ଉତ୍କଳ ଆଲୁମିନା ପକ୍ଷରୁ ଅନ୍ତର୍ଜାତୀୟ ମହିଳା ଦିବସ ପାଳିତ
ରାୟଗଡା,୮/୩; ରାୟଗଡା ଜିଲ୍ଲା ଟିକିରି ଅର୍ନ୍ତଗତ ଦୋରାଗୁଡା ସ୍ଥିତ ଉତ୍କଳ ଆଲୁମିନା କାରଖାନା ହିଣ୍ଡାଲକୋ ଇଣ୍ଡଷ୍ଟ୍ରିଜ ଆଦତ୍ୟ ବିର୍ଲା ଗ୍ରୁପର ଏକ ସହଯୋଗୀ କମ୍ପାନୀ ପକ୍ଷରୁ ସସ୍ଥାନୀ ମାନବ ସମ୍ବଳ ବିଭାଗ ତରଫରୁ ଅନ୍ତର୍ଜାତୀୟ ମହିଳା ଦିବସ ମହାସମାରୋହରେ ପାଳିତ 
ହୋଇଯାଇଅଛି । ମାନବ ସମ୍ବଳ କାର୍ଯ୍ୟାଳୟ ସଭାକକ୍ଷ ପରିସରରେ କର୍ମାଚାରୀଙ୍କ ଦ୍ୱାରା ଉତ୍ସାହ ସହକାରେ ପାଳନ ହେବା ସହ କାରାଖାନର ସମସ୍ତ ବିଭାଗରେ ଅନୁରୂପ ଭାବେ କେକ୍ କାଟି ଆନ୍ତର୍ଜାତୀୟ ମହିଳା ଦିବସକୁ ଧୁମଧାମରେ ପାଳନ କରାଯାଇଅଛି । ଏହି ଉପଲକ୍ଷେ କାରାଖାନର ନୂଆପଡା ସ୍ଥିତ ଟାଉନସିପ୍ କ୍ଲବ ହାଉସ 
ଠାରେ ଏକ ସ୍ୱତନ୍ତ୍ର କାର୍ଯ୍ୟକ୍ରମ ଆୟୋଜିତ ହୋଇଯାଇଅଛି । ଉକ୍ତ ସମାରୋହରେ କାରାଖାନରେ କାର୍ଯ୍ୟରତ ସମସ୍ତ ମହିଳା କର୍ମଚାରୀ ଏଠାରେ ଉପସ୍ଥିତ ଥିଲେ । ଏହି ଅବସରରେ କାରଖାନର ମୁଖ୍ୟ ରବି ମିଶ୍ର ଓ ମାନବ ସମ୍ବଳ ବିଭାଗ ପ୍ରମୁଖ ବିଜୟ କୁମୁରା ଯୋଗଦେଇ କାର୍ଯ୍ୟକ୍ରମ ଉଦ୍ଦେଶ୍ୟ ସମ୍ପର୍କରେ ଉଦବୋଧନ ଦେଇଥିଲେ । ମାଁ କହିଲେ ବସୁଧା ତଥା ଧରିତ୍ରୀକୁ ବୁଝାଏ । ବସୁଧା ଜୀବନରେ ପ୍ରତ୍ୟେକ ମୁହୂର୍ତ୍ତରେ ଆମ ସହିତ ରହିଥାଏ, ଜୀବ ଜଗତ ସମାଜକୁ କୋଳରେ ଧାରଣ କରିଥାଏ । ସମାଜର ମୁଖ୍ୟ ପୁରୋଧା ନାରୀ । ଜନ୍ମ ଠାରୁ ମୃତ୍ୟୁ ଯାଏଁ ସେମାନେ ଧର୍ଯ୍ୟ, ସାହାସ ଓ ଶକ୍ତିର ବ୍ରତ୍ତି । ମାନବ ସମାଜରେ ମହିଳାଙ୍କ ଭୂମିକା ଅତୁଳନୀୟ ଓ ଅପରିକଳ୍ପନୀୟ । ପୁରୁଷ ଜୀବନରେ ନାରୀର ରୂପ ବିଭିନ୍ନ ପ୍ରକାର ହୋଇଥାଏ । ଜନ୍ମଠୁ ମାଁ ରୂପୀ ଦେବୀ, ପରବର୍ତ୍ତି ପର୍ଯ୍ୟାୟରେ ଜଣେ ମହିଳା ଜୀବନ ସାଥୀ ହୋଇ ଜୀବନର ପ୍ରତ୍ୟେକ ଚଲାପଥରେ ସଥୀ ହୋଇ ରହିଥାଏ । ତେଣୁ ନାରୀ ସମାଜର ପଥ ପ୍ରଦର୍ଶକ, ମହିଳାଙ୍କ ବିନା ସୃଷ୍ଟିର ଅପରିକଳ୍ପନୀୟ ବୋଲି ସଭାରେ ଉଦବୋଧନ ଦେଇ କାରାଖାନ ମୁଖ୍ୟ ଶ୍ରୀ ମିଶ୍ର ପ୍ରକାଶ କରିଥିଲେ । ଅନୁୁରୂପ ମାନବ ସମ୍ବଳ ବିଭାଗ ପ୍ରମୁଖ ବିଜୟ କୁମୁରା ମଧ୍ୟ ସଭାରେ ସମାଜରେ ନାରୀଙ୍କ ଭୂମିକା ସଂମ୍ପର୍କରେ ମତବ୍ୟକ୍ତ କରିଥିଲେ । ଉକ୍ତ ସମାରୋହରେ ଅଂଶଗ୍ରହଣ କରିଥିବା ମହିଳା କର୍ମଚାରୀମାନେ ବିଭିନ୍ନ ଖେଳକୁଦ ପ୍ରତିଯୋଗିତା ଓ କାର୍ଯ୍ୟକ୍ରମରେ ଯୋଗଦାନ କରି ମନଭରି ଉପଭୋଗ କରିଥିଲେ । କାର୍ଯ୍ୟକ୍ରମ ଶେଷରେ ସମସ୍ତ ମହିଳା ସଦସ୍ୟଙ୍କୁ ଉପହାର ପ୍ରଦାନ କରାଯାଇଥିଲା । ଉକ୍ତ କାର୍ଯ୍ୟକ୍ରମକୁ ମାନବ ସମ୍ବଳ ବିଭାଗ କର୍ମଚାରୀ ସୌମ୍ୟକ ଚାନ୍ଦ ପରିଚାଳନା କରିଥଇବା ବେଳେ ଆଶୁତୋଷ ମିଶ୍ରଙ୍କ ସମେତ ଅନ୍ୟମାନେ ସହଯୋଗ କରିଥିଲେ ।
ଗୌରୀ ପଟ୍ଟନାୟକ ଙ୍କ ରିପୋର୍ଟ୍
