ଡାବୁଗାଁରେ ପୋଲିସର ଫ୍ଲାଗ ମାର୍ଚ୍ଚ
ଡାବୁଗାଁ, ୧୧/୪ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ପୋଲିସ ପକ୍ଷରୁ ସାଧାରଣ ନିର୍ବାଚନକୁ ଦୃଷ୍ଟିରେ ରଖି ଡାବୁଗାଁ ପୋଲିସ ପକ୍ଷରୁ ଡାବୁଗାଁରେ ଗୁରୁବାର ଅପରାହ୍ନରେ ଫ୍ଲାଗମାର୍ଚ୍ଚ କରାଯାଇଛି | ଏହି ଫ୍ଲାଗମାର୍ଚ୍ଚ 
ଥାନାରୁ ବାହାରି ଜୟନ୍ତୀନଗର ଦେଇ ଡାବୁଗାଁ ଗ୍ରାମର ସାହି ଗୁଡିକରେ ଫ୍ଲାଗମାର୍ଚ୍ଚ କରି ଥାନାକୁ ଫେରିଥିଲେ | ଏଥିରେ ଡାବୁଗାଁ ତହସିଲଦାର ହରିଓମ ଭୋଇ, ବିଡିଓ ଶରତ ମାଝି, ଆଇଆଇସି ସୁନୀଲ କୁମାର ପ୍ରଧାନ, ସିଆରପିଏଫ ଆସିଷ୍ଟାଣ୍ଡ କମାଣ୍ଡାଣ୍ଟ ଅଜୟ କୁମାର, ଥାନା ସବଇନିସ୍ପେକ୍ଟର ବିଜୁରାମ ବାଗ, ଏଏସଆଇ ଗୋପାଳକୃଷ୍ଣ ହଲୱା ଓ ଚନ୍ଦ୍ରଶେଖର ହଜାରୀ, ଶିଂସାରି ଫାଣ୍ଡି ଅଧିକାରୀ ଶିଶିରକାନ୍ତ ଘୋଷ ଓ ସିଆରପିଏଫ ବାହିନୀ ଯୋଗ ଦେଇଥିଲେ | ଡାବୁଗାଁ ବ୍ଲକରେ ସମ୍ବେଦନଶୀଳ ଏବଂ ଅତି ସମ୍ବେଦନଶୀଳ ବୁଥ ଚିହ୍ନଟ କରାଯାଇଛି | ଏଣୁ ଶାନ୍ତିପୂର୍ଣ୍ଣ ନିର୍ବାଚନ କରାଇବାପାଇଁ ପୋଲିସ ର ଏହି ସବୁ ପ୍ରୟାସ ଜାରି ରହିବ ବୋଲି ଡାବୁଗାଁ ଥାନା ଆଇଆଇସି ସୂଚନା ଦେଇଛନ୍ତି |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
