ରାଜ୍ୟସ୍ତରୀୟ ବସୁମତୀ ସ୍ନାନ ସାରସ୍ବତ ମହୋତ୍ସବ
କଟକ : କୈବଲ୍ୟ ସାହିତ୍ୟ ସଂସଦ ତରଫରୁ ଶେଷ ରଜ ଅବସରରେ ରାଜ୍ୟସ୍ତରୀୟ ବସୁମତୀ ସ୍ନାନ ସାରସ୍ବତ ମହୋତ୍ସବ ୨୦୨୪ ବାଣୀପୀଠ ଶ୍ରୀ ରାମଚନ୍ଦ୍ର ଭବନରେ ଅନୁଷ୍ଟିତ ହୋଇ ଯାଇଛି । ଏହା ପ୍ରଥମ ରାଜ୍ୟସ୍ତରୀୟ ଗବେଷଣାତ୍ମକ ସାରସ୍ବତ ମହୋତ୍ସବ । ଓଡ଼ିଶାର ବିଭିନ୍ନ ଜିଲ୍ଲାରୁ ଆସିଥିବା ଲେଖକ ଓ ଲେଖକା ପୂର୍ବରୁ ପ୍ରଦାନ 
କରିଥିବା “ବସୁମତୀ ସ୍ନାନ” ଶୀର୍ଷକ ଗବେଷଣାତ୍ମକ କବିତା, ଗଳ୍ପ ଏବଂ ପ୍ରବନ୍ଧ ପାଠ କରିଥିଲେ । ଜଗନ୍ନାଥଙ୍କ ଭକ୍ତି ସଙ୍ଗୀତ ଏବଂ ଶାସ୍ତ୍ରୀୟ ନୃତ୍ୟ ପ୍ରଦର୍ଶନ କରାଯାଇଥିଲା । କବୟିତ୍ରୀ ମନୋରମା ମିଶ୍ର ଜଗନ୍ନାଥ ଅଷ୍ଟକମ ଗାନ କରିଥିଲେ । ଦୁଇଟି ଅଧିବେଶନରେ କାର୍ଯ୍ୟକ୍ରମ ସମ୍ପନ୍ନ ହୋଇଥିଲା । ଦ୍ଵିତୀୟ ଅଧିବେଶନକୁ ଡ଼କ୍ଟର ବୈଷ୍ଣବ ଚରଣ ସାମଲ ଉଦ୍ ଘାଟନ କରି ସାହିତ୍ୟ ସମାଜକୁ ଯୋଡେ ବୋଲି ମତବ୍ୟକ୍ତ କରିଥିଲେ । କୈବଲ୍ୟ ସାହିତ୍ୟ ସଂସଦ ଆଧ୍ୟାତ୍ମିକ ସାହିତ୍ୟରେ ବିପ୍ଳବ ସୃଷ୍ଟି କରିଛି ବୋଲି ଦୃଢତାର ସହିତ ସ୍ବୀକାର କରିଥିଲେ । ସାହିତ୍ୟର ନୂତନ ଧାରା ଗବେଷଣାତ୍ମକ ସାହିତ୍ୟ , ଯେଉଁ ବିଭାଗରେ ଅଧିକ 
କାର୍ଯ୍ୟ ହେବାର ଆବଶ୍ୟକତା ରହିଛି । ମୁଖ୍ୟ ଅତିଥି ଭାବେ ଡ଼କ୍ଟର ବାବାଜୀ ପଟ୍ଟନାୟକ ବସୁମତୀ ସ୍ନାନର ପ୍ରାସଙ୍ଗିକତା ସ୍ପଷ୍ଟ ରୂପେ ବ୍ୟାଖ୍ୟା କରିଥିଲେ । ମୁଖ୍ୟ ବକ୍ତା ଭାବେ ଶ୍ରୀଯୁକ୍ତ ନିହାର ରଞ୍ଜନ ଦାସ, ସ୍ଵତନ୍ତ୍ର ଶାସନ ସଚିବ , ଓଡ଼ିଶା ସରକାର ଲୋକ ସାହିତ୍ୟରେ ରଜ ପର୍ବର ଗବେଷଣାତ୍ମକ ଦିଗ ଉପରେ ବ୍ୟାଖ୍ୟା କରିଥିଲେ । ସମ୍ମାନିତ ଅତିଥି ଭାବେ ଅଧ୍ୟାପକ କିଶୋର ଚନ୍ଦ୍ର ଦାସ , ଡଃ ଅଜୟ କୁମାର ପଣ୍ଡା( ଉପ ନିର୍ଦ୍ଦେଶକ ), ହେମନ୍ତ କୁମାର ଜେନା , ଶ୍ରୀଯୁକ୍ତ ବିପିନ ବିହାରୀ ବାରିକ, ବିଶ୍ୱଜିତ୍ ସୂର୍ଯ୍ୟବଂଶୀ, ଡଃ ସ୍ନେହାଶ୍ରୀ ସ୍ୱାଇଁ , ସାହିତ୍ୟିକା ଓ ସମାଜସେବୀ,ବିପିନ ଦଳାଇ ,ସୁଭାଷ ଚନ୍ଦ୍ର ରାଉତ ବସୁମତୀ ସ୍ନାନ ଏବଂ କୈବଲ୍ୟ ସାହିତ୍ୟ ସଂସଦ ର ଆଧ୍ୟାତ୍ମିକ କାର୍ଯ୍ୟ ବିଷୟରେ ବ୍ୟାଖ୍ୟା କରିଥିଲେ । ଦେବଦତ୍ତ ପ୍ରଧାନ ବସୁମତୀ ସ୍ନାନ ସମ୍ପର୍କରେ ଗବେଷଣାତ୍ମକ ପ୍ରବନ୍ଧ ପାଠ କରିଥିଲେ । ଦୁଇ ଶହରୁ ଊର୍ଦ୍ଧ୍ବ ଲେଖକ ଏବଂ ଲେଖିକା ମାନଙ୍କୁ ରାଜ୍ୟସ୍ତରୀୟ ବସୁମତୀ ମାଆ ସମ୍ମାନ ୨୦୨୪ ପ୍ରଦାନ କରାଯାଇଥିଲା । ଅନୁଷ୍ଠାନର ପ୍ରତିଷ୍ଠାତା ଡ଼କ୍ଟର ସଂଗ୍ରାମ କେଶରୀ ସାମନ୍ତରାୟ ସଂପାଦକୀୟ ପାଠ କରିଥିଲେ । ଲେଖକ ଡଃ ଅଜୟ କୁମାର ପଣ୍ଡାଙ୍କ ପୁସ୍ତକ “ଫାଲଗୁ ଧାରା”, ଲେଖକ ଜାନକୀ ବହ୍ଲବ ଦାସ ଙ୍କ ପୁସ୍ତକ ” କଥା ପୁରୁଣା ଅସଲି ସୁନା “ଲେଖିକା ସବିତା ନାୟକଙ୍କ “ପ୍ରୀତିପୁଷ୍ପ” ର ଶୁଭ ଲୋକାର୍ପଣ କରାଯାଇଥିଲା । ଓଡ଼ିଶୀ ନୃତ୍ୟଶିଳ୍ପୀ ପ୍ରଜ୍ଞା ପାରମିତା ବାରିକ, ନିତ୍ୟା ମହାବର,ବିଶ୍ନୋବି ମଲ୍ଲିକ ଓଡ଼ିଶୀ ଶାସ୍ତ୍ରୀୟ ନୃତ୍ୟ ପ୍ରଦର୍ଶନ କରିଥିଲେ । କଣ୍ଠଶିଳ୍ପୀ ବିରେନ୍ଦ୍ର କୁମାର ଜେନା, ଅଶୋକ କୁମାର ବେହେରା,ଡ଼କ୍ଟର ଅନିରୁଦ୍ଧ କୁରକୁରିଆ, (ସୋନପୁର) ଭକ୍ତି ସଙ୍ଗୀତ ଗାନ କରିଥିଲେ ।କଳାକାର ବଟକୃଷ୍ଣ ସାହୁ ଏବଂ ଲିଙ୍ଗରାଜ ଦାସଙ୍କ ଦ୍ଵାରା ମଥୁରା ପୁରର ପୌରାଣିକ ସଂଳାପ ଦର୍ଶକ ମାନଙ୍କୁ ଆନନ୍ଦ ପ୍ରଦାନ କରିଥିଲା ।
ଅଧ୍ୟାପିକା ବୈଜୟନ୍ତୀ ସାହୁ ଏବଂ ଡଃ ସନ୍ତୋଷ କୁମାର ପଣ୍ଡା ମଞ୍ଚ ପରିଚାଳନା କରିଥିଲେ । କବି ଅଭୟ କୁମାର ପଟ୍ଟନାୟକ ଧନ୍ୟବାଦ୍ ଅର୍ପଣ କରିଥିଲେ ।
ମସିହା ନିଯୁଜ ସର୍ଭିସ୍
