କୋକସରା,୨୦ା୪- କଳାହାଣ୍ଡି ଜିଲ୍ଲା କୋକସରା ବ୍ଲକ ସଦର ମହକୁମା କୋକସରା ଗ୍ରାମ ପଞ୍ଚାୟତ ର ୯ ନମ୍ୱର ୱାର୍ଡ ର ମହିଳା ମାନେ ବୁଧବାର କୋକସରା ବିଡ଼ିଓ ଙ୍କୁ ଭେଟି ପାନୀୟ ଜଳ ଯୋଗାଣ ପାଇଁ ଦାବି ଓ ଅଭିଯୋଗ କରିଛନ୍ତି । କୋକସରା ଗ୍ରାମର ୯ ନମ୍ବର ୱାର୍ଡ ର ଠାକୁରାଣୀ ମନ୍ଦିର ପଡ଼ାରେ ୨୫ ପରିବାର ବସବାସ କରୁଥିବା ବେଳେ ଏହି ପଡ଼ାକୁ ବସୁଧା ଯୋଜନା ରେ ପାଇପ ପାଣି ଯୋଗାଣ ହୋଇନାହିଁ । ଫଳରେ ପ୍ରଚଣ୍ଡ ଖରାରେ ପାନୀୟ ଜଳ ସଂଗ୍ରହ ପାଇଁ ମହିଳା ମାନଙ୍କୁ ଘଣ୍ଟା ଘଣ୍ଟା ଧରି ଅନ୍ୟ ସ୍ଥାନ କୁ ଯାଇ ପିଇବା ପାଣି ପାଇଁ ଅପେକ୍ଷା କରିବାକୁ ପଡୁଛି । କେତେ ବେଳେ ମିଳୁଛି ତ କେତେ ବେଳେ ନିରାଶ ହେବାକୁ ପଡୁଛି । ସମସ୍ୟା ର ସମାଧାନ ପାଇଁ ବୁଧବାର ୯ ନମ୍ବର ୱାର୍ଡ ର ମହିଳା ସଭ୍ୟା ନଳିନୀ ପ୍ରଭା ପଣ୍ଡାଙ୍କ ସମେତ ପଡା ର ମହିଳା ମାନେ କୋକସରା ବିଡ଼ିଓ ମନୀଷା ଦାସ ଙ୍କୁ ଅଭିଯୋଗ କରିବା ସହ ପଡାକୁ ଯୁଦ୍ଧକାଳୀନ ଭିତ୍ତିରେ ପାଇପ ଯୋଗେ ପାନୀୟ ଜଳ ଯୋଗାଣ ପାଇଁ ଲିଖିତ ଅଭିଯୋଗ କରିଛନ୍ତି । ଏ ନେଇ ବିଡ଼ିଓ ଗ୍ରାମ୍ୟ ଜଳ ଯୋଗାଣ ର କନିଷ୍ଠ ଯନ୍ତ୍ରୀ ଓ ସରପଞ୍ଚ ଙ୍କୁ ଶୀଘ୍ର ସମସ୍ୟା ର ସମାଧାନ କରିବାକୁ ନିର୍ଦ୍ଦେଶ ଦେଇଥିବା ଜଣାପଡିଛି । ମ ନି ସ
