନତି ପାଇଁ ଏ ଅନୁଷ୍ଠାନ ଗଠିତ । ଯଦିଓ କବିତା ପ୍ରତିଯୋଗିତା ଲକ୍ଷ୍ୟ ତଥାପି ବେଳେ ବେଳେ ଧ୍ଯାନ ଦିଆଯାଇଥାଏ । ପ୍ରତିଯୋଗିତାରେ କେବଳ ମୋବାଇଲ ଟାଇପ୍ ଗ୍ରହଣ କରାଯାଇଥାଏ । ତେଣୁ ସମସ୍ତେ ମୋବାଇଲ ଟାଇପ୍ ଦିଅନ୍ତୁ ବୋଲି ପରାମର୍ଶ ଦେଇଛନ୍ତି ସମ୍ପାଦକ ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
