ନୂଆ ଏଟିଏମ ଖୋଲିବାକୁ ଗ୍ରାମବାସୀଙ୍କ ଦାବି
ଢେଙ୍କାନାଳ, ହିନ୍ଦୋଳ ୧୯/୬/୨୦୨୪,ଦେଶରେ ମୋଦିଲହର ଆସିଥିବାବେଳେ ଏବେ ବି ଅନେକ ଅଞ୍ଚଳରେ ନା ଅଛି ମୋବାଇଲ ସେବା ନା ବ୍ୟାଙ୍କ ସେବା,ଲୋକମାନେ ଅନେକ ଦୂରରୁ ଚାଲି ଚାଲି ଆସି ବ୍ୟାଙ୍କରେ ପହଞ୍ଚୁଛନ୍ତି । କାହାର ଟଙ୍କା ଉଠେଇବାର ଅଛି, ତ କାହାର ଜମା କରିବା ପାଇଁ ଦିନସାରା ଲାଇନରେ ଠିଆ ହୋଇ କାମ ହୋଇପାରିନି । ଆମେ ଏ କଥା କହୁଛୁ ଢେଙ୍କାନାଳ ଜିଲ୍ଲା ଅନ୍ତର୍ଗତ ହିନ୍ଦୋଳ ବ୍ଲକର ବାବନ୍ଧ ଅଞ୍ଚଳ । ୨୦ ହଜାର ଲୋକଙ୍କ କେନ୍ଦ୍ରବିନ୍ଦୁ ହେଉଛି ବାବନ୍ଧ । ଅତ୍ୟନ୍ତ ଦୁଃଖ ଓ ପରିତାପର ବିଷୟ ଅଞ୍ଚଳରେ ଗୋଟିଏ ଏ.ଟି. ଏମ୍.ମେସିନ ନାହିଁ, ଯାହା ଫଳରେ ଲୋକେ ନାହିଁ ନ ଥିବା ଅସୁବିଧା ର ସମୁଖୀନ ହୋଇଥାନ୍ତି । ଅଞ୍ଚଳରେ ତୁରନ୍ତ ଏକ ପଇସା ଉଠା ମେସିନ ଦେବାକୁ ଅଞ୍ଚଳବାସୀ ଦାବି କରିଛନ୍ତି । ସରକାର ବିଚାର କରି ଏହି ଅଞ୍ଚଳର ସମସ୍ୟାକୁ ଦୂର କରିବେ ବୋଲି ଆଶା ରଖିଛନ୍ତି ।
ଢେ଼ଙ୍କାନାଳରୁ ନାୟକ ଅକ୍ଷୟ ରାଜହସ୍ତୀଙ୍କ ରିପୋର୍ଟ୍
