ଡାବୁଗାଁରେ ଚାଷୀର କୃଷି ଭିତ୍ତିକ ପର୍ବ ଉଁଆଷ ପର୍ବ ପାଳିତ
ଡାବୁଗାଁ, ୪/୮ (ମ.ନି.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଳକରେ ଚାଷୀ ମାନଙ୍କର କୃଷି ଭିତ୍ତିକ ପର୍ବ ଉଁଆଷ ପର୍ବ ବେଶ୍ ଉତ୍ସାହର ସହ ରବିବାର ପାଳିତ ହୋଇଯାଇଛି | ଏହି ପର୍ବ ପ୍ରତିବର୍ଷ ଶ୍ରବଣ ମାସର ଅମାବାସ୍ୟା ଦିନ ପାଳନ 
ହୋଇଥାଏ | ଯେହେତୁ ଏହି ପର୍ବ ଅମାବାସ୍ୟା ଦିନ ପାଳନ ହୋଇଥାଏ ତେଣୁ ଆଦିବାସୀ ଭାଷାରେ ଉକ୍ତ ପର୍ବର ନାମ ରହିଛି ଉଆଁସ ପର୍ବ | ଏହି ଦିନ ସକାଳୁ ଚାଷୀମାନେ ଉଠି ନିତ୍ୟକର୍ମ ସାରି ହାତରେ କଞ୍ଚା କ୍ଷୀର, ଦେଓ ବାଡ଼ନି, ରସନା ପତ୍ର, ଦିଉନା ଲଟା, ବାତ୍ରୀ ପତ୍ର ଓ ଧୂପଦୀପ ଆଦି ପୂଜା ସାମଗ୍ରୀ ସାଙ୍ଗରେ ଧରି ନିଜ ନିଜ ଧାନ ଜମିରେ ଯାଇ 
ପୂଜାର୍ଚ୍ଚନା କରିଥାନ୍ତି | ପରେ ନିଜ ନିଜ ଘରେ ବିଭିନ୍ନ ପ୍ରକାର ପିଠା ପଣା ଓ ଆମିଷ ରନ୍ଧାଯାଇ ପରିବାର ଓ ବନ୍ଧୁ ବାନ୍ଧବ ଙ୍କ ସହ ସମେସ୍ତେ ମିଶି ଖାଇଥାନ୍ତି | ଚାଷୀଙ୍କ କହିବା ପ୍ରକାରେ ଏହି ଦିନ ମାଟି ଦେବତାଙ୍କ ପୂଜାକଲେ ଜମିରେ ଭଲ ଅମଳ ହେବା ସହିତ ଚାଷକୁ ରୋଗପୋକରୁ ମଧ୍ୟ ସୁରକ୍ଷା ମିଳେ | ଏହି ପର୍ବ ସମସ୍ତ ଆଦିବାସୀ ମାନଙ୍କ ଘରେ ଆନନ୍ଦ ଉଲ୍ଲାସରେ ପାଳନ କରିଥାନ୍ତି |
ଡାବୁଗାଁ ରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
