ଭଙ୍ଗା ଦଦରା ଘରେ ମୁଣ୍ଡ ଗୁଞ୍ଜିଛନ୍ତି ୫ପ୍ରାଣୀ |ବଳି ମଝିଙ୍କୁ ଆବାସ ଘର କେବେ ?
ନବରଙ୍ଗପୁର: (ତା ୧୫/୦୯)(ରବି ନାରାୟଣ ମହାନ୍ତି)-ପନ୍ଦର ବର୍ଷ ତଳେ ନିର୍ମାଣ କରିଥିବା ମାଟି କୁଡ଼ିଆ ଏବେ ବିପଦ ସଂକୁଳ ଅବସ୍ଥାରେ |ଭଙ୍ଗା ଦଦରା ଘରେ ନିଜ ସ୍ତ୍ରୀ ଓ ତିନି ସନ୍ତାନଙ୍କୁ ନେଇ ରହୁଛନ୍ତି ବଳି ମାଝୀ ଙ୍କ ପରିବାର |ନବରଙ୍ଗପୁର ଜିଲ୍ଲା ଝରୀଗାଁ ବ୍ଲକ ବାନୁଆଗୁଡା ପଂଚାୟତ ଅନ୍ତର୍ଗତ ଗମିଅଡା ଗ୍ରାମରେ ଦେଖିବାକୁ ମିଳିଛି ଏଭଳି ଦୃଶ୍ୟ |ଗ୍ରାମର ବଳି ମାଝୀ (୬୩) ସ୍ତ୍ରୀ ଦଇମତି ମାଝୀ ଓ ଦୁଇ ଝିଅ ଓ ଏକ ପୁଅ କୁ ନେଇ ଏକ ଭଙ୍ଗା ଦଦରା ଘରେ କାଳ କାଟୁଛନ୍ତି |ପ୍ରଶାସନ ପକ୍ଷରୁ ପାଞ୍ଚ କୁଟୁମ୍ବକୁ ୨୫କେଜି ଚାଉଳ ମିଳୁଥିବା କିଛି ବର୍ଷ ହେବ ବଳି ମାଝୀଙ୍କୁ ବାର୍ଦ୍ଧକ୍ୟ ଭତ୍ତା ମିଳୁଛି |ସ୍ତ୍ରୀ ଦଇମତି ଏଯାଏ ବାର୍ଦ୍ଧକ୍ୟ ଭତ୍ତାରୁ ବଞ୍ଚିତ ରହିଛି |ବଳିଙ୍କ ପରିବାର ପାଇଁ ଆବାସ ଘର କିନ୍ତୁ ସାତ ସପନ ପାଲଟିଛି |ପିତୃ ଅର୍ଜିତ ଅଳ୍ପ କିଛି ଜମି ରହିଥିବା ବେଳେ ଚାଷବାଷ ସାଙ୍ଗକୁ କୁଲିମଜୁରୀ କରି ପରିବାର ପ୍ରତିପୋଷଣ କରୁଛି ବଳି |ଦୀର୍ଘ ବର୍ଷ ତଳେ ମାଟି କାନ୍ଥରେ କିଛି ଆଡ଼ଭେଷ୍ଟ ଓ କିଛି ଖପର ଦେଇ ନିର୍ମାଣ କରିଥିଲେ ଦୁଇ ବଖରା ଘର ଆର୍ଥିକ ଅଭାବ ଯୋଗୁଁ ଘରର ମରାମତି ଠିକରେ ନହେବାରୁ କାନ୍ଥ ସବୁରେ ବର୍ଷା ଛିଟା ପଡି ପଡି ନଷ୍ଟ ହେବାରେ ଲାଗିଛି |ଅନ୍ୟପକ୍ଷେ ଆଡ଼ଭେଷ୍ଟ ଓ ଖପର ସବୁ ଫାଟି ଯିବାରୁ ତହିଁରେ ଜରିପାଲ ସାଙ୍ଗକୁ କିଛି ନଡା ପକେଇ କାମ ଚଳାଉଛି ବଳି |ଏସବୁ ବ୍ୟବସ୍ଥା ପରେ ମଧ୍ୟ ବର୍ଷା ଭିତର ଚଟାଣ ସବୁ ପାଣିରେ ଓଦା ହୋଇଯାଉଥିବା ବଳି ଅଭିଯୋଗ କରିଛନ୍ତି |ତେଣୁ ପ୍ରଶାସନ ବଳି ମାଝୀଙ୍କୁ ପ୍ରଧାନମନ୍ତ୍ରୀ ଆବାସ ଯୋଜନାରେ ସାମିଲ କରି ଘର ଖଣ୍ଡିଏ ଦେଲେ ବଳିଙ୍କ ପରିବାର ଉପକୃତ ହୁଅନ୍ତେ ବୋଲି ବଳି ପ୍ରଶାସନକୁ ନିବେଦନ କରିଛନ୍ତି |
ମସିହା ନିୟୁଜ୍ ସର୍ଭିସ୍
