ମୁଁ ଏମିତି କାହିଁକି
ଶରତ ଚନ୍ଦ୍ର ପଣ୍ଡା
ମୁଁ ଏମିତି କାହିଁକି ଜନମ ନେଲି
ଘରର ହେଲିନା ପରର ହେଲି ll
କେହି ହେଲେନାହିଁ ମୋର ନିଜର
ବୁଝିଲିନି କିଛି ଆପଣା ପର ll
ଆପଣା ଭାବି ମୁଁ ଯା’ପାଖେ ଗଲି
ଘୃଣା, ଭୃ’କୁଞ୍ଚନ ଖାଲି ପାଇଲି…
ଏମିତି କାହିଁକି ଜନମ ନେଲି….. Il 1 ll
ଭାବିଥିଲି ହେବି ଜଗତ ଜିତା
ଜହ୍ନ ରାଇଜରେ କାଟିବି ଫିତା ll
ଭାବନା ମୋ ସବୁ ଚୁଲିକୁ ଗଲା
ଆତ୍ମଗ୍ଲାନିରେ ମୋ ସମୟ ଗଲା ll
ଜୀବନ କୁ ଖାଲି ଭଲ ପାଇଲି
କର୍ତ୍ତବ୍ୟ କୁ ବୋଝ ବୋଲି ଭାବିଲି…..
ମୁଁ ଏମିତି କାହିଁକି ଜନମ ନେଲି….. Il 2ll
ବିଭୁ କୃପା ବଳେ ଧରା ଧାମରେ
କେତେ କର୍ମବୀର ଉଚ୍ଚl ରାଶିରେ ll
ରଖିଗଲେ ଟେକ ଇତିହାସରେ
କର୍ମ ଗନ୍ଧ ମହ ମହ ବାସରେ ll
ଆଖୁର ହେଲିନା ଗୁଡ଼ର ହେଲି
ନିନ୍ଦା ଅପଯଶ ଖାଲି ଅର୍ଜିଲି…. Il
ମୁଁ ଏମିତି କାହିଁକି ଜନମ ନେଲି………..ll 3ll
କାହା ଉପକାରେ ଲାଗିଲି ନାହିଁ
ଅର୍ଥ ପଛେ ଗଲି ପାଗଳ ହୋଇ ll
ସ୍ଵାର୍ଥକୁ କରିଲି ଗଳlର ମାଳ
ଫଳ ରଖି ଦେଇ ବlଢ଼ିଲି ଝୋଳ ll
ମାନବ ଜନମ ବିଫଳ କଲି
ଦିଅଁ ଗଢ଼ୁ ଗଢ଼ୁ ମାଙ୍କଡ଼ କଲି
ମୁଁ ଏମିତି କାହିଁକି ଜନମ ନେଲି….ll 4 Il
ହାତେ ମାପି ଚାଖଣ୍ଡ ରେ ଚlଲିଲି
ମୋ ଚତୁର୍ପାଶ୍ୱକୁ ଶତ୍ରୁ ଭାବିଲି ll
ସାମଜ ସ୍ୱାର୍ଥକୁ ପଛେ ପକାଇ
ଗୋଷ୍ଠୀ ସ୍ଵାର୍ଥ ଯାହା ଖାଇଲି ମୁହିଁ ll
ଯାହା ଧନ ଅର୍ଜି ଠୁଳ କରିଲି
ବଇଦ ହାତରେ ସମର୍ପିଦେଲି ll
ମୁଁ ଏମିତି କାହିଁକି ଜନମ ନେଲି…… Il 5 ll
କଳା ଶ୍ରୀମୁଖ କୁ ଭଜିଲି ନାହିଁ
ଜପ ତପ ଜ୍ଞାନ ଲଭିଲି କାହିଁ ll
ଦାନ ଧ୍ୟାନ ସବୁ ଭୁଲିଲି ମୁହିଁ
ଧନ ଅରଜିଲି ମୋହରେ ଥାଇ ll
ନର୍କ ଯନ୍ତ୍ରଣା କୁ ନିଜେ ଅର୍ଜିଲି
କାଠ ହୋଇ ନିଜେ ଗଛ ହାଣିଲି
ମୁଁ ଏମିତି କାହିଁ କି ଜନମ ନେଲି…… Il 6 ll
ଶରତ ଚନ୍ଦ୍ର ପଣ୍ଡା
