ଜବାହର ନବୋଦୟ ବିଦ୍ୟାଳୟ ରେ ଝାଡାବାନ୍ତି |୧୨୨ ରୁ ଉର୍ଦ୍ଧ ଛାତ୍ର ଛାତ୍ରୀ ଙ୍କୁ ଆଗୁଆ ପ୍ରତିଷେଧକ ଔଷଧ ପ୍ରଦାନ । ଡେରା ପକାଇଛନ୍ତି ସ୍ୱାସ୍ଥ୍ୟ ଟିମ
ନବରଙ୍ଗପୁର:( ୨୪/୧)(ରବି ନାରାୟଣ ମହାନ୍ତି)ନବରଙ୍ଗପୁର ଜିଲ୍ଲା ତେନ୍ତୁଳୀଖୁଣ୍ଟି ବ୍ଲକ ଖାତିଗୁଡା ଜବାହର ନବୋଦୟ ବିଦ୍ୟାଳୟ ରେ ଝାଡାବାନ୍ତି ଲାଗିଛି | ବିଦ୍ୟାଳୟ ର ପ୍ରାୟ ଗତକାଲି ୧୨୨ ଛାତ୍ରଛାତ୍ରୀ ଙ୍କୁ ପରୀକ୍ଷା କରି ପ୍ରତିଷେଧକ ଔଷଧ ପ୍ରଦାନ କରାଯାଇଅଛି। ୯ ଜଣ ଛାତ୍ରଛାତ୍ରୀ ଙ୍କୁ ତେନ୍ତୁଳିଖୁଣ୍ଟି ସ୍ୱାସ୍ଥ୍ୟ କେନ୍ଦ୍ର ରେ ଭର୍ତ୍ତି କରାଯାଇଥିଲା । ସେମାନେ ସୁସ୍ଥ ହୋଇ ବିଦ୍ୟାଳୟକୁ ଫେରିଛନ୍ତି । ଆକ୍ରାନ୍ତ ଙ୍କ ସଂଖ୍ୟା ବୃଦ୍ଧି ପାଉଥିବାରୁ ନବରଙ୍ଗପୁର ଜିଲ୍ଲା ଜନ ସ୍ୱାସ୍ଥ୍ୟ ଅଧିକାରୀ ନବ କିଶୋର ବେହେରା ବିଦ୍ୟାଳୟ ରେ ପହଞ୍ଚି ଛାତ୍ରଛାତ୍ରୀ ଙ୍କ ସହ ଆଲୋଚନା କରିଛନ୍ତି |ନବରଙ୍ଗପୁର ସ୍ୱାସ୍ଥ୍ୟ ବିଭାଗ ର ୪ ଜଣିଆ ଡାକ୍ତରୀ ଟିମ ପହଞ୍ଚି ଛାତ୍ରଛାତ୍ରୀ ଙ୍କୁ ପ୍ରଦାନ କରାଯାଇଥିବା ଖାଦ୍ୟ, ପାନୀୟଜଳ ,ମଳ ଆଦି ସଂଗ୍ରହ କରି ପରୀକ୍ଷା ପାଇଁ ପଠାଇଥିବା ଜଣାପଡିଛି |ତେନ୍ତୁଳିଖୁଣ୍ଟି ସ୍ୱାସ୍ଥ୍ୟ ବିଭାଗ ର ଗୋଟିଏ ଟିମ ବିଦ୍ୟାଳୟ ରେ ରହି ଛାତ୍ରଛାତ୍ରୀ ଅହରହ ସେବା ଯୋଗାଉଥିବା ଜଣାପଡିଛି |ହଠାତ ଏହିଭଳି ଝାଡାବାନ୍ତି ବ୍ୟାପିବାର କାରଣ ଜଣାପଡିନଥିବା ବେଳେ ଅପମିଶ୍ରିତ ଖାଦ୍ୟ ନଚେତ ପାନୀୟଜଳ ଏହାର କାରଣ ହୋଇଥାଇ ପାରେ ବୋଲି ଅନୁମାନ କରାଯାଉଛି | ଏନେଇ ନବୋଦୟ ବିଦ୍ୟାଳୟ ଅଧ୍ୟକ୍ଷ ରତ୍ନାକର ସାହୁ ଙ୍କୁ ପଚାରିବାରୁ ଚିକିତ୍ସା ଜାରିରହିଛି |ସମସ୍ତେ ସୁସ୍ଥ ଅଛନ୍ତି ବୋଲି କହିଛନ୍ତି | ସୂଚନା ଅନୁଯାଇ ବିଦ୍ୟାଳୟ ରେ ଷଷ୍ଠ ରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ୫୦୬ ଜଣ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି ! ଗତକାଲି ମଧ୍ୟାହ୍ନ ରେ ଖାଇ ସାରିବା ପରେ ଶତାଧିକ ଛାତ୍ରଛାତ୍ରୀ ଝାଡା ବାନ୍ତି ରେ ଆକ୍ରାନ୍ତ ହୋଇଥିଲେ ! ଖବର ପାଇ ତେନ୍ତୁଳିଖୁଣ୍ଟି ସ୍ୱାସ୍ଥ୍ୟ ବିଭାଗ ର ଏମଏଚୟୁ ଟିମ ର ଡା. ଅମରେଶ ମହାନ୍ତି,ଡା.ସୂବେନ୍ଦୁ ବାଗ,ଭେଷଜକ ରଶ୍ମିତା ପଲେଇ,ସ୍ୱାସ୍ଥ୍ୟ ପରିଦର୍ଶକ ପ୍ରଦୀପ ଦାସ,ତପନ ରାଓ,ମହିଳା ସ୍ୱାସ୍ଥ୍ୟ କର୍ମୀ ସୁଷମା ନାୟକ,ରତ୍ନ ମଞ୍ଜରୀ ମହାଳି ନବୋଦୟ ବିଦ୍ୟାଳୟ ରେ ପହଂଚିଥିଲେ | ବର୍ତମାନ ସମସ୍ତ ଛାତ୍ରଛାତ୍ରୀ ସୁସ୍ଥ ରହିଥିବା ଡାକ୍ତରଖାନା ସୂତ୍ରରୁ ସୂଚନା ମିଳିଥିଲେ ହେଁ ଆଜି ପୁଣି ୫ ଜଣ ଆକ୍ରାନ୍ତ ହୋଇଥିବା ବିଶ୍ୱସ୍ତ ସୂତ୍ରରୁ ପ୍ରକାଶ ! ସ୍ୱାସ୍ଥ୍ୟ ବିଭାଗ ଟିମ ପକ୍ଷରୁ ବିଦ୍ୟାଳୟ ର ସମସ୍ତ ଛାତ୍ରଛାତ୍ରୀ ଙ୍କ ଆଗୁଆ ସ୍ୱାସ୍ଥ୍ୟ ପରୀକ୍ଷା କରାଯାଇଛି | ଆଜି ଉକ୍ତ ସମସ୍ୟା ନେଇ ନବରଙ୍ଗପୁର ବିଧାୟକ ଗୌରୀ ଶଙ୍କର ମାଝୀ, ତେନ୍ତୁଳିଖୁଣ୍ଟି ମଣ୍ଡଳ ସଭାପତି ପ୍ରଶାନ୍ତ କୁମାର ନାୟକ, ପୂର୍ବତନ ମଣ୍ଡଳ ସଭାପତି ହରେକ୍ରୁଷ୍ନ ମୁଦୁଲି ଓ ଜିଲ୍ଲା କାର୍ଯ୍ୟ କାରିଣୀ ସଭ୍ଯ ଧରଣୀ ଧର ସିଂ ପ୍ରମୂଖ ସମ୍ପୃକ୍ତ ବିଦ୍ୟାଳୟ କୁ ଯାଇ ବୁଝାବୁଝି କରିଥିବା ବେଳେ କେତେ ଅଭିଭାବକ ନିଜ ର ନାମ ଗୋପନ ରଖି ନିମ୍ନ ମାନର ଖାଦ୍ୟ ଓ ଭଲ ତେଲ ବ୍ୟବହାର ନ କରିବାରୁ ଏପରି ଘଟିଛି ବୋଲି ପ୍ରକାଶ କରିଛନ୍ତି l ସ୍ୱାସ୍ଥ୍ୟ ବିଭାଗ ଦ୍ଵାରା ଖାଦ୍ୟ, ପାନୀୟ ଜଳ ଓ ମଳ ପରୀକ୍ଷା କରା ଯିବା ପରେ ଫଳାଫଳ ର ସତ୍ୟତା ପଦାକୁ ନିଶ୍ଚୟ ଆସିବ,ଏଥିରେ ସନ୍ଦେହ ନାହିଁ lତେବେ ତାହା ଦେଖିବାକୁ ବାକି ରହିଲା l
ନବରଙ୍ଗପୁର ଜିଲ୍ଲାରୁ ରବି ନାରାୟଣ ମହାନ୍ତିଙ୍କ ରିପୋର୍ଟ ମସିହା ନିଉଜ୍
