ଦୁଃଖ

 

କିଏସେ ବୁଝିବ ପ୍ରଭୁ

                ତୁମରି ଦୁଃଖକୁ

ଦିଶେନାହିଁ ଏହା ସବୁ 

                 କାହାରି ଆଖିକୁ

ଆଖିଥାଇ ଅନ୍ଧ ଆମେ

                  ଦିଶେନି କାହାକୁ

କିଏସେ ବୁଝିବ ପ୍ରଭୁ…………..୧

 

ଇନ୍ଦ୍ରପୁରୀ ଛାଡିତୁମେ 

                   ଏଣେ ତେଣେ ବୁଲ

ନିଜ ଦୁଃଖ ନିଜେ ସହି 

                  ଦୁଃଖହାରି ହେଲ

ଭାବିଲନି କେବେହେଲେ 

                   ନିଜର ସୁଖକୁ

କିଏସେ ବୁଝିବ ପ୍ରଭୁ…………..୨

 

ଛପନ କୋଟି ଜୀବର 

                   ପଡ଼ି ଦାତା ତୁହି

ତୋର ପେଟ ପାଇଁ ଏଠି 

                   ଅନ୍ନ ମିଳେନାହିଁ

ମାଗିଖାଇ ଦିଅତୁମେ 

                     ନକୁହ କାହାକୁ 

କିଏସେ ବୁଝିବ ପ୍ରଭୁ…………..୩

 

ଅସରନ୍ତି ଦୁଃଖ ତୁମ 

                  ନିଜର ରଖିଛ

କହିବାକୁ ବେଳନାହିଁ  

                  ନିଜେତ ଭୋଗୁଛ

ଦେଖିଦେଲେ ଭକ୍ତି ଭାବ

                 ଉଦ୍ଧାର ତାହାକୁ !             

  କିଏସେ ବୁଝିବ ପ୍ରଭୁ

                ତୁମରି ଦୁଃଖକୁ………..୪

 

ସତ୍ୟରଞ୍ଜନ ସ୍ୱାଇଁ

ଅବଦଲପୁର, ଯାଜପୁର