ଆତ୍ମନିର୍ଭରଶୀଳ ଭିତ୍ତିଭୂମି ଉପରେ ତାଲିମ
ଡାବୁଗାଁ, ୨୨/୧ (ମ.ନ.ସ.)- ନବରଙ୍ଗପୁର ଜିଲା ଡାବୁଗାଁ ବ୍ଲକ ସମ୍ମିଳନୀ କକ୍ଷଠାରେ ଆତ୍ମନିର୍ଭରଶୀଳ ଭିତ୍ତିଭୂମି ନେଇ ଏକ ତାଲିମ କାର୍ଯ୍ୟକ୍ରମ ବୁଧବାର ପୂର୍ବାହ୍ନ ୧୧ ଘ. ଆରମ୍ଭ ହୋଇ ଅପରାହ୍ନ ୪ ଘ.ରେ ଶେଷ ହୋଇଯାଇଛି | ପଞ୍ଚାୟତରେ ଆବଶ୍ୟକ ଥିବା ଭିତ୍ତିଭୂମି, ୨୦୩୦ ସୁଦ୍ଧା ଲକ୍ଷ୍ୟ ପୁରଣ ଦିଗରେ ଯୋଜନା ପ୍ରସ୍ତୁତ କରିବା ଉପରେ ତାଲିମ ପ୍ରଦାନ କରଯାଇଥିଲା | ବ୍ଲକ ମଙ୍ଗଳ ସଂପ୍ରସାରଣ ଅଧିକାରୀ ଆଦିତ୍ୟ ନାରାୟଣ ରଥ, ପଞ୍ଚାୟତ ନିର୍ବାହୀ ଅଧିକାରୀ ଏ.ଡି ପ୍ରସାଦ ଓ ପ୍ରବୀଣ କୁମାର ପଟ୍ଟନାୟକ ପ୍ରମୁଖ ତାଲିମ ଦେଇଥିଲେ | ଏଥିରେ ଆକାଂକ୍ଷା ବ୍ଲକ ସହଭାଗୀ ମୋନାଲ ପରିଡା, ପଞ୍ଚାୟତ ନିର୍ବାହୀ ଅଧିକାରୀ ଦିବ୍ୟଶଙ୍କର ପୂଜାରୀ, ରୂପାଲୀ ମଣ୍ଡଳ ଓ କାମିନୀ ହରିଜନ, ପେସା ସଂଯୋଜକ ଶୁଭଶ୍ରୀ ମହାଙ୍କୁଡ, ସମସ୍ତ ସରପଞ୍ଚ, ୪୦ ଜଣ ଅଙ୍ଗନୱାଡି କର୍ମୀ, ଏସିଡିଓ, ୧୨ ଜଣ ଏମବିକେ ଓ ୧୫ ଜଣ ସିଆରପି ଙ୍କ ସମେତ ମୋଟ ୭୦ ଜଣ ତାଲିମ ନେଇଥିଲେ | ଗ୍ରାମ ପଞ୍ଚାୟତ ଉନ୍ନୟନ ଅଧିକାରୀ ପଦ୍ମନାଭ ଭାଲ୍ଲା ପରିଚାଳନା କରିଥିଲେ |
ଡାବୁଗାଁରୁ ପ୍ରଜ୍ଞାରଞ୍ଜନ ପରିଡାଙ୍କ ରିପୋର୍ଟ
