ଆମ ସାହିତ୍ଯ ଆମ ଅସ୍ମିତାର ପରିଚୟ.
ବୈଶାଖୀ ସାହିତ୍ୟ ସଂସଦ ର ବାର୍ଷିକୋତ୍ସବ
ରାଉରକେଲା : ସାହିତ୍ଯ ସମାଜର ପରିବର୍ତ୍ତନର ସହାୟକ ହୋଇଥାଏ | ଆମ ସାହିତ୍ୟ ଆମ ଅସ୍ମିତାର ପରିଚୟ ବୋଲି ଧାମରା ସଂଘ ପରିସରରେ ଆୟୋଜିତ ବୈଶାଖୀ ସାହିତ୍ଯ ସଂସଦର ୩୪ତମ ବାର୍ଷିକୀ ଉତ୍ସବରେ ମୁଖ୍ଯଅତିଥି ଭାବେ ଯୋଗଦେଇ ଡ.ବବ୍ରୁବାହନ ମାହାପାତ୍ର ନିଜ ଅଭିଭାଷଣରେ କହିଥିଲେ | ଡ. କିଶୋରୀ ଦାସଙ୍କ ସଭାପତିତ୍ବ ଓ ଡ଼ଃ ରେ ଉମାକାନ୍ତ ପଣ୍ଡା ଙ୍କ ସଂଯୋଜନାରେ ଆୟୋଜିତ ଏହି ସଭାରେ ବରେଣ୍ଯ ଅତିଥି ଭାବେ ଯୋଗଦାନ କରି ବିଶିଷ୍ଟ ଶିକ୍ଷାବିତ୍ ଶଶଧର ପଣ୍ଡା କହିଲେ ସାହିତ୍ଯ ହିଁ ଜାତୀୟ ସମୃଦ୍ଧିର ମୂଳମନ୍ତ୍ର । ଶିକ୍ଷାବିତ ଭବେଶ ଚନ୍ଦ୍ର ସାହୁ ଅନ୍ୟତମ ଅତିଥି ଭାବେ ଯୋଗଦେଇ ଅନୁଷ୍ଠାନର କାର୍ଯ୍ୟକ୍ରମକୁ ପ୍ରଶଂସା କରିବା ସହ ଏହା ଅନ୍ୟମାନଙ୍କ ପାଇଁ ପ୍ରେରଣାଦାୟୀ ହେବ ବୋଲି ମତ ରଖିଥିଲା ବେଳେ ସାଧାରଣ ସମ୍ପାଦକ ଚନ୍ଦ୍ରଧ୍ବଜ ମାଝୀ ସମ୍ପାଦକୀୟ ବିବରଣୀ ପାଠ କରିଥିଲେ | ଏହି ଅବସରରେ ବିଭିନ୍ନ କ୍ଷେତ୍ରରେ କୃତୀତ୍ବ ହାସଲ କରିଥିବା ପାଞ୍ଚଜଣ ପ୍ରତିଭାଙ୍କୁ ସମ୍ବର୍ଦ୍ଧିତ କରା ଯାଇଥିଲା । ଡ.ବବ୍ରୁବାହନ ମହାପାତ୍ରଙ୍କୁ ବୈଶାଖୀ ଭାରତୀ ସମ୍ମାନ,ଅଙ୍ଗୁରବାଳା ପରିଡାଙ୍କୁ ବୈଶାଖୀ ସାରସ୍ବତ ସମ୍ମାନ ,ଶଶଧର ପଣ୍ଡାଙ୍କୁ ବୈଶାଖୀ ସଂସ୍କୃତି ସମ୍ମାନ ,ରଶ୍ମିବାଳା ରାଉତରାୟଙ୍କୁ ବିଦ୍ଯା ତିଓ୍ବାରୀ ସ୍ମୃତି ସମ୍ମାନ,ବିଜୟ କୁମାର ସାହୁଙ୍କୁ ବେଣୁଧର ସ୍ମୃତି ସମ୍ମାନରେ ସମ୍ମାନୀତ କରାଯାଇଥିଲା । ଶେଷରେ କବି ସୁଶାନ୍ତ କୁମାର ନାୟକ ସମସ୍ତଙ୍କୁ ଧନ୍ଯବାଦ ଅର୍ପଣ କରିଥିଲେ | ଦ୍ବିତୀୟ ପର୍ଯାୟରେ ବିକ୍ରମ ଆଚାର୍ଯ୍ଯଙ୍କ ସଭାପତିତ୍ବରେ କବିତା ଆସର ଆୟୋଜିତ ହୋଇଥିଲା । ସମ୍ମାନିତ ଅତିଥିଭାବେ ଅଧ୍ଯପିକା ପ୍ରଣତି ବେହେରା ଯୋଗଦାନ କରିଥିଲେ | ସୁସ୍ମିତା ଭୋଇ,ନିତମ୍ବିନୀ କର ଏବଂ ବସନ୍ତ ବିଶ୍ବକର୍ମଙ୍କ ସଂଯୋଜନାରେ ବହୁ କବି ସ୍ବରଚିତ କବିତା ପାଠ କରିଥିଲେ । ଅନ୍ଯମାନଙ୍କ ମଧ୍ଯରେ ସସ୍ମିତା ପ୍ରଧାନ,ଦେବବ୍ରତ ଦାସ,ରେବତୀ ବେହେରା ,ଉମେଶ ତିଓ୍ବାରୀ ,ହରିହର ଶତପଥୀ,ରାଜ କୁମାର ମହାନ୍ତି ,ଦୁର୍ଯୋଧନ ପଣ୍ଡା କାର୍ଯକ୍ରମ ପରିଚାଳନାରେ ସହଯୋଗ କରିଥିଲେ।
ରାଉରକେଲା ରୁ କୁଞ୍ଜ ବିହାରି ରାଉତ ଙ୍କ ରିପୋର୍ଟ୍
