ପ୍ରକାଶ ପାଇଲା ଜ୍ଞାନପୀଠ ପୁରସ୍କୃତ ବ୍ଯକ୍ତି ଓ ସମୟ ଭିତ୍ତିକ ପ୍ରତିଯୋଗିତାର ଫଳାଫଳ, ପ୍ରଥମ ହେଲେ ସନ୍ଧ୍ୟାରାଣୀ
ଖଇରା,୧୧/୪/୨୫- ପ୍ରତ୍ୟେକ ରବିବାର କିଛି ଜାଣିବା ଓ ଜଣାଇବା କାର୍ଯ୍ୟକ୍ରମ ” ମୋ ଅନୁଷ୍ଠାନ ” ହ୍ଵାଟ୍ସଆପ୍ ଗୃପ୍ ରେ ହୋଇଥାଏ । ଅନୁଷ୍ଠାନର ମୂଳ ଲକ୍ଷ୍ୟ କିଛି ନୂଆ ନୂଆ ବିଷୟରେ ଜାଣିବା ଓ ଅନ୍ୟ ମାନଙ୍କୁ ଜଣାଇବା । କବିତା, ଗଳ୍ପ, ପ୍ରବନ୍ଧ, ଜଣାଅଜଣା, ମେଧାଅନ୍ବେଷଣ, ପ୍ରଶ୍ନୋତ୍ତର ଓ ହଜିଯାଉଥିବା ଅତୀତର ଘଟଣବଳୀକୁ ମନେପକେଇବା ଭଳି ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ପ୍ରତିଯୋଗୀ ମାନଙ୍କ ନିକଟତ୍ତର ହୋଇଥାଏ ଅନୁଷ୍ଠାନ । ବାଲେଶ୍ବର ଜିଲ୍ଲା ଖଇରା ଠାରେ ୨୦୧୯ ମସିହାରେ ଗଢ଼ି ଉଠିଥିବା ” ମୋ ଅନୁଷ୍ଠାନ ସାହିତ୍ୟ ସଂସଦ ” ସମସ୍ତଙ୍କ ଭଲପାଇବାକୁ ପାଥେୟ କରି ଆଗେଇ ଚାଲିଛି । ସମଗ୍ର ସାହିତ୍ୟ ସମାଜରେ ଏହାର ସୁନାମ ରହିଛି । ଏଠି କୌଣସି ପ୍ରକାର ପାତରଅନ୍ତର କାର୍ଯ୍ୟ କେଵେଵି ହୋଇନାହିଁ କି ହେବାର ସମ୍ଭାବନା ମଧ୍ୟ ନାହିଁ । ସମସ୍ତଙ୍କ ସାହିତ୍ୟ ସୃଷ୍ଟିକୁ ସମ୍ମାନ ଦିଆଯାଏ । ପ୍ରତ୍ୟେକ ରବିବାର ପରି ଗତ ତା ୦୬/୪/୨୫ ରିଖ ରବିବାର ଥିଲା ଜ୍ଞାନପୀଠ ପୁରସ୍କୃତ ଓ ସମୟ ଭିତ୍ତିକ ପ୍ରତିଯୋଗିତା ମୂଳକ କାର୍ଯ୍ୟକ୍ରମ । ଏଥିରେ ବିଭିନ୍ନ ସ୍ଥାନରୁ ମୋଟ ୧୨ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ । ଯେହେତୁ ଓଡ଼ିଆ ସାହିତ୍ୟ ଅନୁଷ୍ଠାନ ତେଣୁ ଏଠି ଓଡିଆ ଭାଷାକୁ ଗୁରୁତ୍ୱ ଦିଆଯାଉଛି କିନ୍ତୁ ଇଂରାଜୀକୁ ନୁହେଁ । ପ୍ରଶ୍ନକର୍ତ୍ତୀ ଅପରାଜିତା ରଥ ସମସ୍ତଙ୍କ ଉତ୍ତର ଗୁଡିକୁ ସମୀକ୍ଷା କରିଥିଲେ ଏବଂ ତାଙ୍କୁ ସହଯୋଗ କରିଥିଲେ ତାଙ୍କ କୁନି ଝିଅ ସାଇ ସମୀକ୍ଷା ରଥ, ଭଦ୍ରକ । ତାଙ୍କ ସମୀକ୍ଷାରୁ ସନ୍ଧ୍ୟାରାଣୀ ବେହେରାଙ୍କୁ ପ୍ରଥମ ସ୍ଥାନ ମିଳିଛି । ଅନ୍ୟ ମାନେ ପ୍ରଥମ ସ୍ଥାନ ପାଇଁ ଚୟନ ହୋଇଥିଲେ ମଧ୍ୟ ନାମ ଘୋଷଣା ହୋଇପାରିଲା ନାହିଁ କାରଣ ଓଡ଼ିଆରେ ଦିଆ ଯାଇଥିବା ପ୍ରଶ୍ନର ଉତ୍ତର ଇଂରାଜୀରେ ଥିଲା । ତେଣୁ ସମ୍ପୂର୍ଣ୍ଣ ରୂପେ ଓଡ଼ିଆ ଭାଷାକୁ ଗୁରୁତ୍ୱ ଦେଇଥିବା ସନ୍ଧ୍ୟାରାଣୀଙ୍କୁ ପ୍ରଥମ ସ୍ଥାନ ପ୍ରଦାନ କରାଗଲା । ଭବିଷ୍ୟତରେ ଯଦି କେହି ଅନୁଷ୍ଠାନର କୌଣସି କାର୍ଯ୍ୟକ୍ରମରେ ଭାଗନେବାକୁ ଇଚ୍ଛା ପ୍ରକାଶ କରନ୍ତି, ତେବେ ସମ୍ପୂର୍ଣ୍ଣ ରୂପେ ଓଡ଼ିଆ ଭାଷାକୁ ଗୁରୁତ୍ୱ ଦେବାକୁ ପ୍ରତିଥର ପରି ଏଥର ମଧ୍ୟ ସମ୍ପାଦକ ନରେନ୍ଦ୍ର ପ୍ରସାଦ ବେହେରା ସମସ୍ତଙ୍କୁ ଅନୁରୋଧ କରିଛନ୍ତି । ପୁରସ୍କାର ସ୍ବରୂପ ସନ୍ଧ୍ୟାରାଣୀ ବେହେରାଙ୍କୁ ଅନୁଷ୍ଠାନ ତରଫରୁ ଗୀତା ବହି ପ୍ରଦାନ କରାଯିବ ।
ଏଥିରେ (୧) ସନ୍ଧ୍ୟାରାଣୀ ବେହେରା, ବାରିପଦା, ମୟୂରଭଞ୍ଜ-୯ (୨) ଇତିଶ୍ରୀ ମେହେର, ସିନାପାଲି, ନୂଆପଡା-୭ (୩) ଦୀପି ବାରିକ୍, ଅନୁଗୋଳ-୫ (୪) ଟି ଏସ ତମନ୍ନା, ଭାଲିଆଡିହା, ମୟୂରଭଞ୍ଜ-୭ (୫) ଗୀତା ମଞ୍ଜରୀ ଦାସ, ମୁଣ୍ଡିମରା, ବରପଦା, ଭଦ୍ରକ-୮ (୬) ସୁଲୋଚନା ବଳ, କେଶପୁର, ସୋର, ବାଲେଶ୍ବର-୯ (୭) ଅନୁପମା ବିଶ୍ବାଳ, ସମ୍ବଲପୁର-୯ (୮) ସୁନିତା ଦାଶ, ଭୁବନେଶ୍ୱର, ଖୋର୍ଦ୍ଧା-୬ (୯) ବିଶ୍ବକଲ୍ଯାଣ ବେହେରା, ଖୋର୍ଦ୍ଧା-୯ (୧୦) ରଶ୍ମିତା ପ୍ରମାଣିକ, ସୋର, ବାଲେଶ୍ବର-୪ (୧୧) ସଞ୍ଜୁକ୍ତା ସାହୁ, ରାହାମା, ଜଗତସିଂହପୁର-୭ (୧୨) ରଶ୍ମିତା ନାୟକ, ଜଗତସିଂହପୁର-୮ ପ୍ରମୁଖ ଅଂଶ ଗ୍ରହଣ କରିଥିଲେ ।।
ବାଲେଶ୍ବରରୁ ନରେନ୍ଦ୍ର ପ୍ରସାଦ ବେହେରାଙ୍କ ରିପୋର୍ଟ
