ଧର୍ମପରାୟଣା ମହିଳାଙ୍କ ଦେହାନ୍ତ
ଖଇରା,୧୮/୬/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଅଧ୍ଯକ୍ଷା ଅଭିଲିପ୍ସା ସାହୁଙ୍କ ଶାଶୁ ସାବିତ୍ରୀ ସାହୁଙ୍କର ଆଜି ସକାଳ ଘ୯.୩୦ମି ସମୟରେ ଖଇରା ପଞ୍ଚାୟତ ପୁରସ୍ତମପୁର ଗ୍ରାମ ବାସଭବନରେ ହଠାତ୍ ଦେହାନ୍ତ ହୋଇଯାଇଛି । ମୃତ୍ୟୁ ବେଳକୁ ତାଙ୍କର ବୟସ ୬୯ ବର୍ଷ ହୋଇଥିଲା । ପ୍ରକାଶ ଥାଉକି ସେ କିଛି ବର୍ଷ ପୂର୍ବେ କର୍କଟ ରୋଗରେ ଆକ୍ରାନ୍ତ ହୋଇ ବମ୍ବେ ଟାଟା ମେମୋରିଆଲ କର୍କଟ ହସପିଟାଲରେ ଚିକିତ୍ସିତ ହୋଇ ଘରକୁ ଫେରିଥିଲେ । ଘରେ ମଧ୍ୟ ପରିବାର ଲୋକେ ଖୁବ୍ ଉତ୍ତମ ସେବାଯତ୍ନ ନେଉଥିଲେ । ହଠାତ୍ ତାଙ୍କ ଦେହାନ୍ତ ଖବର ସମସ୍ତଙ୍କ ମନରେ ଦୁଃଖ ଓ ବିଷାଦ ଭରି ଦେଇଥିଲା । ତାଙ୍କ ସ୍ବାମୀ ବିଷ୍ଣୁପଦ ସାହୁ ଖଇରା ପଞ୍ଚାୟତର ପୂର୍ବତନ ସମିତି ସଭ୍ୟ ଅଟନ୍ତି । ଖବରପାଇ ସ୍ବର୍ଗତା ସାହୁଙ୍କୁ ଭଲ ପାଉଥିବା ଆତ୍ମୀୟ ସ୍ବଜନ, ବନ୍ଧୁବାନ୍ଧବ, ପାଖପଡୋଶୀ, ବିଭିନ୍ନ ସଂଗଠନର କର୍ମକର୍ତ୍ତା ମାନେ ତାଙ୍କ ବାସଭବନରେ ପହଞ୍ଚି ଶେଷ ଦର୍ଶନ କରିଥିଲେ । ମରଶରୀର ନିକଟରେ ୩ପୁଅ ୧ଝିଅ, ନାତି, ନାତୁଣୀ, ଜ୍ବାଇଁ ବନ୍ଧୁ ବାନ୍ଧବ ସମସ୍ତେ ଉପସ୍ଥିତ ଥିଲେ । ଗଣମାଧ୍ୟମ ପ୍ରତିନିଧି ମାନେ ପହଞ୍ଚି ଶେଷ ଦର୍ଶନ କରିବା ସହିତ ମରଶରୀରରେ ପୁଷ୍ପଗୁଚ୍ଛ ପ୍ରଦାନ କରି ତାଙ୍କ ଅମର ଆତ୍ମାର ସଦଗତି କାମନା ନିମନ୍ତେ ପ୍ରଭୁ ଶ୍ରୀଜଗନ୍ନାଥଙ୍କ ନିକଟରେ ପ୍ରାର୍ଥନା କରିଥିଲେ । ପୂର୍ବତନ ସରପଂଚ ସୁଦର୍ଶନ ସେଠୀ ମଧ୍ୟ ଖବରପାଇ ପହଞ୍ଚି ଥିଲେ । ସେ ଜଣେ ସରଳ, ନମ୍ର, ଭଦ୍ର, ମିଷ୍ଟଭାଷୀ, ମେଳାପି, ସ୍ନେହୀ, ପରୋପକାରୀ ଓ ଧର୍ମପରାୟଣା ବ୍ଯକ୍ତି ହୋଇଥିବାରୁ ତାଙ୍କ ମୃତ୍ୟୁରେ ସମ୍ପୃକ୍ତ ଅଞ୍ଚଳରେ ଶୋକରଛାୟା ଖେଳି ଯାଇଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
