ମକର ପାଇଁ ବିଜାତଳା ସାପ୍ତାହିକ ପ୍ରବଳ ଭିଡ଼
ମୟୂରଭଞ୍ଜ // ମୟୁରଭଞ୍ଜ ଜିଲ୍ଲାର ମହାନ ପର୍ବ ମକର ପର୍ବ l ଆଦିବାସୀବହୁଳ ମକର ପର୍ବ ନିମନ୍ତେ ବାମନଘାଟି ଉପଖଣ୍ଡ ର ବିଜାତଳା ବ୍ଲକ ର ସାପ୍ତାହିକ ହାଟ ଲୋକଙ୍କ ମଧ୍ୟରେ ଉତ୍ସାହ ଦେଖା ଯାଇଛି l ଏ ବର୍ଷଗ୍ରାମାଞ୍ଚଳ ରେ ଲୋକମାନେ ସେମାନଙ୍କର ଗଣ ପର୍ବ କୁ ଧୂମାଧାମ ରେ ପାଳନ ନିମନ୍ତେ ସତେ ଅବା ଅପେକ୍ଷା କରି ରହିଥିଲେ l ବିଜାତଳା ବ୍ଲକର ଆଦିବାସୀ, ମହାନ୍ତ, ସାନ୍ତାଳ, ମୁଣ୍ଡା, ଖଡିଆ ତଥା ସମସ୍ତ ସଂପ୍ରଦାୟ ର ଲୋକେ ମକର ପର୍ବ ନିମନ୍ତେ ଲୁଗାପଟା ସହିତ ବିଭିନ୍ନ ଜିନିଷ କିଣାବିକା କରିବା ପାଇଁ ସାପ୍ତାହିକ ହାଟ ରେ ପ୍ରବଳ ଜନଗହଳି ଲଗାଯାଇଥିଲା l ପନିପରିବା, ଶୁଖୁଆ, ଲୁଗାପଟା, ଜୋତା, ଆଖୁ, ଗୁଡ଼, ଚାଉଳ, ଚୂଡ଼ା, ମୁଢି କିଣିବା ପାଇଁ ପ୍ରବଳ ଗହଳି ଲାଗିଥିଲା l ଆଜିକାର ବିଜାତଳା ସାପ୍ତାହିକ ହାଟ ରେ ବ୍ଲକ ଅଂଚଳ ର 12ଟି ପଂଚାୟତ ବିଜାତଳା, ବଣକାଟି, ମୁଣ୍ଡାଠାକୁରl, ଲୁହାଶିଳା, ଖନ୍ତ, ନୁସାଡ଼ିହି, ଚଢ଼େଇପାହାଡି, ସରଗଡା, ମଢେଇକଚା, ମାଣିକପୁର, ରାଇହରି, ବଡ଼ଝରଣ ସମେତ ବିଶୋଇ ବ୍ଲକ ର ଲୁହାକାନି, ବଡ଼ମଣଦା, ଅସନା, ଏବଂ କୁସୁମୀ ବ୍ଲକ ର ସୁଲେଇପାଟ, ରାଇରଙ୍ଗପୁର ବ୍ଲକ ଅଞ୍ଚଳ ର ଗୋରୁମାହିଷାଣି ଆଦି ଅଂଚଳ ର ଆଦିବାସୀ ମାନଙ୍କ ସମେତ ଅଣ ଆଦିଧିବାସୀ ମାନେ ସେମାନଙ୍କର ମକର ନିମନ୍ତେ କିଣାକିଣି ପାଇଁ ଏକାଠି ହେଇଥିଲେ l
ମୟୂରଭଞ୍ଜ ରୁ ଅକ୍ଷୟ ବିଶ୍ବାଳ ମସିହା ନିଉଜ
