ନିମ୍ନମାନର ଡ୍ରେସ ଯୋଗାଣ ନେଇ ଅଭିଯୋଗ କଲେ କର୍ମୀ
ଖଇରା,୨୭/୮/୨୪ -ବାଲେଶ୍ଵର ଜିଲ୍ଲା ଖଇରା ସିଡିପିଓ ଅଧିନରେ ଥିବା ପଦୁନା ଅଙ୍ଗନୱାଡି କେନ୍ଦ୍ରର କର୍ମୀ ସଞ୍ଜୁକ୍ତା ସେଣ୍ଡ ପିଲା ମାନଙ୍କୁ ନିମ୍ନମାନର ଡ୍ରେସ ଯୋଗାଣ ହେଉଥିବା ନେଇ ୨୦/୮/୨୪ ରିଖରେ ଅଭିଯୋଗ କରିଛନ୍ତି । ସେ ତାଙ୍କ ଅଭିଯୋଗରେ ଦର୍ଶାଇଛନ୍ତି ଯେ ସରକାରଙ୍କ ତରଫରୁ ୩ରୁ ୬ବର୍ଷ ପିଲାଙ୍କ ପାଇଁ ଆସୁଥିବା ଡ୍ରେସର 
ମୂଲ୍ୟ ପ୍ରତି ଝିଅ ପିଲା ପାଇଁ ୧୫୦ଟଙ୍କା ଓ ପ୍ରତି ପୁଅ ପିଲାଙ୍କ ପାଇଁ ୧୦୦ ଟଙ୍କା ଅଟେ । ସରକାରଙ୍କ ନିୟମ ଅନୁସାରେ ୧ ହଳ ଡ୍ରେସ S H G ଗୃପ୍ ଦେବା କଥା । ଅନ୍ୟ ୧ ହଳ ଡ୍ରେସ ଅଙ୍ଗନ ୱାଡି କର୍ମୀ ଦେବା କଥା । କିନ୍ତୁ ଦୁଃଖର ବିଷୟ ବ୍ଲକରେ ଥିବା B P C ଏବଂ O L M ଙ୍କ ଦ୍ବାରା ପରିଚାଳିତ S H G ମାନଙ୍କ ଠାରୁ କିଛି ଅର୍ଥ ନେଇ S H G ର ମାଆ ମାନେ ସିଲେଇ ନକରି ଫୁଟପାଥ୍ ରୁ ନିମ୍ନମାନର ଡ୍ରେସ କିଣି ପ୍ରତ୍ୟେକ ଅଙ୍ଗୱାଡି କେନ୍ଦ୍ରକୁ ଦେଉଛନ୍ତି । ସେହିସବୁ ଡ୍ରେସକୁ ନେଇ କେତେକ କର୍ମୀ CDPO ଓ BPC ଙ୍କୁ ଦେଖାଇବାରୁ ଡ୍ରେସ ନିମ୍ନମାନର ବୋଲି କହିଥିଲେ । ଏହାର କୌଣସି ତଦନ୍ତ ନକରି S H G ଙ୍କ ପାଖରୁ ଅର୍ଥ ଲୋଟି ଚାଲିଛନ୍ତି । ଏ ବିଷୟରେ BPCଙ୍କୁ ପଚାରିବାରୁ ମୁଁ କିଛି କହିପାରିବି ନାହିଁ ସିଡିପିଓଙ୍କୁ ପଚାରନ୍ତୁ, ସେ ଏ ବିଷୟରେ କହିପାରିବେ । ପରେ ସିଡିପିଓଙ୍କୁ ଯୋଗାଯୋଗ କରାଯାଇଥିଲା ହେଲେ ସମ୍ଭଵ ହୋଇପାରି ନଥିଲା । ତଦନ୍ତ କରି ତୁରନ୍ତ ପଦକ୍ଷେପ ନେବାକୁ ଅଭିଯୋଗକାରୀ ତଥା କର୍ମୀ ନିବେଦନ କରିଛନ୍ତି ।।
ବାଲେଶ୍ଵରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
