ବଜ୍ରାଘାତରେ ଏକ ମୃତ 

କାମାକ୍ଷାନଗର (ମନିସ )7/6/24 // କାମାକ୍ଷାନଗର ଦେଇ ଯାଇଥିବା ରେଙ୍ଗାଳି ବାମ କେନାଲ ରାସ୍ତାରେ ଵଜ୍ରାଘାତରେ ଜଣଙ୍କ ର ମୃତ୍ୟୁ ହୋଇଥିବା ବେଳେ ଜଣେ ଗୁରୁତର ଭାବେ ଆହତ ହୋଇଥିବାର ଜଣାଯାଇଛି l ମୃତକ ଜଣକ ହେଲେ କଟକ ଜିଲ୍ଲା ଅନ୍ତର୍ଗତ ବଡମ୍ବା ର ସନ୍ତୋଷ କୁମାର ଜେନା l ସନ୍ତୋଷ କୁମାର ଜେନା ଏକ ଫାଇନାସ କମ୍ପାନୀରେ କାର୍ଯ୍ୟ କରୁଥିଲେ l ସାପ୍ତାହିକ କିସ୍ତି ସଂଗ୍ରହ ପାଇଁ ସହକର୍ମୀ ସନ୍ଧ୍ୟାରାଣୀ ଜେନାଙ୍କ ସହିତ ବିରାଶାଳ, ମାକୁଆକାଟେଣୀ ଆଦି ଗ୍ରାମକୁ ଯାଇ ଅପରାହ୍ନରେ ବାଇକ ରେ ଉଭୟ ଫେରୁଥିଲେ l କେନାଲ ରାସ୍ତାରେ ଫେରିବା ସମୟରେ ଵଜ୍ରାଘାତ ହୋଇଥିଲା l ଫଳରେ ଉଭୟ ଗୁରୁତର ହୋଇ ପଡ଼ିଥିଲେ l ରାସ୍ତାରେ ଯାଉଥିବା ପଥଚାରୀ ଙ୍କ ଦ୍ୱାରା ଉଭୟ କାମାକ୍ଷାନଗର ଉପଖଣ୍ଡ ଡାକ୍ତରଖାନାରେ ଭର୍ତି କରାଯାଇଥିଲା l ସେଠାରେ ଡାକ୍ତର ସନ୍ତୋଷ ଙ୍କୁ ମୃତ ଘୋଷଣା କରିବା ପରେ ଗୁରୁତର ସନ୍ଧ୍ୟାରାଣୀଙ୍କୁ ଢେଙ୍କାନାଳ ସ୍ଥାନାନ୍ତର କରିଛନ୍ତି l

ପ୍ରହ୍ଲାଦ ମୁଦୁଲିଙ୍କ ରିପୋର୍ଟ