ମହାନତା ଦେଖାଇଲା ସେବା ଫାଉଣ୍ଡେସନ, ସହାୟତା ପାଇଁ ପ୍ରତିଶ୍ରୁତି ଦେଲା ମୋ ଅନୁଷ୍ଠାନ
ଜଗତସିଂହପୁର/ ବାଲେଶ୍ଵର, ୧୯/୬/୨୪- ଜଗତସିଂହପୁର ଜିଲ୍ଲା ବାଲିକୁଦା ବ୍ଲକ ମରିଚିପୁର ପଂଚାୟତ ବାରବାଟିଆ ଗ୍ରାମର ବାପ ଛେଉଣ୍ଡ ପିଲା ରାହୁଲ ଶୁକ୍ଲା । ବୟସ ୭ ବର୍ଷ, ବାପ ଛେଉଣ୍ଡ । ତା’ର ଭବିଷ୍ୟତ ଗଢି ତୋଳିବା ପାଇଁ ପାଠ ପଢ଼ାର ସମସ୍ତ ଖର୍ଚ୍ଚ ବହନ କରିବ ସ୍ବେଚ୍ଛାସେବୀ ଅନୁଷ୍ଠାନ ” ସେବା ଫାଉଣ୍ଡେସନ ” । କିଛି ଦିନ ପୂର୍ବେ ବାପା ସୁବ୍ରତ ଶୁକ୍ଲାଙ୍କ ଅକାଳ ବିୟୋଗ ପରେ ପୁରା ପରିବାର ଦୁଃଖରେ 
ଭାଙ୍ଗି ପଡ଼ିଥିଲେ । ଛୋଟ ପୁଅର ଭବିଷ୍ୟତ ସହିତ ପରିବାରର ଭରଣ ପୋଷଣ କରିବା କଷ୍ଟକର ହୋଇ ପଡିଥିଲା । ଏହି ଅସହାୟତା ଖବର ସେବା ଫାଉଣ୍ଡେସନ ସଭାପତି ରଶ୍ମି ରଞ୍ଜନ ପାତ୍ର ପାଇବା ପରେ ତା ୧୯/୬/୨୪ ରିଖରେ ଟିମ ସହିତ ସେବା ଫାଉଣ୍ଡେସନ ସମ୍ପାଦକ ସମ୍ବିତ କୁମାର ପାଇଟାଲ, ରାଜେଶ ଖଟୁଆ, ରୁଦ୍ରବେହେରା, ଜଗା ବେହେରା, ଅଳୟ ବେହେରା ସେଠାରେ ପହଂଚି ଥିଲେ । ରାହୁଲର ମାଆଙ୍କ ଠାରୁ ସମସ୍ତ ଘଟଣା ବୁଝି ଅବଗତ ହେବା ପରେ ରାହୁଲର ପାଠ ପଢ଼ା ଓ ଡ୍ରେସ୍ ପାଇଁ ରାହୁଲର ମାଆ ସୁମିତ୍ରା ପରିଡାଙ୍କୁ ୨ ହଜାର ଟଙ୍କା ପ୍ରଦାନ କରିଛନ୍ତି । ଏଥି ସହିତ ପ୍ରଥମରୁ ଦଶମ ପର୍ଯ୍ୟନ୍ତ ପାଠ ପଢାର ସମସ୍ତ ଖର୍ଚ୍ଚ ସେବା ଫାଉଣ୍ଡେସନ ବହନ କରିବ ବୋଲି ରାହୁଲର ମାଆଙ୍କୁ ପ୍ରତିଶ୍ରୁତି ଦେଇଛନ୍ତି ସେବା ଫାଉଣ୍ଡେସନର ସମ୍ପାଦକ ସମ୍ବିତ କୁମାର ପାଇଟାଳ । ପ୍ରକାଶ ଥାଉକି ଏହା ପୂର୍ବରୁ ୩ ଟି ପିଲା ସୌରଭ,ଶୁଭମ ଦାସ, ସୋମ୍ୟଜିତ ମୁଦୁଲି ର ପାଠପଢ଼ାର ସମସ୍ତ ଖର୍ଚ୍ଚ ବହନ କରୁଛି ସେବା ଫାଉଣ୍ଡେସନ । ବାଲେଶ୍ଵର ଜିଲ୍ଲା ଖଇରା ଠାରେ ଗଢି ଉଠିଥିବା ମୋ ଅନୁଷ୍ଠାନ ସାହିତ୍ୟ ସଂସଦ, ଆଳଦା, ଖଇରା, ବାଲେଶ୍ଵର ମଧ୍ୟ ସହଯୋଗର ହାତ ବଢାଇବ ବୋଲି ପ୍ରତିଷ୍ଠାତା ଓ ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସେବା ଫାଉଣ୍ଡେସନକୁ ପ୍ରତିଶ୍ରୁତି ପ୍ରଦାନ କରିଛି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
