ଭୁବନେଶ୍ବର ଠାରେ ସମ୍ମାନିତ ହେଲେ ସିପାହୀ ମୁନିରାମ ସାହୁ
ରୁପ୍ରା, (ଅଜୟ ସେନାପତି) :ରାଜଧାନୀ ଭୁବନେଶ୍ଵର ଠାରେ ଆୟୋଜିତ ୯୦ ତମ ପୋଲିସ ପ୍ରତିଷ୍ଠା ଦିବସରେ ଉଲ୍ଲେଖନୀୟ ସେବା ନିମନ୍ତେ ୨୦୨୪ ବର୍ଷ ପାଇଁ ସ୍ଵତନ୍ତ୍ର ନିରାପତ୍ତା ବାଟାଲିୟନ ର ଶ୍ରେଷ୍ଠ ସିପାହୀ ଭାବେ ସମ୍ମାନିତ ହେଲେ ମୁନିରାମ ସାହୁ । ଓଡ଼ିଶା ପୋଲିସ କମିଶନର ଶ୍ରୀ ସୁରେଶ ଦେବଦତ୍ତ ସିଂ ମୁଖ୍ୟ ଅତିଥି ଭାବେ ଯୋଗଦେଇ ଉକ୍ତ ସମ୍ମାନ ଟି ପ୍ରଦାନ କରିଥିଲେ ।ଶ୍ରୀ ସାହୁ ହେଉଛନ୍ତି କଳାହାଣ୍ଡି ଜିଲ୍ଲା କେସିଙ୍ଗା ବ୍ଲକ ଅନ୍ତର୍ଗତ ବନ୍ଧପଡ଼ା ନିବାସୀ ଶ୍ରୀଯୁକ୍ତ ପୁରୁଷୋତ୍ତମ ସାହୁଙ୍କ ପୁଅ । ସେ ୨୦୧୦ ମସିହାରେ ସଶସ୍ତ୍ର ସୁରକ୍ଷା ବାହିନୀ ଭୁବନେଶ୍ୱରରେ ସିପାହୀ ଭାବେ ଯୋଗ ଦେଇ ନିଜ ଶୃଙ୍ଖଳା ଗତ ଆଚରଣ, କର୍ତ୍ତବ୍ୟନିଷ୍ଠା, ସମୟାନୁବର୍ତ୍ତିତା, ଦାୟିତ୍ୱବୋଧ ଓ କାର୍ଯ୍ୟ ଦକ୍ଷତା ପାଇଁ ସର୍ବଦା ବିଭାଗୀୟ ଉଚ୍ଚ କର୍ତ୍ତୃପକ୍ଷ ଙ୍କ ଦ୍ଵାରା ଉଚ୍ଚ ପ୍ରଶଂସିତ ହୋଇଛନ୍ତି । ତାଙ୍କ ସମ୍ମାନିତ ହେବା ଖବର ଜାଣିବା ପରେ ପରିବାର, ବନ୍ଧୁ ବାନ୍ଧବ, ସାଙ୍ଗସାଥୀ, ଅଞ୍ଚଳ ବାସୀ, ବୁଦ୍ଧିଜୀବୀ ସମସ୍ତେ ଅଭିନନ୍ଦନ ଜଣାଇବା ସହିତ କଳାହାଣ୍ଡି ପାଇଁ ଏହା ଏକ ଗର୍ବ ଓ ଗୌରବର ବିଷୟ ବୋଲି ପ୍ରଶଂସା ମଧ୍ୟ କରୁଛନ୍ତି ।
