ପ୍ରଗତିଶୀଳ ମସିହା, ନିର୍ଭୀକ I ନିର୍ଭୟ I ନିରପେକ୍ଷ
ଆଞ୍ଚଳିକ

ରାଜ୍ୟ ରାଜପଥକୁ ଅବରୋଧ କରୁଛି ବାଲି, ରାଜନେତା ଓ ପ୍ରଶାସନ ନିରବଦ୍ରଷ୍ଟା କ’ଣ ପାଇଁ ?

ରାଜ୍ୟ ରାଜପଥକୁ ଅବରୋଧ କରୁଛି ବାଲି, ରାଜନେତା ଓ ପ୍ରଶାସନ ନିରବଦ୍ରଷ୍ଟା କ’ଣ ପାଇଁ ?

ଖଇରା,୨୦/୬/୨୪- ବାଲେଶ୍ଵର ଜିଲ୍ଲା ଖଇରା ବ୍ଲକ ଓ ଭଦ୍ରକ ବ୍ଲକକୁ ସଂଯୋଗ କରୁଛି ୫୭ ନମ୍ବର ରାଜ୍ୟ ରାଜପଥ । ଏହି ରାସ୍ତାରେ ଦୈନିକ ଶହଶହ ଗାଡି ମୋଟର, ଭାରୀଯାନ ଓ ଯାତ୍ରୀବାହୀ ଗାଡି ଉଭୟ ଜିଲ୍ଲା ତଥା ରାଜ୍ୟର ବିଭିନ୍ନ ସ୍ଥାନକୁ ଯାତାୟାତ କରୁଛି । ଅନେକ ସମୟରେ ଛୋଟବଡ଼ ଦୁର୍ଘଟଣା ଘଟୁଥିବାର ନଜିର ମଧ୍ୟ ଅଛି । ଏପରି ସ୍ଥଳେ ବ୍ଯକ୍ତିଗତ ଗୃହ ନିର୍ମାଣ ନିମନ୍ତେ ରାସ୍ତା ଉପରେ ବର୍ଷ ବର୍ଷ ଧରି ପଡି ରହିଛି ଗୃହ ନିର୍ମାଣ ସାମଗ୍ରୀ ଅର୍ଥାତ ବାଲି । ଯାହାଦ୍ବାରା ଯାତାୟାତରେ ବାଧା ସୃଷ୍ଟି ହେବା ସହିତ ସ୍ଥାନଟି ବିପଦ ପୂର୍ଣ୍ଣ ହୋଇପଡିଛି । ଏଥିପ୍ରତି ଦୃଷ୍ଟି ଦେଉ ନାହାନ୍ତି କେହି । ବାରମ୍ବାର ଅଭିଯୋଗ ଓ ଖବର ପ୍ରଚାର ପ୍ରସାର ପରେ ମଧ୍ୟ ରାସ୍ତାରୁ ହଟୁନି ବାଲି । ଏଠାରେ ପ୍ରଶ୍ନ ଉଠେ ରାଜ୍ୟ ରାଜପଥଟି ଗୃହ ନିର୍ମାଣକାରୀଙ୍କ ପୈତୃକ ସମ୍ପତ୍ତି କି ? ବେଳେ ଖଇରା ତହସିଲଦାର କ୍ଷେତ୍ର ପରିଦର୍ଶନରେ ଯାଉଛନ୍ତି, ରାସ୍ତା ଅବରୋଧ କ’ଣ ତାଙ୍କୁ ଦେଖାଯାଉନି ? କାହିଁକି ନେଉ ନାହାନ୍ତି ପଦକ୍ଷେପ ? ନା ଡରୁଛନ୍ତି ରାଜନୈତିକ ନେତାଙ୍କୁ ନା ପଦକ୍ଷେପ ନେବାର ଇଚ୍ଛା ନାହିଁ ? ନା ଜାଣିଶୁଣି ନିରବଦ୍ରଷ୍ଟା ସାଜିଛନ୍ତି ? ଅପରପକ୍ଷେ ପୋଲିସ ପ୍ରଶାସନ କରୁଛି କ’ଣ ? ଦୁର୍ଘଟଣାରେ ଯଦି କେହି ମୃତ୍ୟୁବରଣ କରେ ସେଥିପାଇଁ ଦାୟୀ କିଏ ? ତହସିଲ ନା ପୋଲିସ ପ୍ରଶାସନ ? ଏମିତି ଅନେକ ପ୍ରଶ୍ନ ଉଠିଛି ସାଧାରଣରେ, ଯାହା ଜନସାଧାରଣ ଓ ଯାତାୟାତକାରୀ ମାନେ ପ୍ରକାଶ କରିଛନ୍ତି । ଯଦି ଉଭୟ ପ୍ରଶାସନ ତରଫରୁ କୌଣସି ପଦକ୍ଷେପ ନିଆ ନଯାଏ, ଆଗାମୀ ଦିନରେ ଯେଉଁ ପ୍ରକାର ପରିସ୍ଥିତି ସୃଷ୍ଟି ହେବ ସେଥିପାଇଁ ତହସିଲ ଓ ପୋଲିସ ପ୍ରଶାସନ ହିଁ ଦାୟୀ ରହିବେ ଏବଂ ପ୍ରତିବାଦର ସ୍ବର ଖଇରା ଠାରୁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ପର୍ଯ୍ୟନ୍ତ ନିଶ୍ଚୟ ଯିବ ଏଥିରେ ସନ୍ଦେହ ନାହିଁ ।।

ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ

Related posts

୧- ସାମ୍ବାଦିକ ଗୌରବ ଶାଳବଣ ର କବି ଗିରୀଶ ଚନ୍ଦ୍ର ନନ୍ଦଙ୍କ ଶ୍ରାଦ୍ଧ ଦିବସ ରେ ବୃକ୍ଷ ରୋପଣ , ୨- ଭୀମଭୋଇ ସାମର୍ଥ୍ୟ ଶିବିର ରେ ୨୨୬ ଭିନ୍ନକ୍ଷମ ପଞ୍ଜୀକୃତ , ୩- ମାଳମାଳ ସମସ୍ୟା ଭିତରେ ସ୍ମାର୍ଟ ସିଟିର ସ୍ୱପ୍ନ ଦେଖୁଛି ଢେଙ୍କାନାଳ”, ୪-ଢେଙ୍କାନାଳରେ ଖୋଲା କୂଅରୁ ଆହତ ମାଈ ହାତୀ ଛୁଆ ଉଦ୍ଧାର, ୫- ଗୋରୁଙ୍କ କବ୍‌ଜାରେ ରାଜରାସ୍ତା,  ସଂପୃକ୍ତ ଗୋରୁ ମାଲିକଙ୍କୁ ଚି଼ହ୍ନଟ କରି ଜୋରିମାନା ଆଦାୟ କରନ୍ତୁ , ୬- ମା’ବ୍ରାହ୍ମଣୀ ନଦୀରେ ପ୍ରସ୍ତାବିତ ଟନେଲ ପାଇଁ ୧୫୫୦ କୋଟି, ଜିଲ୍ଲାପାଳଙ୍କୁ ଭେଟି ତଥ୍ୟ ମାଗିଲା ଆପ୍ , ୭-ଢେଙ୍କାନାଳ ସହରରେ ଖାଦ୍ୟ ସୁରକ୍ଷା ବିଭାଗର ଚଢ଼ାଉ , ୮- ବେଢାପାଳ ଗାଁରେ ଉତ୍ତେଜନା, ସୋଲାର ବାଡ଼କୁ ନେଇ ଦୁଇ ଗୋଷ୍ଠୀ ମୁହାଁମୁହିଁ , ୯- ଶିଳାନ୍ୟାସର ୫ ବର୍ଷ ପରେ ବି ଅଧାପନ୍ତରିଆ ପଡ଼ିଛି ଶିକ୍ଷକ ଭବନ,  ଶିକ୍ଷକ ମହଲରେ ଅସନ୍ତୋଷ ,୧୦-ମୃତ ସନାତନ ହେଲେ ପୁନଃର୍ଜୀବିତ,ଶବସତ୍କାରର ମାସେପରେ ଘରକୁ ଫେରିଲେ ସନାତନ , ୧୧- ମିଳିତ ଭାବେ ଗଣେଷ ପୂଜା ଭଷାଣି ପାଇଁ ନିଷ୍ପତି , ୧୨- ଗ୍ରାମ ସ୍ତରୀୟ ଶିଶୁ କଲ୍ୟାଣ ଓ ସୁରକ୍ଷା କମିଟିର ବୈଠକ

Sunil Chandra Nayak

ଓଡ଼ିଶା ସାହିତ୍ୟ ଏକାଡେମୀ ପ୍ରତିଷ୍ଠା ଦିବସ ପାଳନ

masiha

ଓଇଏସ ପରୀକ୍ଷାରେ ରାଜସ୍ବ ନିରୀକ୍ଷକ ବିଜୟ ଲକ୍ଷ୍ମୀ ନାଗଙ୍କ ସଫଳତା 

Leave a Comment

error: Content is protected !!